Jeremías 32:20 - Qullan Arunaka DC

²⁰ Jumaw Egipto markan muspharkañanak lurtaxa, jichhas Israel markana, yaqha markanak taypinsa uka pachpa luräwinak luraskaraktaxa, ukhamat sutiman jach'añchatäñapataki.

Aymar Bibliia 1986

²⁰ Jumaw Egipto marcan milagronacsa uñacht'äwinacsa lurtajja, jichhas Israel marcanjja uca pachpa luräwinac lurascaractawa, uqhamaraqui yakha marcanac taypinsa, uqhamat sutimajj jach'añchatäñapataqui.

Qullan Arunaca

²⁰ Jumaw Egipto marcan milagronacsa uñacht'äwinacsa lurtajja, jichhas Israel marcanjja uca pachpa luräwinac lurascaractawa, uqhamaraqui yakha marcanac taypinsa, uqhamat sutimajj jach'añchatäñapataqui.

Jeremías 32:20 Jak'a apnaqawi uñst'ayäwi

2 Samuel 7:23

¡Janirakiw Israel markamjamas yaqha markax aka uraqin utjkiti! Jumaw Tatay, juman markamäñatak qhispiytaxa, ukatsti wali aytat markaruw tukuyaraktaxa, jach'a muspharkañ luräwinak jupanakatak lurasa. Egiptot qhispiyanit markam nayraqatatsti jumaw yaqha markanakarusa, diosanakaparus jaqunuktaxa.

1 Crónicas 17:21

Israel markamjamasti, ¡janiw yaqha markax utjkiti, aka uraqinsti uka markakiwa! Jumax Tatay, markamäñapatakiw qhispiytaxa, ukatsti muspharkañanak lurasaw taqinimp uñt'ayastaxa. Egipto markat irpsunkta uka markaman nayraqatapat jumaw yaqha markanakar jaqunuktaxa, jumax markamarux Egipto markatsa kutsuyastawa, ukhamarak maynïr markanakatsa,

Nehemías 9:10

Jumax wali muspharkaya jach'a luräwinak faraonar saykatañatakix lurtaxa, ukhamarak uywatanakaparu, markapankiri taqi jaqinakapar saykatañatakisa; kunja jach'a jach'a tukuñampitix jupanakax israelita jaqinakaru apnaqapkäna ukanaksa jumax amuytawa. Ukhamat sutimax jichhürkam wali aytataxa.

Nehemías 9:11

Nayra awkinakaxan nayraqatapanxa qutsa payaruw jaljtaytaxa, jupanakasti uka chiqxa waña uraqinjam makhatapxäna; ukampis jupanakar arktirinakarux quta manqhiruw utjantaytaxa, kunjämtix mä qalax uma manqhiru utjantki ukhama.

Salmos 135:9

Muspharkañ uñacht'äwinak Egipto markar apayanïna, faraón chachar uñacht'ayañataki, jilïr jaqinakapar uñacht'ayañataki.

Éxodo 10:2

ukhamarak jumax wawanakamaru, allchhinakamar kuna muspharkañanaktix nayax egipcionak taypin lurkta, kunjämtix jupanakat laruskta ukanaksa jupanakar yatiyañamataki. Ukhamat jumanakax yatipxäta nayan Tatitütaxa.

Éxodo 3:20

Ch'amanïtax uñacht'ayä ukatsti kunayman jach'a muspharkañanak lurä, ukanakampiw egipcionakarux t'unjä. Ukkhakiw jumanakarux sarapxañamatak antutapxätam.

Éxodo 7:3

Ukampis nayaw faraonarux chuymap qalarayä jan munañapataki, walja muspharkañ uñacht'äwinak Egipton lurarakï.

Éxodo 9:16

Ukampis nayaw juman jan jiwañam munkti, ch'amax uñjañamatakiw jakaysma, ukhamat nayan sutixan taqi uraqin uñt'atäñapataki.

Isaías 63:12

¿Kawkinkarak khititix uka jach'a ch'amapsa Moisesar churki ukasti?, ¿kawkinkarak khititix markap nayraqatansa jach'a qutsa payar jaljki, wiñayatak aytatäñap munki ukasti?,

Isaías 63:14

uywanakas pampar saraqapkaspa ukham lurir Diosasti?” Pachpa Tatitun Ajayupaw jupanakarux irpäna. Ukham markaparux irpäna, ukatsti wali jach'a kankañ jikxatarakïna.

Jeremías 13:11

Kunjämatix mä wak'ampi wal jiyantas wak'antastanxa, ukhamarakiw Israel markasa, Judá markas nayan jak'axan mayakïpxañapa, ukhamat nayan markaxäñapataki, sutixsa yatiyapxañapataki, jach'a kankañaxsa, jach'ar aptapxañapataki. Ukampis janiw ist'apkituti. Naya, Tatituw uk arsta.

Daniel (hebreo) 6:28

28 (29) Danielasti Darío reyin taqi markanak apnaqañapkamaxa, mä jach'a jilïri jaqit uñt'atakïskänwa, ukhamaraki Ciro reyix Persia marka apnaqkän ukapachasa.

Daniel (hebreo) 9:15

“ ‘Nanakan Tatit Diosaxay, markamarux Egiptot irpsunisaw jach'a ch'amam uñacht'aytaxa, juman sutimax khä urunakatpach jichhürkamaw wali uñt'ataxa; ukampis nanakax juchachasipxtwa, jan walinak lurapxarakta.

Hechos 7:36

Moisesaw nayra awkinakasarux Egipto uraqit irpsunïna, muspharkay luräwinaka, unañchäwinak uka uraqin lurasina, ukhamarak Mar Rojo qutana, wasarana, pusi tunk mara sarnaqäwina.

Deuteronomio 11:3

ukhamaraki, kunjämtix Egipto markan faraón reyitaki, taqpach markapatak sayt'askäna, jach'a uñacht'äwinaka, muspharkay luräwinak lurkarakïna ukanaksa,

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?

Deuteronomio 6:22

Nanakax Diosan jach'a uñacht'äwinakapampi, jach'a muspharkañ luräwinakapamp uñjapxta, Egipto markan faraón reyipar mutuyki, taqi utapankirinakarus mutuykaraki ukanaka.

Deuteronomio 7:19

Amuyt'asipxarakim, nayranakamamp uñjapkta uka jach'a uñacht'äwinakata, uka jach'a muspharkañ luräwinakatsa, kunja jach'a ch'amampis Tatit Diosamax Egipto markat irpsunipxtam ukanakata. Uka pachparak Tatit Diosamax lurani, axsarapkta taqi uka markanakaruxa.