Jeremías 30:7 - Qullan Arunaka DC

⁷ ¡Mä axsarkañ uruw jak'achasini, uka urjamasti janiw yaqha urux utjkiti! Uka urusti Jacobun markapatakix mä llakiskañ urüniwa, ukampis nayaw jupanakarux qhispiyä.

Aymar Bibliia 1986

⁷ ¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Qullan Arunaca

⁷ ¡Mä ajjsarcañ uruw jac'achasini, uca urjamasti janiw yakha urojj utjquiti! Uca urusti Jacobon marcapataquejj mä llaquiscañ urüniwa, ucampisa, nayaw jupanacarojj khespiyaraquï.

Jeremías 30:7 Jak'a apnaqawi uñst'ayäwi

Génesis 32:7

7 (8) Uk ist'asinsti, Jacobux wal axsaräna, wali mayjt'atarakiw suyt'äna. Ukatsti jupampïpkäna uka jaqinaksa, ovejanaksa, vacanaksa, camellonaksa pä tamaruw jaljtayäna,

Salmos 25:22

¡Diosaxay, Israel markamarux taqi t'aqhisiñanakapat qhispiyakimaya!

Salmos 34:19

19 (20) Tatitunkirinakax t'aqhisiñankapxiwa, ukampis Tatituw uka t'aqhisiñanakar atipjañ yanapi.

Isaías 20:6

Uka urunakansti taqi quta iraman jakirinakax sapxarakiniwa: ‘Uñtapxam, Egipto markasa, Etiopía markas jan walt'añarurakis purxapxixä, jupanakay Asiria markankir reyit arxatchistani sayätanwa. ¿Jichhasti khitirak arxatt'istanisti?’ ” sasa.

Jeremías 14:8

Israelan suyt'äwipa, jan walt'añanakan nanakar qhispiyiri, ¿kunatsa nanakatakix mä jaya jaqïkasmas ukham tukta, thakhi sarir jaqix mä jayp'uki ikt'awayi ukhama?

Jeremías 2:27

Jumanakasti mä quqarukiwa: ‘Awkixätawa’ sapxtaxa. Mä qalarukiw: ‘Taykaxätawa’ sapxaraktaxa, nayatakisti maysa uñtapxtaxa, janiw qhan uñkatapkistati; jan walt'añan jikxatasxapxta ukkhakiw ‘¡jutam qhispiyapxita!’ sapxistaxa.

Jeremías 2:28

Judá, ¿kawkinkarak juman lurasit diosanakamasti? ¡Uka diosanakamax markanakar uñtat waljapuniwa! ¡Kunapachatix jan walt'añax purinkätam ukkhax jupanakay jumar qhispiyirix jutapxpan!

Jeremías 30:10

“Naya, Tatituw arsta: Israel marka, nayan luqtirixa, jan axsaramti. Jumampiru, wawanakamampirux Babilonia markan t'aqhisiyañanakat nayaw qhispiyapxäma. Ukatsti jan khitin mulljayata sumakiw jakasxapxäta.

Lamentaciones 1:12

¡Jumanaka, thakhinjam saririnaka, amuyt'apxamaya, t'aqhisitaxar uñtatax utjpachati, nayarux ukataq t'aqhisiyxitu! ¡Tatituw phiñasiñapan aka t'aqhisiñ apayanitu!

Lamentaciones 2:13

Suma munkañ Jerusalén marka, ¿kunampirak jumarusti kikipasiyirismasti? Suma munkañ Jerusalén marka, ¿kun lurasarak jumarusti chuymachirismasti? Juman t'unjäwimax lamar qutar uñtat jach'awa; ¿khitirak jichhasti jumar chuymachiristamsti?

Lamentaciones 4:6

Jerusalén markax tinkuwa, juchapasti Sodoma markan juchapat sipan juk'amp jilapuniwa, uka markax jan khitin nuwantataw mä juk'a pachan t'unjat uñjasïna.

Daniel (hebreo) 12:1

“ ‘Ukapachaw Israel markan arxatiripa Miguel jilïr angelax uñstanini. “ ‘Ukasti llakisiñ urunakäniwa, uka urunakjamasti janipuniw kunapachas utjkänti, markanakan utjatapat aksaru. Uka urux purinkani ukapachasti, markamankirinakat qillqatan qillqantatäpki ukanakax, taqiniw qhispipxani.

Daniel (hebreo) 9:12

Jumax, nanakxar aka jach'a jan walt'äwi apayanisaxa, kuna axsarañanaktix nanakampiru, marka apnaqirinakampir yatiyapkista uk phuqtawa; aka uraqinsti janipuniw kuna mutuyäwtix Jerusalén markxar apayankta uka kipka mutuyäwix utjirïkiti.

Oseas 1:11

11 (2) Ukapachaw Israel markankir jaqinakampi, Judá markankir jaqinakampix mayacht'asxapxani, mä sapa jilïr irpirik utt'ayasxapxani, taqi tuqitsa Jerusalén markarkamaw kuttanxapxani. ¡Uka urusti wali jach'a urupunïniwa!

Joel 1:15

¡Ay kunakïkani, Tatitun urupaw jak'achasisinki! ¡Axsarkañ uruw jutaski, taqi ch'aman Tatitusti t'unjañanak apaniraki!

Joel 1:2

Jilïr jaqinaka, aka arunak sum ist'apxam, taqi jumanaka, aka markan utjir jaqinaka. ¿Kuntix jichhax uñjapkta ukanak jumanakax uñjapxirïtati? ¿Janit taqi akanakax awkinakaman urunakapan uñjasirïkänxa?

Joel 2:11

Tatitusti, ejercitop nayraqatanxa, jach'a arup ist'asiyi. Ejercitopax waljanipuniwa, jupan arsutap phuqhirinakax jan jakt'kayawa. ¡Kunja jach'a axsarkañas Tatitun urupaxa! Janiw khitis juparux saykatkaspati.

Joel 2:31

31 (4) Intix ch'amakt'aniwa, phaxsis wilaruw tukuni, Tatitun axsarkay jach'a urupa janïra purinkipana.”

Miqueas 4:9

Jichhasti, ¿kunatarak wawachasiñatak usuyasiskir warmjam warartasti? ¿Janit reyimax juman utjkxi? ¿Jan ukax amuyt'ayirinakamach jiwarxi ukatti jachta?

Habacuc 3:16

Taqi ukanak ist'asax wal axsarayasta. Laka ispillunakaxas wal khathatiraki, kayunakaxas janiw sayt'asiñatakix ch'amanïkxiti, taqi janchixas janirakiw ch'amanïkxiti. Ukhamäkipansa, jan axsarañampiw suyt'ä, Tatitux jiwasanakar t'aqhisiyirinakar mutuykani ukapachkama.

Zacarías 14:7

Uka mä sapa urutsti Tatitu sapakiw yati. Uka urunsti janiw amuyaskaniti urütapasa arumätapasa, arumäkanisa qhanakïskaniwa.

Malaquías 4:1

1 (19) Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

Marcos 13:19

ukürunakax sinti t'aqhisiñ urunakäniwa, Diosax akapach lurkäna ukkhat jichhürkamax ukham t'aqhisiñax janiw utjkänti, janirakiw uka qhipatsa ukham t'aqhisiñax utjkaniti.

Hechos 2:20

Tatitun jach'a qhapaq urupa janïr purinkipansti, intix ch'amakt'aniwa, phaxsis wilaruw tukuni.

Romanos 11:26

Ukanak luraskani ukkhasti, taqi israelitanakaw qhispiyasini. Qillqatax siwa: “Qhispiyirix Jerusalén markat jutani, Jacobun juchapsa apaqaniwa.

Apocalipsis 6:17

Jach'a t'aqhisiñ urux purinxiwa, ¿khitirak mutuyäwitak sayt'asispasti?” sasa.