Jeremías 30:5 - Qullan Arunaka DC

⁵ Tatitux akham siwa: “¡Axsarañat warariñanakaw ist'asi, axsarañat mayjt'asiñanakampi!

Aymar Bibliia 1986

⁵ Take ch'amani Tatitojj aqham siwa: “¡Ajjsarañat warariñanacaw ist'asi, ajjsarañata, mayjt'asiñanacampi!

Qullan Arunaca

⁵ Take ch'amani Tatitojj aqham siwa: “¡Ajjsarañat warariñanacaw ist'asi, ajjsarañata, mayjt'asiñanacampi!

Jeremías 30:5 Jak'a apnaqawi uñst'ayäwi

Isaías 5:30

Kunapachatix chimpt'at urux purinkan uka uruxa, uka markax jach'a qutar uñtataw Israel markatakix qhuthutini, aka uraqisti q'ala ch'amakt'ayatäniwa, ch'iyara ch'amak qinayanakamp chhaqtayatäniwa.

Isaías 59:11

Taqi jiwasanakasti osonakar uñtataw warartanxa, palomanakar uñtataw ayquraktanxa; qhispiyasiñ suyt'asktanxa, ukampis janiw purinkiti; qhispitäxañ suyt'asktanxa, ukampis jayankaskiwa.

Jeremías 12:12

Taqi wasar qullu patanakatsti, qhuru jaqinakaw jutantapxäna, ukampis naya, Tatitux mä espada ayt'atätwa, aka marksti uka espadax maysat maysa t'unjani, janirakiw khititakis suman sarnaqasiñax utjkaniti.

Jeremías 25:36

Awatirinakax arnaqasipxiwa; tama irpirinakax usuyasiñat arnaqasipxi, chhuxllanakapa Tatitun q'al pharsuyatap layku.

Jeremías 30:4

Akapï Israel markataki, Judá markataki Tatitun arsutanakapaxa.

Jeremías 46:5

“Ukampisa, ¿kunsa uñjtxa? ¡Egipcio soldadonakax qhiparuw jittapxi! Atipjata, axsarañampi phuqhantata, jan qhipar uñtasaw jaltxapxi. ¡Taqi chiqansa axsarañaw phuqhanti! Naya, Tatituw uk arsta.

Jeremías 6:22

Tatitux siwa: “Amsta jaya uraqinakatpach mä ch'aman markax jutantañatak wakichasiski.

Jeremías 6:26

¡Markaxay, jichhax chhankha isinakampi isthapisim ukhamat t'aqhisitam uñacht'ayañataki; qhillar sunt'intam, llaki isinakampi isthapisim, ukatsti wal jacharakim, kunapachatix mä sapa yuqall wawax jiwki ukhama; jiwasar t'unjiristi jank'akiw jutantani!

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Jeremías 8:19

Markaxan ayqutanakapasti taqi chiqan ist'asi: “¿Janit Tatitux Jerusalén markankxpacha? ¿Janit reyipas ukankxpacha?” sasa. Tatitusti sarakiwa: “¿Kunatsa nayarux ñanqha lurapxista, yaqha diosanakar yupaychasaxa?”

Jeremías 9:19

19 (18) Taqi aka markpachan jaqinakan jachatanakapax ist'asi: “Q'ala t'unjatarakïtansä, jisk'achjatarakis uñjastanxä. Utanakasax q'ala t'unjatawa, markasat sarxañakiw wakt'xistu” sasa.

Amós 8:10

Phunchhäwi urunakamxa jiwatanakat jachañaruw kipstayä, q'uchutanakamasti, amaya imäwi llakinakaruw tukuyarakï; llaki isimpirakiw isthapisiyapxäma, llakisiñat p'iqinakam q'ararasipxäta. Sapa yuqall wawap jiwayasir jaqir uñtataw jachapxäta, taqi kunaw jachañar tukuni.

Habacuc 1:10

Reyinakatsa, jilïr jaqinakatsa phiskasipxiwa, jach'a uyunakapatsa larusipxiwa, ukarusti laq'amp phuqkatasaw uka uyu pata mantasax katuntapxaraki.

Habacuc 1:6

Babiloniankirinakaruw nuwantapxañapatak sartayä, jupanakasti wali qhuru jaqinakäpxiwa, uksarus aksarus sarantañatakix wakicht'atakïsipkiwa, kawkïr uraqinakatix jan jupanakankki ukanak katuntasiñataki.