Jeremías 30:2 - Qullan Arunaka DC

² “Naya, Israelan Diosapa Tatituw arsta: Taqi kuntix siskäma uka arunak qillqantam,

Aymar Bibliia 1986

² “Naya, Israelan Diosapa Tatituw arsta: Take cuntejj siscäma uca arunacjja mä libroru kellkantam,

Qullan Arunaca

² “Naya, Israelan Diosapa Tatituw arsta: Take cuntejj siscäma uca arunacjja mä libroru kellkantam,

Jeremías 30:2 Jak'a apnaqawi uñst'ayäwi

Éxodo 17:14

Uka qhipatsti, Tatitux Moisesar akham sarakïna: —Kunatix aka nuwasïwin luraski ukxa qillqam, jan khitin armasiñapataki; Josué chacharusti sarakim, nayaw amalecitanakarux jan mayampitak chhaqtayä —sasa.

Isaías 30:8

Tatitusti Isaías profetarux siwa: Jichhax jutam, kuntix uñjkta uk qillqam, mä qillqañar taqi ukanak qillqantam, ukasti qhipa urunakatak qhiparpan, taqininsa amtaskañapataki.

Isaías 8:1

Tatitusti sarakituwa: “Isaías, wakisiw Urías profetampiru, ukhamaraki Zacarías khititix Jeberequiasan yuqapäki ukampir jawsaniñamaxa, jupanakasti kuntix lurkäta ukanak uñjapxani. Jupanak nayraqatan ñiq'it lurat mä jach'a pallallxar jach'a qillqampi akïr suti suma qhan qillqantäta: ‘Maher-salal-hasbaz’ sasa, ukasti sañ muni: ‘T'unjatäñax niyaw jutaski, lunthatanakas niyaw akankxi.’ ”

Jeremías 25:13

Uka markxarusti taqi kunatix aka qillqatan utjki, kunanaktix yatiykta taqi ukanak puriyanï; taqi kunanaktix Jeremías profetax nayan sutixar taqi markanakar yatiykäna ukanaka.

Jeremías 30:1

Tatitux aka arunak Jeremías profetarux parlxayäna. Sarakïnwa:

Jeremías 36:28

“Jichhax yaqha jisk'a lip'ichinak jikxatam, ukatsti nayrïr qillqatankkäna, Judá uraqinkir Joacín reyix phichhantayki uka arunak wasitat qillqam.

Jeremías 36:32

Ukhamasti Jeremías profetax yaqha jisk'a lip'ichinak aptasin Baruc qillqiriparuw churi, ukatsti jupax kuntix Jeremiasax siskäna taqi uka arunak qillqarakïna, kawkïr qillqattix Joacín reyix nakhantaykäna ukan qillqatäkäna uka kipka arunakarak qillqantayäna. Ukhamarus Jeremiasax uka qillqatarux yaqha arunakampi yapxatarakïna.

Daniel (hebreo) 12:4

“ ‘Jumasti Daniel, taqi akanakatxa, jan khitirus arsumti; uka qillqat jan jist'aramti, tukuy uru puriniñapkama. Walja jaqinakaw juk'amp yatxatañ munasax uksa aksa sarnaqapxani’ sasa.

Romanos 15:4

Taqi kunatix nayratpach Qillqatäkän ukanakax jiwasanakaruw yatichistu, uka Qillqatanakan jikxatapxtan; llamp'u kankaña, chuymachasiña, suyt'äwin ch'amañchasiña.

1 Corintios 10:11

Taqi akanakaw nayra awkinakasampix lurasitayna, jiwasatak mä uñtasïwïñapataki, ukanakasti, aka urunakan jakapktan ukanakar iwxt'añatak qillqatawa.

Deuteronomio 31:19

“Kunapachatix nayax israelitanakar kawkïr uraqtix awkinakapar juramentompi churañatak arskta uka uraqir puriykä ukapachaxa, jupanakax lik'intañkamaw manq'apxani, ukansti lechesa, misk'isa umjamaw jalaski. Ukapachasti jupanakax nayat armasxaniwa, yaqha diosanakaruw yupaychxapxani, jupanakamp lurat suma arust'äwirusti janiw phuqhapkaniti. Jichhasti jumampi, Josué chachamp aka q'uchu qillqapxäta, ukat israelitanakar q'uchuñ yatichapxarakïta, jupanakan q'uchuñapataki, jupanakax q'uchupkani ukkhax taqi kunanaktix nayax jupanakar yatichkta ukanakat amtasipxañapataki, janirak ‘janiw ukxat kuns yatipkäyätti’ saskañapataki.

2 Pedro 1:21

profetanakax janipuniw kunsa jaqin amuyuparjam parlapkänti, jan ukasti, jupanakax Dios tuqit parlapxäna, Qullan Ajayun amuyt'ayata.

Apocalipsis 1:11

uka arusti situwa: “Uñjktas ukanak qillqam, ukatsti Asia suyunkir paqallqu iglesianakar apayam: Éfeso, Esmirna, Pérgamo, Tiatira, Sardes, Filadelfia, Laodicea, uka iglesianakaru” sasa.

Apocalipsis 1:19

Kuntix uñjktas uk qillqantam, kunatix jichhax utjki, kunatix akat qhipar utjkani ukanaksa qillqantarakim.