Jeremías 30:18 - Qullan Arunaka DC

¹⁸ Tatitux siwa: “Israel markan sarnaqäwipxa, sumaruw tukuyxä, markapatsti khuyapt'ayasïwa; Jerusalén markax wasitat sayt'ayatäxaniwa, reyin utanakapas wasitat utacht'atäxaniwa.

Aymar Bibliia 1986

¹⁸ Tatitojj siwa: “Jacobon marcapan sarnakäwipjja mayjaruw uñj-jjä, marcapatsti qhuyapayasïwa, marcanacasti, t'unjatäcänsa uca pachpanacjjaruw sayt'ayasini, palacionacas cawqhancañapäquitejj ucqharuraquiw utachasini.

Qullan Arunaca

¹⁸ Tatitojj siwa: “Jacobon marcapan sarnakäwipjja mayjaruw uñj-jjä, marcapatsti qhuyapayasïwa, marcanacasti, t'unjatäcänsa uca pachpanacjjaruw sayt'ayasini, palacionacas cawqhancañapäquitejj ucqharuraquiw utachasini.

Jeremías 30:18 Jak'a apnaqawi uñst'ayäwi

1 Crónicas 29:1

Uka qhipatsti David reyix tantacht'at jaqinakaruw säna: “Tatitux Salomón wawaxarukiw ajllisi, jupax wawa waynakïskiwa, ukampis lurañax wali jach'awa, lurañasti janiw jaqitaki uta lurañäki ukhamakïkiti, jan ukasti Tatit Diosatak uta lurañawa.

1 Crónicas 29:19

Ukhamarak Salomón wawaxarux suma chuyma churarapita, kamachinakama, arsüwinakam jupan phuqhañapataki, ukatsti jumatak uta lurañapataki, nayax ukatakiw taqi kun wakichta” sasa.

Nehemías 7:4

Jerusalén markax wali jach'änwa, ukampis juk'a jaqinikirakïnwa, utanakan janïra wasitat askichatätap layku.

Salmos 102:13

13 (14) Sartasimaya, Sión markat khuyapt'ayasim, t'aqhisiñ urunakax phuqhasxiwa; ¡pampachxañam urux purinxiwa!

Salmos 102:14

14 (15) Uywatanakamax markapan qalanakaparuw munasipxi, t'unjat pirqanakapat jachapxi.

Salmos 122:7

Pirqanakam manqhan sumankañax utjpan, reyiman utanakapas jan kuna kamachkayäpan!” sasa.

Salmos 48:13

13 (14) pirqanakap amuyapxpan, suma utanakap uñakipapxpan, jutir mita jaqinakar yatiyañataki:

Salmos 48:3

3 (4) Tatit Diosax Jerusalén utjäwip taypinkiwa; jupax suma arxatirit uñt'ayasi.

Salmos 78:69

Qullan utapxa, alaxpachjam jach'a utachäna, uraqjama wiñayatak thuriñchat sayt'ayarakïna.

Salmos 85:1

1 (2) Tatay, aka markamatakix sinti munasiñanïtawa, katuntat Israelarux wasitat kusisiñar kuttayanxta,

Isaías 44:26

Ukampisa khitinakatix nayan luqtirixäpki ukanakan arunakap phuqhayapuntwa, khithatanakaxan amtatanakapsa suma mistuyarakta. Nayaw Jerusalenan wasitat jaqinïxañapatak arsta, Judá uraqinkir markanakas wasitat sayt'ayatäxañapataki: Aynacht'atanakapatsti nayaw jupanakarux sartayä.

Isaías 44:28

Ciro reyiruw sista: ‘Jumaw awatirixätaxa, kuntix nayax munkä uk jumax luräta’; Jerusalenarusti saraktwa: ‘Jumax wasitat sayt'ayatäxätawa’; Tatitun utaparusti saraktwa: ‘Wasitat qalltatpach sayt'ayatäxätawa’ sasa.”

Jeremías 23:3

Naya kipkaw ovejanakaxar anthapisinxä, kawkïr markanakarutix ananukuykäyäta ukata, tantacht'asinsti suma chiqäwjaruw kuttayanxä, ukhamat mä jach'a marka tukxañapataki.

Jeremías 29:11

Nayasti kuna amtäwinakatix jumanakatak utjkitu ukanak yatiraktwa, uka amtäwinakasti janiw jumanakan jan walt'apxañamatakïkiti, jan ukasti, jumanakan askimatakiwa, ukhamat qhipa urunakanxa suma suyt'äwinakan phuqhantat jakasipxañamataki. Naya, Tatituw uk arsta.

Jeremías 29:14

Jïsa, jumanakax nayarux jikxatapxitätawa, ukatsti sarnaqäwinakam sumaruw tukuyarakï. Taqi markanakat jumanakarux tantacht'apxäma, kawkhanakarutix nayax jumanakar ananukupksma uka chiqanakat apsunxapxäma, ukatsti Jerusalén markaruw kuttayanxapxäma. Naya, Tatituw uk arsta.’

Jeremías 30:3

mä uruw purinini, kunapachatix nayax Israel markaxaru, Judá markaxarus apanukutat kuttayankä uka uruxa. Naya, Tatituw uk arsta. Nayaw jupanakarux kawkïr uraqtix nayra awkinakapar churkta uka uraqir kuttayanxä” sasa.

Jeremías 31:23

Israelan Diosapa, taqi ch'aman Tatitux siwa: “Kunapachatix nayax Judá markankir jaqinakan sarnaqäwip sumar tukuyxä, ukat jupanakax wasitat uraqipankxani, markanakapankxani ukkhax wasitat sapxani: ‘¡Tatituy Jerusalén markan utjir Tatitun utaparu, askinakampi phuqt'pan, kawkhantix chiqa kankañax utjki ukaru!’

Jeremías 31:38

Tatitux siwa: “Mä uruw purinini kunapachatix Jerusalén markaxax wasitat sayt'ayatäxani uka uruxa, Hananel sata pukarat qalltasina, pirqa muyt'ankkis uka Punkukama.

Jeremías 31:4

Israel marka, jumarux wasitat sayt'ayxäma. Wasitat chhullu chhullunakampi, k'uchik thuqt'asir jutäta.

Jeremías 31:40

Kawkharutix jiwatanakax imatäki, qhillas wartatäkaraki, Cedrón jawira patanaka, inti jalsu tuqin Caballonakan punkupa satäki taqi ukanakax nayar katuyatkamakïniwa, taqi uka chiqanakasti janipuniw mayampis t'unjatäkxaniti” sasa.

Jeremías 32:15

Israelan Diosapa, taqi ch'aman Tatitusti siwa: ‘Aka markan wasitat utanaksa, uraqinaksa, yapunaksa alasipxani’ sasa.

Jeremías 32:44

Suma q'umachat papelanakani, qhanañchirinakan sutinakapampi qillqantat uraqinak alasxapxani. Taqi akanakasti Benjamín ayllun uraqipan lurasini, Jerusalén marka thiyanakana, Judá uraqinkir markanakana, qullu tuqin utjir markanakana, jach'a quta thiya iraman utjir markanakana, ukhamaraki Néguev siski uka markanakansa uraqinak alasxapxani. Nayaw Babilonia markat kuttayanxarakï. Naya, Tatituw uk arsta.”

Jeremías 33:11

suma kusiskañ phunchhäwi q'uchunakax ist'asini, munasirinakan q'uchunakapaw ist'asini, ukatsti sapxarakiniwa: ‘Taqi ch'amani Tatitur yuspagarapxam, Tatitusti sumawa, munasiñapas wiñayatakiwa’ sasa. Tatitun utaparusti yuspagarañ luqtanak apanipxani. Jïsa, nayaw aka markan sarnaqäwip askir tukuyä, kunjämäpkäntix qalltanxa ukhamäpxañapataki. Naya, Tatituw uk arsta.”

Jeremías 33:7

Judá markana, Israel markan sarnaqäwipsa sumaruw tukuyxarakï, kawkïr markarutix apayatäpkäna uka markatxa kuttayanxäwa, ukatsti jupanakarux wasitat sayt'ayxä: kunjämäpkäntix qalltanxa ukhamäxapxañapataki.

Jeremías 46:27

“Jacobun markapa, jan axsaramti; Israel marka, jan axsaramti. Jumampiru, wawanakamampirux nayaw qhispiyapxäma, apayatäpkta uka Babilonia markata. Wasitat sumaki jakasxäta, k'uchiki, jan khitinsa mulljataw jakasxarakïta.

Jeremías 49:39

Ukampisa, akat qhiparux Elam markan sarnaqäwip sumaruw tukuyarakï. Naya, Tatituw uk arsta.”

Jeremías 49:6

Ukampisa taqi ukanak qhipatsti, amonitanakan sarnaqäwinakapxa sumaruw tukuyxarakï. Naya, Tatituw uk arsta.”

Ezequiel 36:11

Jumanakan jaqinakamarusa, uywanakamarus waljaptayapunïwa. Nayra urunakanjam waljani tukxapxäta, qalltat sipan juk'ampi askin sarnaqxapxarakïta. Ukapachaw yatipxäta, nayan Tatitütaxa.

Amós 9:14

Ukkhaw Israel markarux jaya markar apanukutat kuttayanï. Jupanakaw t'unjat markanak wasitat sayt'ayapxani, ukan jakasipxarakini; uva alinak ayruntapxani, jupanakan vinop umapxani, yapuchasinsti, achunakap manq'apxarakini.

Zacarías 1:12

Tatitun angelapasti sänwa: “Taqi ch'amani Tatay, paqallq tunka maraw Jerusalenampitaki, Judá markanakampitakix q'apisitäxtaxa, ¿kunapachas jupanakat khuyapt'ayasxäta?” sasa.

Zacarías 1:16

Ukat naya, Tatitux sista: Jichhax Jerusalén markarux khuyapayasiñampiw uñjä; markaxsa, utaxsa wasitat lurayxä. ¡Jupar wali munasitax uñacht'ayarakï!’ ” sasa.

Zacarías 12:6

“Khä urun Judá markan jilïrinakaparux lawanak taypin nakhaskir mä nina sank'jam tukuyä, mä ninjama trigo puyanak marqthapita taypina. Kupïxankiri, ch'iqäxankiri taqi jak'ankir markanakaruw uka ninax tukjani, ukampis Jerusalén markarux janiw kunas kamachkaniti.

Zacarías 12:7

Nayraqatxa naya, Tatitux, Judá wila masinakaruw qhispiyä, nayatakix Davidan wila masipat saraqirinakasa, Jerusalén markan jakirinakas wali yäqatawa. Jan khitis may amuypati.

Zacarías 14:10

Taqpach markax pamparuw tukuni, Jerusalén markat aynach tuqinkir Gueba chiqat qalltasa, Rimón chiqakama. Jerusalén markasti alay qullupankaniwa, ukanarak suman jakasipxani. Benjaminan Punkupata, Ángulo sat Punkukama, ukhamaraki Hananelan pukarapata reyin aceitep ch'irwañäki ukkhakama.