Jeremías 30:16 - Qullan Arunaka DC

¹⁶ Ukampis jumar manq'antirix, manq'antatäniwa, taqi uñisirinakamasti jayar apanukutäniwa; jumar lunthatirinakasti, lunthatjatarakïniwa.

Aymar Bibliia 1986

¹⁶ Ucampisa, take qhititejj jumaru mank'antcätam ucajj mank'antataraquïniwa, take uñisirinacamasti jayaru apanucutaraquïniwa. Jumaru saqueyjirinacasti saqueyjataraquïniwa, jumar lunthatirinacasti lunthatjataraquïniwa.

Qullan Arunaca

¹⁶ Ucampisa, take qhititejj jumaru mank'antcätam ucajj mank'antataraquïniwa, take uñisirinacamasti jayaru apanucutaraquïniwa. Jumaru saqueyjirinacasti saqueyjataraquïniwa, jumar lunthatirinacasti lunthatjataraquïniwa.

Jeremías 30:16 Jak'a apnaqawi uñst'ayäwi

Salmos 129:5

¡Sión markar uñisirinakax, q'ala p'inqachjat jaltxapxpan!

Éxodo 23:22

Jumatix chiqpachapun jupar jaysäta, ukatsti nayan arsutaxarjam taqi kuns lurarakïta ukaxa, nayax uñisirinakaman uñisiripäyäwa, jumar jan munirinakarux janiw munkarakïti.

Proverbios 22:23

Tatituw jupan arxatiripaxa, jupar t'aqhisiyirinakarusti t'aqhisiyaniwa.

Isaías 14:2

Kawkharutix Tatitux mä uraq churkistu ukar kuttaniñatakix walja markanakaw yanapistani. Ukatsti jupanakarux katuntañäniwa, nayrax jupanakax jiwasanakaruw t'aqhisiyas apnaqistäna, jichhasti jiwasanakaw jupanakarux t'aqhisiyañäni.

Isaías 33:1

¡Ay, kunakïkan juma Asiria markatakixa! ¡Jumax markaxar t'unjir markätawa! T'unjañ tukt'aykäta ukkhaxa, jumax kipka t'unjataw uñjasïta; ch'uxña lurañ tukt'aykäta ukkhasti, uka kipka ch'uxña lurataw uñjasirakïta.

Isaías 54:15

Mä markatix nuwantätam ukaxa, uka markarux jumax atipjätawa, uka markan nayan yanapt'ax jan katuqatap layku.

Isaías 54:17

ukampis jumar tukjañatakix janiw khitis nuwasiñ yänak lurkiti. Jumar juchañchapkätam ukanakarux amukt'ayätawa. Nayar arkapkitu ukanakarusti atipt'añ churta”. Tatituw ukham arsu.

Jeremías 10:25

Jumaru jan uñt'ir markanakaru, jumaru jan art'asiri markanakarux q'apisiñamampi mutuyam, jupanakax q'alpun t'unjapxitu, markarus jan walt'añaruw puriyapxi.

Jeremías 12:14

Tatitusti Israel marka jak'ankiri ñanqha markanakaruxa, kawkïr uraqtix jupax Israel markaparu mä tuti churki uka uraqi t'unjirinakarux akham siwa: “Nayaw uka markanakarux uraqinakapat jik'inukü, Judá markarusti jupanak taypitxa apsunxarakïwa.

Jeremías 2:3

Juma sapakiw nayatakïyätaxa; ¡nayan nayraqat munasitaxäyätawa! Maynitix kuna ñanqhsa lurchiyätamxa, nayaw ukarux t'aqhisiñ apayanïyäta. Naya, Tatituw uk arsta” sasa.

Jeremías 25:12

Uka paqallqu tunka maranaka phuqhasxipansti, Babiloniankir reyiru, markapampirusa juchanak luratanakapat wayt'arakï, ukatsti wiñayatakiw t'unjarakï. Naya, Tatituw uk arsta.

Jeremías 30:15

¿Kunatarak uka chhuxrinakamat ayqtasti? Usuyasitamax jan qullkayawa. Walja jach'a juchanak luratamat ukham mutuysma.

Jeremías 50:28

(Babiloniat jaltanxir jaqinakaw Jerusalén markarux purinipxi, kunjämsa Tatitu Diosax Babilonia markarux Tatitun utap t'unjapxatapat q'al tukjkarakitayna ukanakat yatiyiri.)

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Lamentaciones 1:21

Jaqinakax wararitax ist'asipkiwa, ukampis nayar chuymachirix janiw khitis utjkiti. Taqi uñisirinakaxaw nayan aynacht'atax yati, juman nayaru t'aqhisiyatamatsti kusisipxarakiwa. ¡Juman yatiyatäki uka urux purinpanaya, jupanakasti kunjämtix nayax t'aqhiskta ukham t'aqhisipxarakpan!

Lamentaciones 1:22

Kuna ñanqhanaktix lurapki ukanakax nayraqatamar purinpan; juchanakaparjam jupanakarux uñjam, kunjämatix nayar juchañchkista ukhama; ¡jachataxax sintipuniwa, chuymaxas wal usxarakitu!

Ezequiel 29:6

Egiptonkir taqpach jaqinakaw nayan Tatitütax yatipxani. Israel markax juman yanapam thaqhäna, ukampis jumax mä suqus lawjamakiw tuktaxa:

Ezequiel 35:5

“ ‘Jumasti israelitanakan uñisiripapuniw tuktaxa, kunapachatix jupanakax jucha luratanakapat mutuyäwi katuqapkän ukkhasti, jumax nuwantaraktawa.

Joel 3:8

8 (8) Yuqall wawanakamsa, imill wawanakamsa judionakaruw aljarakï, jupanakasti sabeo sat jaqinakaruw aljapxani, uka jaqinakasti wali jayankirinakawa. Naya, Dios Tatituw arsta.”

Miqueas 4:11

Jichhasti walja markanakaw jumar jan walt'ayañatakix mayacht'asipxi, ukatsti sapxiwa: “¡Jichhax Jerusalén markan aynacht'atap uñjañäni, ukham uñjasasti kusisiñäniwa!” sasa.

Miqueas 7:10

Uñisirixas ukxa uñjarakiniwa, ukasti p'inqachjatarakïniwa. Uñisirixasti nayarux sarakitänwa: “¿Kawkinkarak Tatit Diosamasti?” sasa, ukampis nayatakix jupar ñiq'ir uñtat takichasita uñjañax sumäniwa.

Nahúm 1:8

Ukampis Tatitux jupar saykatirinakarux walja umjamaw q'al tukjas aparaki; uñisirinakaparusti ch'amak manqhakamaw arktaraki.

Habacuc 2:16

Jach'añchatäña lantxa, p'inqachjataw uñjasïta, Dios Tatituw mä tilinkit umt'añamatak churätam, ukaw juman q'alalakïtam uñacht'ayätam, jach'a kankañamsa jisk'arurakiw tukuyani.

Sofonías 2:8

Israel markan jach'a ch'aman Tatitu Diosapax akham siwa: “Nayax Moab markan jan wali parlatanakap ist'twa, Amón markan ñanqha arunakapsa ist'araktwa. Jupanakax markaxaruw jisk'achapxi, markaxan uraqinakap katuntasisax uraqinakapsa jach'aptayasipxarakiwa. Ukat naya jakkiri Tatitux arsta: Moab markasti Sodoma markjamaw tukuni, Amón markasti Gomorra markjamarakiw tukuni, uraqinakapansa ch'aphinakakiw jilxani, jayu uraqiruw tukuni, wiñayatakiw ch'usa wasar uraqir tukuni. Markaxat jilt'ir jaqinakaw uraqinakap aparasin katuntasipxarakini” sasa.

Zacarías 1:14

ukatsti angelax yatiyañaxatakiw nayar sarakitu: “Taqi ch'aman Tatitux akham siwa: ‘Nayax Jerusalén markampiru Sión qullumpirux walpun munasta.

Zacarías 1:15

Ukat q'apisiñaxax ninjam aqti, uka jan yäqasir markanakataki, kunapachatix q'apisiñaxax juk'akïkän ukkhaxa, jupanakax ñanqha lurañanak juk'amp lurapxäna.

Zacarías 12:2

“Kunapachatix aka jak'ankir markanakax Jerusalén markaru, uka kipkaraki Judá uraqinkir markanakarus katuntañatak muyuntapkani ukapachaxa, nayaw jupanakarux aynacht'ayä. Jerusalenarux machantayir vinoruw tukuyä, ukaw taqi jak'ankir markanakar machjayani.

Zacarías 14:2

Uka uruw Tatitux taqi markanakar tantachthapini, Jerusalenampi nuwasipxañapataki. Markaru katuntasasti, utanakapat yänakap lunthatsupxani, warminakaparus warmisipxaniwa, chikatpach jaqinakaparux katuntat apapxarakini. Jilt'irinakakiw ukan qhiparani.

Zacarías 2:12

12 (16) Tatitux wasitat Judá markarux tumpasxani, suma utt'ayat markaparjam qullan uraqina, Jerusalén markarusti wasitat suma ajllit markapäxañapatak qhanañcharakini.

Zacarías 2:8

8-9 (12-13) Taqi ch'amani Tatituw khithanitu, kawkïri markanakatix yänakam aparapktam uka markanakar juchañchañataki. Tatitux akham siwa: “Kawkïri markanakatix markaxar jan walinak lurapki ukanakarux mutuyäwa. Khititix markaxaru ñanqhachki ukaxa, nayarus ñanqhachkitaspa ukhamawa. Ukatpï, naya kipkaw uka markanakamp nuwasï, kipka uywatanakapampiw yänakapsa lunthatsuyarakï” Ukhamat taqi ch'amani Tatitux jach'a kankañap uñacht'ayani, ukat jumanakas Tatitun nayaru khithanitapxa amuyapxarakïta.

Deuteronomio 30:7

Tatit Diosamaw taqi uka ñanqhachäwinak jumanakan uñisirinakamxar puriyani, khitinakatix uñisis arkanaqapktam ukanakxarus ñanqhachäwinak puriyarakini.

Apocalipsis 13:10

“Katuntat apatäñapäki ukanakax, katuntat apatäpxaniwa; espadampi jiwayatäñapäki ukanakax, espadampi jiwarayatäpxaniwa.” Taqi akanakan yatisini, Diosan qullan markapan ch'amanïtapasa, iyawsañanïtapasa.

1 Samuel 17:53

Kunapachatix israelitanakax filisteonakar arktasin kuttanxapxän ukkhaxa, filisteon campamentopat q'al yänakap apsuwayapxäna.