Jeremías 30:11 - Qullan Arunaka DC

¹¹ Naya, Tatituw uk arsta, nayaw jumampïskta jumar qhispiyañataki. Kawkïr markanakarutix ananukkäyäsma uka markanaksti t'unjarakïwa. Ukampis jumarux janiw t'unjkämati; jan ukasti juchamatjamak mutuyäma, juchamatsti mutuyapunirakïmawa.”

Aymar Bibliia 1986

¹¹ Naya Tatituw ucjja arsta, nayaw jumampïscta, jumar khespiyañataquejja. Cawquïr marcanacarutejj ananuccayäsma uca marcanacsti t'unjaraquïwa, ucampis jumarojj janiw t'unjcämati, jan ucasti juchamatjamacwa mutuyäma, juchamatsti mutuyapuniraquïmawa.”

Qullan Arunaca

¹¹ Naya Tatituw ucjja arsta, nayaw jumampïscta, jumar khespiyañataquejja. Cawquïr marcanacarutejj ananuccayäsma uca marcanacsti t'unjaraquïwa, ucampis jumarojj janiw t'unjcämati, jan ucasti juchamatjamacwa mutuyäma, juchamatsti mutuyapuniraquïmawa.”

Jeremías 30:11 Jak'a apnaqawi uñst'ayäwi

2 Samuel 24:12

“Davidar uñjir saram, nayan sutixaruw säta, juparux mutuyäwa, aka kimsa mutuyäwinakat ajllispan” sasa.

Salmos 6:1

1 (2) Tatay, janikiy q'apisiñamampix tuqintistati; janirak phiñasiñamampis mutuyistati.

Éxodo 34:7

Waranqa wawanakan wawanakapatakis pachpa chiqa aski munasiriwa, ñanqha luratanaksa, jan wali amtäwinaksa, juchanaksa pampachiwa; ukampis juchanirux mutuyapuniwa, awkinakan ñanqha luratanakapatxa, wawanakaparu, allchhinakaparu, allchhinakapan wawanakaparu, allchhinakapan allchhinakaparuw mutuyi —sasa.

Isaías 43:25

“Ukampis naya, Diosamätax laykuxa, juchanakam pampachsmawa, janirakiw mayampsa ukanak amtaskxäti.

Isaías 8:10

Tatitux jiwasampïskatapatxa, inamayäniw uka amtäwinakapaxa, Tatitux janiw munkaniti uk phuqhapxañanakamxa, inamayaw nuwantañatakis amtasipkäta, janiw khitis nuwantañar uskuskaniti.

Jeremías 1:19

Jupanakax walpun juma tuqix sayt'asipxani, ukampis janiw atipjapkätamti. Nayaw jumampïskä jumar imañataki. Naya, Tatituw uk arsta” sasa.

Jeremías 1:8

Jan khitirus axsaramti, nayaw jumar imañatak jumamp chikt'atäskä. Naya Tatituw uk arsta” sasa.

Jeremías 10:24

Chiqa kankañamarjam askicht'apxita, jan phiñasisak iwxt'apxita, ukhamäspa ukkhasti, t'unjapxitasmawa.

Jeremías 15:20

Nayasti jumarux aka markatakix broncet lurat jan atipjkay pirqjam tukuyarakïma. Jumarux wal nuwantapxätam, ukampis janiw atipapkätamti, nayaw jumampi chikäskta, jumar qhispiyañataki. Naya, Tatituw uka arunak arsta.

Jeremías 4:27

Tatitux siwa: “Taqi aka uraqpachaw tukjatäni, ukampis janiw q'al tukjkarakïti.

Jeremías 5:10

¡Jichhax uñisirinakapax mantanpan, ukatsti uva yapunakap tukjpan, janis taqpach tukjapkchini ukasa! ¡Layminakap qhaqharapxpan, janiw jichhax uva yapuxäkxiti!

Jeremías 5:18

Tatitusti saskakiwa: “Ukampis uka urunakan janiw taqpach t'unjkäti.

Lamentaciones 3:22

Tatitun munasiñapax jan tukuskiriwa, khuyapayasiñapas jan pist'kiriwa.

Ezequiel 11:13

Tatitun sutipxar nayan ukham parlañkamasti, Benaniasan yuqapa Pelatías jaqix jiwataw liwnuqti. Nayasti p'iqix uraqir puriyañkamaw alt'asta, wali jach'at art'asirakta akham sasa: “¡Tatay! ¿Israel markat mä juk'a jilt'irinakarux jiwarayakipunïtati?” sasa.

Ezequiel 6:8

Ukampis nayax jumanakat mä qawqhanirux jiwañat qhispiyarakïwa, jupanakasti yaqha markanakan apanukutaw jakapxani.

Oseas 11:9

Janiw phiñasiñaxampix atipayaskäti, mä jaqit sipansa, nayax Diosätwa, ukat Israelarux jan tukjkäti. Nayax jumanak taypin utjasir Qullan Tatitütwa, janirakiw jumar tukjir jutkti.”

Levítico 26:44

“Ukhamäkipansa, jumanakax uñisiriman markapan jakapkäta ukasa, janiw nayax jumanakarux apanukupkämati, jisk'achapkämasa; t'unjapkarakïmasa, janirakiw kuna amtäwirutix nayra awkinakamamp lurkäyät ukanakatsa armt'askäti, nayan jumanakan Tatit Diosamätax layku.

Mateo 1:23

“Chacha jan uñt'ir mä tawaquw usur jaqiptani, jupasti mä yuqall wawa wawachasini, juparusti Emanuel sutimpiw sutichani.” (ukasti: “Diosax jiwasampiwa” sañ muni).

Mateo 28:20

Taqi kuntix nayax jumanakar yatichapksma ukanak phuqhañ yatichapxam. Nayasti sapürupuniw akapachan tukusiñapkam jumanakampïskä —sasa.

Hechos 18:10

Nayaw jumampïskta, janiw khitis kuna ñanqhsa lurkätamti, nayankirinakax aka markan waljaniwa” sasa.

Deuteronomio 4:31

Diosan suma chuymanïtap laykux janiw jaytanukupkätamti, t'unjapkätamsa, janiw awkinakamamp lurat arust'äwit armaskaniti, janirakiw arupampi arsuwayki ukanak phuqhañsa armaskaniti.

2 Timoteo 4:22

Tatit Jesucristox jumampipunïpan, Diosasti khuyapayasiñap taqi jumanakxar churpan.