Jeremías 30:10 - Qullan Arunaka DC

¹⁰ “Naya, Tatituw arsta: Israel marka, nayan luqtirixa, jan axsaramti. Jumampiru, wawanakamampirux Babilonia markan t'aqhisiyañanakat nayaw qhispiyapxäma. Ukatsti jan khitin mulljayata sumakiw jakasxapxäta.

Aymar Bibliia 1986

¹⁰ “Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Qullan Arunaca

¹⁰ “Naya Tatituw arsta: Jacobon marcapa, nayan sirvirejja, jan ajjsaramti; Israel marca, jan ajjsaramti. Jumampiru, uqhamaraqui wawanacamarusa, jichhajj nayaw khespiyapjjäma, uca jaya marcaru apanucuyatäpcta ucatjja. Uqhamaraqui samarata sarnakasiriw cuttanjjäta, janiraquiw qhitis sustjcjjätamti.

Jeremías 30:10 Jak'a apnaqawi uñst'ayäwi

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Isaías 14:3

Israel marka, kunapachatix Tatitux t'aqhisiñanakamata, llakisitanakamata, jachkaña yaqha jaqir katuyat tukutamat samarañ churkätam ukkhaxa,

Isaías 35:9

Ukan janiw leonanakax utjkaniti, janirakiw yaqha monte animalanakas jak'achasinkaniti. Qhispiyatanakaw uka thakhinjam kuttanxapxani,

Isaías 43:5

Jan axsaramti, nayaw jumampïskta. Inti jalsu tuqitsa, inti jalanta tuqitsa, nayaw jaqinakam anthapinxä.

Isaías 44:1

“Israel, Jacobun markapa, nayan luqtirixa, nayan ajllisit marka, jichhax ist'ita,

Isaías 44:2

Nayätwa jumar irnuqir Tatitumaxa, janïra taykaman purakapat yurkta ukkhatpach jumarux sayt'aysma, ukatsti yanapt'araksma. Jacobun markapa, jan axsaramti, jumätaw nayan luqtirixaxa, nayan ajllisita markaxa,

Isaías 46:11

Persia markat mä jaqiruw jawsta, ukasti Ciro sat reyiwa; jupax aycha manq'an jamach'ir uñtataw jaya markat jutani, juparakiw amtatanakaxsa phuqhani. Mä amtataxaw utji, uka amtataxsti phuqharakïwa. Ukhamapunïniwa.

Isaías 46:13

Ukampis jank'akiw jumanakar qhispiyir jutä; janiw kunat qhiparañaxas wakiskiti. Jerusalén markarux nayaw qhispiyasiñ churä, Israel markarus jach'añchäwix churä.

Isaías 49:12

¡Uñtapxam! Jayat jutapxi, Mayninakax amstata, mayninakasti inti jalanta tuqita, mayninakasti Asuán siski uksatarak jutapxi.

Isaías 49:25

Tatitusti ukhamäspaw siwa: “Ch'amani jaqirusa, qhuru jaqirusa, kuntix nuwasïwin aparanipki ukanakxa jupanakax aparapxaniwa. Israelitanaka, jumanakaruw sapxsma, naya kipkaw jumampi ch'axwki uka jaqinakampix katjasï; naya kipkaw wawanakamarus qhispiyä.

Isaías 54:4

Jan axsaramti, janiw mä p'inqa uñjaskätati, janiw kuna jan wali arunaksa sapkätamti, janirakiw kunatsa p'inqaskxätati. Tawaqu kankañaman p'inqachatäkäyät uk armasxätawa, janirakiw mayampsa ijma warmirjam jisk'achapkäyätam uksa amtaskxätati.

Jeremías 23:3

Naya kipkaw ovejanakaxar anthapisinxä, kawkïr markanakarutix ananukuykäyäta ukata, tantacht'asinsti suma chiqäwjaruw kuttayanxä, ukhamat mä jach'a marka tukxañapataki.

Jeremías 23:4

Awatirinak jupanakar awatiñapatak uskurapï, jan kunsa axsarapxañapataki, janirak maynis chhaqhañapataki. Naya, Tatituw uk arsta.”

Jeremías 23:6

Uka reyin apnaqäwipansti, Judá uraqix qhispiyatäniwa, Israel markas taqi jan walit jark'aqataw jakasini. Aka sutimpiw sutichapxani: ‘Tatituw jiwasan atipjirisaxa’ ” sasa.

Jeremías 23:8

jan ukasti akham sasaw juramento lurapxani: ‘Israelitanakaru Babilonia markampita, kawkirutix ananukkatayna uka yaqha markanakampit kuttayanxir Tatitux jakaskiwa’ sasa. Ukatsti pachpa uraqinakapan israelitanakax jakasipxarakini” sasa.

Jeremías 29:11

Nayasti kuna amtäwinakatix jumanakatak utjkitu ukanak yatiraktwa, uka amtäwinakasti janiw jumanakan jan walt'apxañamatakïkiti, jan ukasti, jumanakan askimatakiwa, ukhamat qhipa urunakanxa suma suyt'äwinakan phuqhantat jakasipxañamataki. Naya, Tatituw uk arsta.

Jeremías 29:14

Jïsa, jumanakax nayarux jikxatapxitätawa, ukatsti sarnaqäwinakam sumaruw tukuyarakï. Taqi markanakat jumanakarux tantacht'apxäma, kawkhanakarutix nayax jumanakar ananukupksma uka chiqanakat apsunxapxäma, ukatsti Jerusalén markaruw kuttayanxapxäma. Naya, Tatituw uk arsta.’

Jeremías 3:18

“Uka uru purinkani ukapachasti, Judá markax Israel markaruw jaqkattxani, ukatsti mayakiw amsta tuqinkir markat kutt'anxapxani, kawkïr uraqtix nayax mä tutïkaspa ukhama nayra pacha awkinakapar churkta uka uraqiru” sasa.

Jeremías 30:3

mä uruw purinini, kunapachatix nayax Israel markaxaru, Judá markaxarus apanukutat kuttayankä uka uruxa. Naya, Tatituw uk arsta. Nayaw jupanakarux kawkïr uraqtix nayra awkinakapar churkta uka uraqir kuttayanxä” sasa.

Jeremías 30:7

¡Mä axsarkañ uruw jak'achasini, uka urjamasti janiw yaqha urux utjkiti! Uka urusti Jacobun markapatakix mä llakiskañ urüniwa, ukampis nayaw jupanakarux qhispiyä.

Jeremías 33:16

Uka urun Judá uraqix suman jikxatasini, Jerusalén markasti jan khitin kun sataw jakasirakini. Ukat aka sutimpi sutichatarakïni: ‘Tatituw jiwasan atipjañasaxa’ sasa.

Ezequiel 16:52

Jichhasti jumax jisk'achjataw uñjasïta, kullakanakamat sipansa juk'ampi axtaskañ jucha luratanakamampisti, kullakanakaman juchanakapax janiw kunäkisa. Jichhax jumaw p'inqachjata, jisk'achjata uñjasïta, kullakanakamax janis juchanïkaspa ukham uñstayatam layku.

Ezequiel 38:11

Ukatsti sarakïtawa: Mä pisi ch'ama markar nuwantiriw sarä, kawkhantix jaqinakapax k'uchik jakasisipki, markanakapas jan pirqanakampi muyuntayata, jan punkunakani, jan jist'añanakani markanakaruw nuwantä.

Daniel (hebreo) 12:1

“ ‘Ukapachaw Israel markan arxatiripa Miguel jilïr angelax uñstanini. “ ‘Ukasti llakisiñ urunakäniwa, uka urunakjamasti janipuniw kunapachas utjkänti, markanakan utjatapat aksaru. Uka urux purinkani ukapachasti, markamankirinakat qillqatan qillqantatäpki ukanakax, taqiniw qhispipxani.

Oseas 2:18

18 (20) “Khä urunsti, Israel markatakix, pampankir laq'unakampi, jamach'inakampi, katarinakampix mä suma arust'äwiruw mantä, aka markatsti, nuwasiñ yänakap aparasin q'al t'unthapï, ukhamat markaxax samart'at sarnaqasxani.

Oseas 2:20

20 (22) Warmixaruw tukuyasïma, jumarukiw munasïma, ukapachaw jumax Tatiturjam uñt'asitäta.

Oseas 6:11

Jumatakisti Judá, kunürükanitï mutuyäwimax uksa chimpt'xaraktwa. “Uka qhipatxa, Israel markaxarux uraqiparuw kuttayanxä.

Joel 2:21

Munat markaxa, walpun kusisim, janirak axsaramti, Tatitusti jach'a muspharkañ luräwinak lurani.

Miqueas 4:9

Jichhasti, ¿kunatarak wawachasiñatak usuyasiskir warmjam warartasti? ¿Janit reyimax juman utjkxi? ¿Jan ukax amuyt'ayirinakamach jiwarxi ukatti jachta?

Zacarías 3:10

Uka urux purinkani ukapachasti, jumanakax maynit maynikamaw jawsayasipxäta, uva alinakana, higo quqanakan ch'iwipan suman qamart'añataki. Naya, taqi ch'aman Tatituw arsta.’ ”

Juan 12:15

“Sión marka, jan axsaramti; uñtam, Reyimaw jutaski, mä asnor lat'xatataw jutaski.”