Jeremías 3:24 - Qullan Arunaka DC

²⁴ Yaqha diosanakar mä p'inqa yupaychatanakaxax, kuntix awkinakaxax wawäpkäyäta ukapacha jikxatapkatayna, ovejanaka, uywanaka, yuqall wawanaka, imill wawanaka, taqi ukanak apt'asiyapxitu.

Aymar Bibliia 1986

²⁴ Yakha diosanacar mä p'enka yupaychatasajja, cuntejj awquinacasajj wawäcäyätan ucapacha jicjjatapcatayna uca apt'asiyistu; ovejanaca, uywanaca, uqhamaraqui yokall, imill wawanacsa.

Qullan Arunaca

²⁴ Yakha diosanacar mä p'enka yupaychatasajja, cuntejj awquinacasajj wawäcäyätan ucapacha jicjjatapcatayna uca apt'asiyistu; ovejanaca, uywanaca, uqhamaraqui yokall, imill wawanacsa.

Jeremías 3:24 Jak'a apnaqawi uñst'ayäwi

Jeremías 11:13

Judá markax walja diosanakaniwa, qawqhäkitix markanakapax ukkha, Jerusalenankir jaqinakasti Baal diosatakix walja altaranak sayt'ayapxi, qawqhäkitix markan thakhinakapax ukkharaki.

Jeremías 22:21

Suman sarnaqapkäyätas ukapachaw nayax jumanakar parlxayapxsma, ukampis janiw ist'añ munapkistati. Wayna kankañamatpach ukhampun sarnaqapxtaxa: ¡arunakax ist'añsti janipuniw munapktati!

Jeremías 44:7

“ ‘Ukhampï naya, Israelan taqi ch'amani Diosapax sistxa: ¿Kunatsa jumanakpachar uka jach'a ñanqha apasinipxta? ¿Kunatsa jumanakax taqi Judá uraqinkir jaqinakar jiwarañar apt'apxta, chacharu, warmiru, wawanakaru, asu wawanakamppacharusa, jan maynin jiwarañapatakixa?

Jeremías 8:16

¡Uñisirinakasax niyaw jutantapxi! ¡Dan siski uka chiqatsti niyaw caballonakapan samaqitapax ist'asi! Uka caballonakan qanchisitapatsti, taqi uraqpachaw khathatiraki. Taqi aka markaru, yänakapamppach t'unjiriw jutapxi, markanakarusa, ukan jakirinakarusa.”

Jeremías 9:18

18 (17) ¡Jïsa, jank'ak jutapxpan, ukatsti jiwasat jachapxpan; nayranakasasti jachampi phuqhantatäpan, ajanunakasansti jachax warasirakpan!

Ezequiel 16:19

Jumar uywañatak manq'ayksma uka suma jak'ut lurat t'ant'ampi, aceitempi, misk'impxa, uka yaqha diosanakaruw mä suma q'apkir waxt'a luqtaraktaxa. Naya, Tatituw uk arsta.

Ezequiel 16:20

“ ‘Ukatsti jumampi nayampi jikxatasit wawanaksti, uka diosanakan manq'apäñapatakiw mä wilañcha luqtxtaxa. ¿Jumatakisti ukham jan wali sarnaqir warmir tukutamasti juk'akiti,

Ezequiel 16:61

Jumasti luratanakamat amtasïta, ukatsti p'inqa tuküta, jilïr kullakamaru, sullka kullakamar phuchhamäñapatak katuykäma ukapacha; ukampis janiw ukax jumampi arust'äwi lurat laykükaniti.

Ezequiel 16:63

Jumasti amtasisax wal p'inqasïta, jisk'achjataw amuyasïta, janiw arsuskarakïtasa, nayax jumar uka jan wali luratanakam pampachkäma ukapachaxa. Naya, Tatituw uk arsta.’ ”

Oseas 10:6

Uka pachpa vaca qallux Asiria markar jach'a reyir churañatak apatarakïniwa. Israelasti ukham p'inqachjataw uñjasini; uka yaqha diosapat p'inqasirakiniwa.

Oseas 2:8

8 (10) “Ukampis jupax janiw amuyaskänti nayan juparu trigo, vino, aceite, ukanak churataxsa, nayarakiw qullqsa, qursa yapt'äyäta, ukanakampisti yaqha diosanak lurasi.

Oseas 9:10

Tatitux siwa: “Kunapachatix Israel markar jikxatkäyät ukapachax kusisiyätwa, kunjämatix wasaran uva jikxatirix kusiski ukhama. Nayra awkinakamax nayatakix, nayrawir achuqir higonakjamänwa. Ukampis kunapachatix Baal-peor chiqar puripki ukkhaxa, k'ari diosanakaruw yupaychapxi, ukatsti wali jisk'achkañaw tukupxi, jupanakax munapkänsa uka yaqha diosanakjama.