Jeremías 3:21 - Qullan Arunaka DC

²¹ “Arunakaw wasar qullu tuqinakan ist'asi: ¡ukanakasti israelitanakan jachatanakapawa, khuyapayasiñ mayitanakapawa! Jupanakax chiqa thakhit saranukuwayapxi, naya, Tatitu Diosapatsti armasipxituwa.

Aymar Bibliia 1986

²¹ “Arunacaw wasara kollu tokenacan ist'asi: ¡ucanacasti Israelitanacan jachatanacapawa, uqhamaraqui qhuyapayasiña mayitanacapawa! Jupanacajj cheka thaquitjja saranucuwayapjjewa, naya Dios Tatitupatsti armasipjjaraquiwa.

Qullan Arunaca

²¹ “Arunacaw wasara kollu tokenacan ist'asi: ¡ucanacasti Israelitanacan jachatanacapawa, uqhamaraqui qhuyapayasiña mayitanacapawa! Jupanacajj cheka thaquitjja saranucuwayapjjewa, naya Dios Tatitupatsti armasipjjaraquiwa.

Jeremías 3:21 Jak'a apnaqawi uñst'ayäwi

Job 33:27

Sarakiniwa: “Juchachastwa, kunatix jan chiqapäki ukanak lurta, ukampis Diosax janiw mutuyañ munkituti;

Proverbios 10:9

Jan kuna manunïki uka jaqixa, janiw kunarus axsarkiti; jan wal sarnaqir jaqisti, jan waliw tukusiraki.

Proverbios 19:3

Jaqix jan amuyt'asirïtap laykuw aynacht'i, ukatsti jaqix Tatiturukiw juchañchi.

Isaías 15:2

Dibon markan utjir jaqinakasti, qullu patankki uka templor jachiriw makhatapxi, Moab markasti, Nebo markampina, Medebá markampin t'unjatätapat chuyma wal usuyasi. Ñik'utanakapasa, sunkhanakapas taqinin mururatkamäpxi.

Isaías 17:10

qhispiyktam uka Diosar armatamata, jupax juman arxatirimätamxa, janiw amtasktati. Jumax suma panqar yapunak yapuchtaxa, jan uñt'at diosatakiw uka panqaranak ayrustaxa,

Isaías 57:11

“¿Khitinakarak uka diosanakasti, nayar jan chiqa chuymampi arkañamataki, uka diosanakar axsaras yupaychkäyäta ukasti? Kunapachatix jumax jan jach'añkïyästa ukkhaxa, nayax amukïskäyätwa, jan amuyirikiw tuküyäta.

Jeremías 12:12

Taqi wasar qullu patanakatsti, qhuru jaqinakaw jutantapxäna, ukampis naya, Tatitux mä espada ayt'atätwa, aka marksti uka espadax maysat maysa t'unjani, janirakiw khititakis suman sarnaqasiñax utjkaniti.

Jeremías 13:25

Israel, ukaw jichhax juman tukuyamaxa, ukarak nayat katuqañ muntaxa. Naya, Tatituw uk arsta. Nayatsti armasxistawa, k'ari diosanakaruw iyawsaraktaxa.

Jeremías 18:15

Ukampis markaxax nayar armituwa, ukatsti k'ari diosanakaruw inciensonak luqtasipki. Nayra thakhipatsti yaqha thakhiruw saranukupxi, jan uñt'at thakhinjam sarapxaraki.

Jeremías 2:32

¿Mä warmix armasispati kunanakampitix jaqichasïwipan k'achachatäkän ukanakatxa? Ukampis jumanaka, nayan markaxax jaya pachaw nayat armasxapxista.

Jeremías 3:2

“Q'ara qullunak uñtam, ¿kawkhansa janix juchxa lurktaxa? Wasarankir árabe jaqir uñtataw quntaxa, thakhi thiyanakan waynanakamarux suyäyätaxa. Yaqhanakampi sarnaqatamampisa, ñanqha luratanakamampis markxa q'añuchtawa.

Jeremías 31:9

Tatitur yuspagarasa, jacht'asisarakiw kuttanxapxani. Nayasti jalir uma thiyanakaruw jupanakar irparakï, jan liwisipxañapatakisti, mä suma khuskhachat thakhinjam irparakï. Nayaw Israelan awkipätxa, jupasti jilïr yuqall wawaxarakiwa.

Jeremías 7:29

¡Jerusalén markankirinaka, llakisiñ isinakampi isthapisipxam! ¡Wasar qullu patanakan llakiskañ q'uchunak q'uchupxam! Jumanakasti nayarux phiñasiyapxistawa, ukat apanukupxsma, jaytanukupxaraksma.

Ezequiel 23:35

Ukatpï naya, Tatitux sistxa: “Jichhax nayar apanukutam layku, qhip uñtatam layku, jan wali sarnaqatanakamat mutuyäwi katuqäta” sasa.

Ezequiel 7:16

Mulljat palomanakjamas qullunakar jaltapxpan, juchanak lurapxatapat jiwarasipkakipuniniwa.

Oseas 13:6

“Kunapachatix jumanakan manq'añanakamax jilarxän ukkhaxa, jach'achasiñampiw phuqhantasipxtaxa, nayatsti armasxapxaraktawa.

Oseas 8:14

Israelita jaqinakasti reyin jach'a utanakap utachapxi, ukampis jupanakar irnuqirit armasipxiwa. Judá markax walja jach'a markanakwa pirqanakampi muyuntayas sum sayt'ayi, ukampis nayax ukanak ninampiw nakhantayä, reyin jach'a utanakapas q'alaw nakhantani.”

Miqueas 3:9

Israel markan jilïrinakapa, jichhax aka arunak ist'apxam, jumanakasti kunatix chiqäki ukxa uñisipxtawa, kunatix aski lurañäki uksa maysaruw q'iwipxtaxa.

Números 22:32

Tatitun angelapasti juparux sänwa: —¿Kunatarak qachu asnomar kimsa kuti jawq'jtasti? Nayaw jumar thakhit jark'antsma, Moab markar saratamax janiw nayatak walïkiti.

2 Corintios 7:10

Diosan munañaparjam llakisiñax qhispiyasiñ utjayi, janiw kunat llakisiñas utjkiti. Ukampis akapachan llakisiñapax jiwañ utjayi.