Jeremías 3:1 - Qullan Arunaka DC

¹ Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Aymar Bibliia 1986

¹ Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.

Qullan Arunaca

¹ Tatitojj siwa: “Mä jaketejj warmipampi jaljti ucapachasti, warmejj uca chachampi jaljtasajj yakhampiw casarasjje, nayra chachapasti janiw uca warmirojj jac'jjaniti. Wasitattejj chicjjapjjaspan ucasti, ¡marcataquejj janiw ucajj walïcaspati! Ucampisa, jumajj Israel, walja chachanacampiw sarnaktajja, ¡jichhasti nayan ucaruw cuttanjjañ munaractajja! Naya Tatituw, ucjja arsta, sasa.

Jeremías 3:1 Jak'a apnaqawi uñst'ayäwi

Salmos 106:38

Jan juchan jaqin wilap wartapxäna, wawanakapan wilap wartapxäna, Canaán uraqi diosanakaruw wila luqtapxäna. Uraqix wilampi q'añuchataw uñjasïna,

Isaías 24:5

Uraqisti jaqinakapan takisitawa, kamachinak jan phuqhatap layku, arsutanakaparus janiw jaysapkiti, Tatitun wiñayatak arust'äwipsa p'akintapxarakiwa.

Jeremías 2:20

“Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Jeremías 2:23

¿Kunjämarak sätasti: ‘Janiw nayax q'añucht'askti, janiw k'ari diosanakarus yupaychkaraktti’ sasasti? Amuyasim kunjämänsa Ben-hinom sat qhirwan sarnaqatamaxa, jan wali luratanakamax luratanakamapunïnwa, qachu camellor uñtata, urqu camellon qhipap kawksarus jalakiraktawa;

Jeremías 2:7

Nayaw jupanakarux aka suma uraqir irpanta, ukhamat suma achunakapat manq'apxañapataki. Ukampis jumanakax jutasinxa nayan uraqix takisipxtawa, aka uraqixatsti axtasiyapxarakistawa.

Jeremías 22:20

Tatitux Jerusalén markankirinakaruw akham saraki: “¡Aka markpachar sarapxam; jach'a qullunak patar makhatapxam, jan chuymachkay jachapxarakim! Yanapapxayätam uka markanakax q'ala tukjatäxiwa.

Jeremías 3:22

¡Nayatak sayt'asir wawanaka, nayan ukar kuttanxapxam! ¡Nayaw ist'asir wawanakar tukuyxapxäma!” sasa. “Tatay, akankapxtwa, jumaruw makhatxapxsma, jumätaw nanakan Tatitu Diosaxaxa.

Jeremías 3:9

Jan axsartasaw yaqha diosanakar yupaychi, ukham sarnaqatapampisti aka uraqirux ñanqhachiwa. Nayar apanukusinsti qalanakaru, quqanakaruw killisiraki.

Jeremías 31:22

¿Kunapachkamarak uksa aksa sarnaqäta, saranukut wawar uñtatasti? Naya, Tatitux, aka uraqin machaqat lurtxa: warmix chacharuw munapayani.”

Jeremías 4:1

Tatitusti siwa: “Israel marka, jumatix kuttanxañ munstaxa, jan juk'ampi jucha lurkxamti. Uka axtaskañ diosanakamsti apanukxam, nayatsti janirak jayarst'amti.

Jeremías 4:14

Jerusalén, ñanqhanakat chuymam q'umachasim, ukhamat jumax qhispit uñjasïta. ¿Kunapachkamas uka jan wali amtañanakampix apnaqayasïta?

Lamentaciones 1:2

Arumanakax jachkäwiw tukusiski; ajanupansti jachakiw jalaski. Munirinakapatsti janiw maynis jupar chuymachirix utjkiti. Taqi masinakapasti maysa uñtxapxi, uñisirinakapaw tukxaraki.

Ezequiel 16:26

Pachpa uta jak'anakamampiw q'añu luräwinak lurtaxa, uka q'añu jucha lurir egipcio jaqinakampiw sarnaqaraktaxa, ukham yaqha chachanakampi sarnaqatanakamampiw q'apisiyistaxa.

Ezequiel 16:30

Naya, Tatituw uk arsta. ¡Chuymamasti uka ñanqha luräwinak lurañatakix usutäkaspas ukhamänwa, jan p'inqani, jan wali sarnaqir warminakjama!

Ezequiel 16:35

“ ‘Wachuqa jucha lurañanakan sarnaqir warmi, jichhax nayan arunakax ist'am:

Ezequiel 33:11

Jichhasti jupanakarux sarakim: Naya, Tatituw juramentompi arsta, janiw nayax qhuru jaqin jiwañap munkti, jan ukasti uka qhuru jakañap apanukusin jakañap munta. Israelitanaka, ¡jumanakax uka jan wali sarnaqäwinakam apanukupxam! ¡Kunatix jan walïki uk jan lurapxamti, ukhamat jan jiwapkätati!’ sasa.

Oseas 1:2

Kuntix Tatitux Oseas tuqi sañ munkän uka arunakxa, akham sasaw qalltäna: “Israel markax nayar apanukusax yaqhampiw sarnaqxi. Jichhasti jumax saram, ukatsti uka kipkarak yaqha chachanakampi sarnaqir warmimpi jaqichasim, jupampisti wawanakanïma; ukhamat uka wawanakax yaqha chachanakampi sarnaqir warmin wawanakapäpxani”.

Oseas 2:2

2 (4) Tatitux siwa: “¡Taykamar juchañchapxam, juchañchapxapunim, jichhax jupax janiw warmixäkxiti, janirakiw nayas chachapäkxti! ¡Yaqha chachanakampi sarnaqañap apanukxpan! ¡Jan wali warminakjam sarnaqañsa apanukxpan!

Miqueas 2:10

¡Jichhax sartapxam! ¡Akat sarapxam! Aka chiqax janiw samarañatakïkiti; ñanqha lurañampi phuqhantatawa, ukat q'al tukjatarakïni.

Zacarías 1:3

Ukhamasti, jichhax markankirinakar sam: Taqi ch'aman Tatitux siwa: ‘Nayaru makhatxapxita, nayasti jumanakarux uywthapisxapxämawa. Naya, Tatituw arsta.

Mateo 5:31

“Satarakïnwa: ‘Khititix warmipampi jaljtanixa, jaljtañ qillqat churxpan’ sasa.

Deuteronomio 22:21

ukapachax markankir jaqinakaw awkinakapan utapat jupar irpsunipxani, ukatsti ukarpachaw qalampi k'upjasin jiwayapxani, jupan mä jach'a jucha Israel markan luratapata, awkipan utap p'inqachayatapata. Ukhamat jumanak taypin jan wali lurañanak tukjapxäta.

Jueces 19:2

Uka uñt'atapasti jupampi tuqisiwayasinxa, Belenankir awkipan ukaruw jakir sarxäna. Pusi phaxsi ukankxasinsti,