Jeremías 29:1 - Qullan Arunaka DC

^1-2 Jeconías reyisa, reyin taykapasa, reyin utapan uywatanakasa, Judá uraqinkiri, Jerusalén markankir jilïrinakapasa, taqi irnaqirinakas jaya markar apatäpkän uka qhipatsti, Jeremías profetax Jerusalenat mä qillqat apayäna kawkïr jilïr jaqinakatix jayar apayatäpkän ukanakaru, sacerdotenakaru, profetanakaru, taqi jaqinakaru, kawkïrinakarutix Nabucodonosor reyix Jerusalenat Babilonia uraqir katuntat apkatayna taqi jupanakaru.

Aymar Bibliia 1986

^1-2 Jeconías reyina, uqhamaraqui reyin taycapasa, palaciona uywatanacasa, Judá orakena, uqhamaraqui Jerusalén marcana jilïrinacapasa, take irnakerinacasa jaya marcaru apata mistjjapjjän ucapachasti Jeremías profetajj Jerusalenata mä carta apayäna cawquïri jilïri jakenacatejj jayaru apayatanacatjja kheparapcän ucanacarusa, uqhamaraqui sacerdotenacarusa, profetanacarusa, take jakenacarusa, cawquïrinacarutejj Nabucodonosor reyejj Jerusalenata Babilonia orakeru preso catuntasin apcatayna take ucanacaru.

Qullan Arunaca

^1-2 Jeconías reyina, uqhamaraqui reyin taycapasa, palaciona uywatanacasa, Judá orakena, uqhamaraqui Jerusalén marcana jilïrinacapasa, take irnakerinacasa jaya marcaru apata mistjjapjjän ucapachasti Jeremías profetajj Jerusalenata mä carta apayäna cawquïri jilïri jakenacatejj jayaru apayatanacatjja kheparapcän ucanacarusa, uqhamaraqui sacerdotenacarusa, profetanacarusa, take jakenacarusa, cawquïrinacarutejj Nabucodonosor reyejj Jerusalenata Babilonia orakeru preso catuntasin apcatayna take ucanacaru.

Jeremías 29:1 Jak'a apnaqawi uñst'ayäwi

2 Reyes 24:12

Ukat Judá marka apnaqir Joaquín reyix, taykapampi, jilïrinakapampi, yanapirinakapampi, jupan suma uñt'at jaqinakampi Babiloniankir reyiru katuyasxapxäna, uka reyisti jupanakarux katuntayxänwa. Ukasti kunapachatix Nabucodonosor reyix kimsaqallqu mara Babilonia marka apnaqkän ukapachaw lurasïna.

2 Crónicas 36:10

Uka marana, phanchhiri pachan, Nabucodonosor reyix Joaquín reyir Babilonia markar katuntat apayäna. Jupa lantisti, Nabucodonosor reyix Sedequías chacharuw Judá markan reyipat utt'ayäna, jupax Joaquín reyin jilapänwa. Ukxarusti Tatitun utapan utjkäna uka jila alani yänakamp Babiloniar apasipxarakïna.

Ester (hebreo) 9:20

Mardoqueox taqi kunatix luraskäna ukanak qillqäna, ukatsti Asuero reyin suyunakapan utjir judionakaruw qillqatanak apayäna, jak'an jakiriru, jayan jakiriru,

Jeremías 28:17

Hananías profetasti uka pachpa marana, paqallqu phaxsi saraqataruw jiwxäna.

Jeremías 28:4

Uka kipkarakiwa, Joacín jaqin yuqapa, Judá uraqin Joaquín reyiparus aka pachparu kuttayanxarakï, Judá uraqita Babilonia uraqir apatäpkän taqi uka jaqinakasa kuttanxapxarakiniwa. Jïsa, nayaw Babilonia uraqinkir reyipan munañap tukjä. Naya, Tatituw uk arsta.’ ”

Jeremías 29:20

Jichhax arunakax ist'apxam, khitinakarutix Jerusalén markat Babilonia uraqir apanukupksma taqi ukanaka.’

Jeremías 29:8

Naya, Israelana Diosapa, taqi ch'amani Tatituw iwxt'apxsma: Jumanak taypin jakir profetanakampi, yatirinakampis jan sallqjayasipxamti; kuna samkanakapat parlapki ukanaksa jan ist'apxamti.

Jeremías 51:61

ukat Seraías chacharux sarakïna: “Babiloniar purkäta ukkhasti, wali jach'at aka arunak ullaräta.

Hechos 15:23

jupanakaruw aka qillqat apayapxäna: “Nanak apostolunakampi, Jerusalén iglesian jilïrinakapampi, jilatanakampix taqi jumanakar munasiñampiw aruntanipxsma, Antioquía, Siria, Cilicia chiqanakan jakasir jan judiökasin Jesusar iyawsir jilatanakaru.

2 Corintios 7:8

Qillqanipksma ukampitix llakisiyapxsmaxa, janiw ukat jichhax llakiskti. Uka Qillqatan mä juk'a pacha jumanakar llakisiyatap uñjasax nayax llakisirakïyätwa,

Gálatas 6:11

Aka arunak naya pachpaw qillqta. Uñjapxam, jach'a qillqanakampiw jumanakar qillqanipxsma.

Hebreos 13:22

Jilatanaka, aka juk'a iwxa arunak taqi chuymay katuqt'asipxam.