Jeremías 28:8 - Qullan Arunaka DC

⁸ Kawkïr profetanakatix nayra pachan utjkäna, janïra jumas, nayas yurkäyätan ukapacha; ukanakasti nuwasiñanaka, t'aqhisiñanaka, kunayman usunakan utjañap yatiyapxäna, walja jach'a ch'amani markanakataki.

Aymar Bibliia 1986

⁸ Cawquïri profetanacatejj nayrapachan utjcäna, janïra jumas, nayas nascäyätan ucapacha; ucanacasti guerranacana, t'akhesiñanacana uqhamaraqui cunayman casta usunacan utjañapacwa yatiyapjjäna, walja marcanacataqui uqhamaraqui jach'a ch'amani reinonacataquisa.

Qullan Arunaca

⁸ Cawquïri profetanacatejj nayrapachan utjcäna, janïra jumas, nayas nascäyätan ucapacha; ucanacasti guerranacana, t'akhesiñanacana uqhamaraqui cunayman casta usunacan utjañapacwa yatiyapjjäna, walja marcanacataqui uqhamaraqui jach'a ch'amani reinonacataquisa.

Jeremías 28:8 Jak'a apnaqawi uñst'ayäwi

1 Reyes 17:1

Elías profetax Galaad uraqinkir Tisbé markankirïnwa. Mä urusti jupax Ahab reyiruw säna: “¡Israelan Tatit Diosap laykuw juramentompi arsta, jupan luqtiripätwa, janiw aka maranakan jallusa, sullasa purxatkaniti, kunapachatix nayax siskä ukkhakama!” sasa.

1 Reyes 22:17

Ukat Micaiasax säna: “Nayax israelitanakar taqpachaniruw qullunakan ananukutäskir uñjta, jan awatirin ovejanakar uñtata. Tatitusti siwa: ‘Akanakax janiw awatirinïpkiti; sapa maynis sumankañampik utaparkam kutt'pan’ ” sasa.

1 Reyes 22:8

Israelan reyipasti Josafatar sänwa: —Mayniw utjaski, jupa tuqiw Tatiturux jiskt'araksna. Jupasti Micaías satawa, Imlá chachan yuqapawa. Ukampis nayax jupar walpun uñista, jupax janipuniw suma yatiyäwinak yatiykituti, jan ukasti jan walinakak yatiyitu —sasa. Josafat reyisti sänwa: —Jan ukham samti —sasa.

Isaías 13:1

Babiloniataki profecía arunakxa, Amós chachan Isaías yuqapaw unañchäwi tuqi katuqäna:

Isaías 13:18

Waynanakarux mich'inakapampiw jiwarayani. Asu wawanakatsa janiw khuyapt'ayasipkaniti, jisk'a wawanakatsa janirakiw khuyapt'ayasipkaniti.

Amós 1:1

Amós Profetax Judá uraqin, Tecoa sat mä jisk'a markankirïnwa, jupasti ovej awatirïnwa, ukhamaruw Tatitux jupan yatiyäwi arunakap Israel markar parlir sarañapatak jawsäna, Tatitusti uka arunakxa pä mara janïr uraqi khathati purinkipan parläna, uka pachasti Judá markanxa Oziasaw reyïskäna, Israel markansti Jeroboam sat Joás chachan yuqapaw reyïskarakïna.

Amós 1:2

Amós profetax sänwa: Tatitux Jerusalén markana, Sión qullutpacha wali jach'a arumpi art'ki ukapachaxa, uywa manq'añ chhuxllanakas q'alaw pharsxi, Carmelo sat qullus wañsxarakiwa.

Jonás 3:1

Tatitux wasitat Jonás chacharux parlxayäna, sarakïnwa: