Jeremías 28:4 - Qullan Arunaka DC

⁴ Uka kipkarakiwa, Joacín jaqin yuqapa, Judá uraqin Joaquín reyiparus aka pachparu kuttayanxarakï, Judá uraqita Babilonia uraqir apatäpkän taqi uka jaqinakasa kuttanxapxarakiniwa. Jïsa, nayaw Babilonia uraqinkir reyipan munañap tukjä. Naya, Tatituw uk arsta.’ ”

Aymar Bibliia 1986

⁴ Uca quipcaraquiwa, Joacim jaken yokapa, Judá oraken Jeconías reyiparusa cuttayanjjaraquïwa aca pachpa chekaru, uqhamaraqui take jakenacasa Judá oraketa Babilonia orakeru apatäpcäna ucanacasa cuttanjjapjjaraquiniwa. Jïsa, nayaw Babilonia orakenquiri reyipan yugopjja p'acjä. Naya Tatituw ucjja arsta.’ ”

Qullan Arunaca

⁴ Uca quipcaraquiwa, Joacim jaken yokapa, Judá oraken Jeconías reyiparusa cuttayanjjaraquïwa aca pachpa chekaru, uqhamaraqui take jakenacasa Judá oraketa Babilonia orakeru apatäpcäna ucanacasa cuttanjjapjjaraquiniwa. Jïsa, nayaw Babilonia orakenquiri reyipan yugopjja p'acjä. Naya Tatituw ucjja arsta.’ ”

Jeremías 28:4 Jak'a apnaqawi uñst'ayäwi

Génesis 27:40

Espadamampiw sayt'asirakïta, jilaman uywatapäyätawa; ukampis ch'amani tukxäta ukkhawa, jupan munañanïñapat qhispirakïta” sasa.

2 Reyes 24:14

Ukatsti Nabucodonosor reyix, Jerusalenankir taqpach jaqinakaruw katuntat apasxäna, taqpach jilïrinakaru, suma nuwasir soldadonakaru, amparampi suma yänak lurir jaqinakaru, herreronakaru, tunka waranqanir phuqhachañkama. Janiw khitis Judá uraqin qhiparkxänti, jan ukasti wali pisin jakasir jaqinakakiw Jerusalenan qhiparxäna.

Isaías 9:4

4 (3) Jumaw tukjtax markamar t'aqhisiykän ukanakxa, kawkïri t'aqhisiñatix llakisiykän ukanaka, munañan jaqinakampi apnaqatäkän ukanaka. Kunjämtix Madián uraqir t'unjktax ukhama.

Jeremías 13:19

Néguev tuqinkir markanakasti uñisirin muyuntatawa; janiw khitis uka chiq sarakipkaspati. Taqi Judá tuqinkirinakasti, katuntat apatäpxiwa.

Jeremías 2:20

“Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Jeremías 22:10

Josías reyitxa jan jachapxamti, jiwatapatsa janirak jachapxamti; jan ukasti Salum yuqapat jachapxam, jupax jan kuttaniñatakiw sarxi; janirakiw mayampsa yurïwip uraqi uñjkxaniti. Tatitux Judá uraqin reyipa Josiasan Salum yuqapat siwa, khititix awkipa qhipat reyïkän ukata, akawjat mistuwaykän ukata: “Janiw jupax kuttankxaniti,

Jeremías 22:24

Tatitux Joacín jaqin Joaquín yuqaparux, Judá uraqin reyiparux siwa: “Juramentompiw arsta: Kupi amparaxan surtijapäkasma ukasa, amparaxat apanukupunirismawa,

Jeremías 24:1

Babiloniankir Nabucodonosor reyix, Judá uraqinkiri Joacín reyin Joaquín yuqaparu, ukhamarak taqi jilïrinakaru, irnaqirinakaru, herreronakar katuntat apasxatapatsti, Tatitux pä higo canastanak Tatitun utap nayräxan waynuqat uñjayitu.

Jeremías 24:5

“Naya, Israelan Dios Tatitupaw arsta: Judá markarux suma higo achunakarjamaw uñjä, jupanak Babilonia uraqir katuntat apanukkäyäta ukata. Jupanakarusti sumpun uñjä,

Jeremías 27:8

Kawkïr markanakatixa, jan ukax reyinakas Nabucodonosor reyimpi jan apnaqayasiñ munkani ukanakarux, nayaw nuwasiñanakampi, mach'anakampi, kunayman usunakampi mutuyarakï, taqinis jupan apnaqatäñapkama. Naya, Tatituw uk arsta”.

Jeremías 28:10

Ukhamasti Hananiasax Jeremiasan kunkapat uka yuku apaqxasin, jisk'a jisk'a tukjäna,

Jeremías 28:2

—“Israelan Diosapa taqi ch'aman Tatitux siwa: ‘Babilonia markan reyipan taqi munañap apaqäwa,

Jeremías 29:1

Jeconías reyisa, reyin taykapasa, reyin utapan uywatanakasa, Judá uraqinkiri, Jerusalén markankir jilïrinakapasa, taqi irnaqirinakas jaya markar apatäpkän uka qhipatsti, Jeremías profetax Jerusalenat mä qillqat apayäna kawkïr jilïr jaqinakatix jayar apayatäpkän ukanakaru, sacerdotenakaru, profetanakaru, taqi jaqinakaru, kawkïrinakarutix Nabucodonosor reyix Jerusalenat Babilonia uraqir katuntat apkatayna taqi jupanakaru.

Jeremías 30:8

Naya, taqi ch'aman Tatituw arsta: Markaxarux t'aqhisiñat qhispiyä, janiw mayampis yaqha markankir jaqinakax t'aqhisiykxapxaniti.

Levítico 26:13

Nayätwa jumanakan Tatit Diosamaxa, nayaw jumanakarux Egiptot irpsunipxsma ukan jan juk'amp t'aqhisiyat sarnaqasipkañamataki; kuna t'aqhisiñatix jumanakxankkäna uksa nayaw apaqapxsma, ukatsti p'iqis waytat sarnaqayapxsma.

Nahúm 1:13

Nayaw jumar t'aqhisiyir yuku akch'a akch'a tukjä, chinuñanakamsa t'aqanuqarakïwa” sasa.