Jeremías 28:16 - Qullan Arunaka DC

¹⁶ Ukat Tatitux jichhax saraki: ‘Jïsa, khithämawa, ukampis aka uraqit chhaqtañamatakiw khithäma. Arunakamampiw aka markarux nayatak sayt'asir tukuytaxa. Ukat aka mara janïra tukuskipan jumax jiwäta’ —sasa.

Aymar Bibliia 1986

¹⁶ Ucatwa Tatitojj jichhajj aqham sejja: ‘Jïsa, qhitämawa, ucampisa aca oraket chhaktañamataquiw qhitäma. Jichha maraw jumajj jiwäta, aca marcaru arunacamampejj nayataqui sartayatam laycu’ sasa.

Qullan Arunaca

¹⁶ Ucatwa Tatitojj jichhajj aqham sejja: ‘Jïsa, qhitämawa, ucampisa aca oraket chhaktañamataquiw qhitäma. Jichha maraw jumajj jiwäta, aca marcaru arunacamampejj nayataqui sartayatam laycu” sasa.

Jeremías 28:16 Jak'a apnaqawi uñst'ayäwi

Génesis 7:4

akat paqallq ururusti nayax mä jach'a jallu puriyanï, ukasti pusi tunka urumpi, pusi tunka arumampiw jallux purintani. ¡Aka uraqitsti taqi kunatix jakki, kuntix nayax lurkta ukanak q'al tukjä!” sasa.

1 Reyes 13:34

Uka luratapaw Jeroboam reyin saraqirinakaparux juchar puriyäna, uka laykurakiw taqi tukjata uñjasirakïna.

Éxodo 32:12

¡Janiy q'apisimti! ¡Janikiy markamar t'unjamti! Janiy egipcio jaqinakan jumat phiskasipxañap munamti, ukat sasipkañapataki: “Diosax jan wali amtampiw jumanakar irpsuwayapxtam wasar qullunakan jiwarayañataki” sasa.

Jeremías 20:6

Jumasti, Pashur, wila masimampi chikt'at Babiloniar apayataw uñjasïta. Ukan jumax jiwäta, ukan jumarux imapxarakïtam, kawkïr masinakamarutix k'ari arunak parlkäyätas ukanakamp chika.’ ”

Jeremías 28:17

Hananías profetasti uka pachpa marana, paqallqu phaxsi saraqataruw jiwxäna.

Jeremías 28:3

akat pä mararusti kuna yänaktix Babiloniankir Nabucodonosor reyix templot apaskäna taqi ukanak aka chiqaruw kuttayanxarakï.

Jeremías 29:32

Naya, Tatituw arsta, Semaiasarusa, wawanakaparus mutuyäwa. Markax taypinxa janiw saraqiripax utjkaniti, janirakiw kuna askinaktix markaxar apayankä ukanaksa katuqkaniti, parlatanakapampi jaqinakar nayatak sayt'asir tukuyatap layku. Naya, Tatituw uk arsta.”

Amós 7:17

Ukat Tatitux akham sixa: ‘Warmimasti markan uñjkataw yaqha chachanakampi sarnaqani, yuqanakamas phuchhanakamas espadampi jiwarayatäpxaniwa; uraqinakamsa yaqhanakaw katuntasipxani, jumasti Tatitur jan uñt'ir jaqinakan uraqipan jiwarakïta, israelitanakasti katuntata, uraqipat jayar apatäpxarakiniwa’ sasa.

Amós 9:8

Tatitux aka jucharar markarux wal uñch'ukiski, ukatsti sarakiwa: “Aka uraqit jupanakarux q'al chhaqtayä, ukampis Jacobun utapankirinakak jilt'ayä. Uksti, naya, Tatituw arsta.

Números 29:32

“Paqallqür urusti paqallqu urqu vaca qallunak luqtapxäta, pä urqu ovejampi, tunka pusin mä marani urqu oveja qallunakampi, ukanakasti jan kuna kamacht'atäñapawa.

Deuteronomio 6:15

Jumanakampïki uka Tatitu Diosamasti janiw yaqhampïpxañam munkiti, jupasti jumanakatakiw q'apisispa, ukatsti q'alpun jumanakar t'unjapxiristam.