Jeremías 26:6 - Qullan Arunaka DC

⁶ ukhamasti nayax kunjämtix Siló chiqankir templorux lurktxa, ukhamarak jichhax Jerusalenankir templorux lurä. Aka markarusti taqi akapachankir markanakatakix mä uñtaskaña ñanqhacharakï.’ ”

Aymar Bibliia 1986

⁶ uqhamasti nayajj aca templorojj cunjämtejj Silo chekanquir templorojj lurctjja uqhamracwa jichhajj luräjja. Aca marcarusti mä uñtascaña maldeciraquï, take acapachanquiri marcanacataquejja.’ ”

Qullan Arunaca

⁶ uqhamasti nayajj aca templorojj cunjämtejj Silo chekanquir templorojj lurctjja uqhamracwa jichhajj luräjja. Aca marcarusti mä uñtascaña maldeciraquï, take acapachanquiri marcanacataquejja.’ ”

Jeremías 26:6 Jak'a apnaqawi uñst'ayäwi

2 Reyes 22:19

aka chiqawja uraqitaki, markachirinakapampitaki tukjat uñjasiñapa, ñanqhachatäñapa yatisin chuymam llakthaptayatam layku, llamp'ur tukutamata, isim ch'iyanuqasitamata, nayraqataxan jachatam laykuw, nayax jumar ist'araksma. Naya, Tatituw uk sisma.

Isaías 43:28

apnaqirinakamasti nayan utaxsa takisipxänwa, ukatpï naya sapa Diosaxa, Israel markan t'unjatäñapataki, jisk'achjatäñapatakix apanuktxa.

Isaías 65:15

Nayan ajllitanakaxarusti suma suti churä; ukampis jumanakan sutinakamasti mayninakar ñanqhachañatak aytatäniwa.

Jeremías 24:9

Jupanakarusti yaqha markanakatakis axtaskañ tukuyä, jisk'achjata, apanukuta, ñanqhachjata ukhamaw kawki markanakarutix nayax ananukkä uka markanakan sarnaqapxani.

Jeremías 25:18

Jerusalén markaru, Judá uraqinkir taqi markanakaru, reyinakapampi taqi jilïrinakapampi umañapatakiw churta, ukhamat jupanakan t'unjatäñapataki, markanakapas q'ala tukjat apanukutäñapataki, axsarkaña mulljaskañ tukjatäñapataki. Aka arunak qillqaski ukkhakamas uka markanakan axsarkañaru, mulljaskañaru, ñanqhar tukutäñapataki.

Jeremías 29:18

Nayasti nuwasiñampi, mach'ampi, kunayman usunakampiw arknaqapxäma. Taqi aka uraqinkir markanakampisti axtasiyapxämawa, taqinin uñjkañ jumanakarux ñanqhachapxäma, mä p'inqa tukjapxarakïma, kawkïr markanakarutix apanukut uñjasipkäta ukansti jumanakax axsarkaña, mulljaskañäpxarakïtawa.

Jeremías 29:22

Ukatsti, kawkïrinakatix Judá uraqit Babilonia uraqir apanukutäpki ukanakax maynir ñanqhachañ munapkani ukkhax sapxaniwa: Tatitux jumampix lurpan kunjämtix Sedequías, Acab, uka paninir Babiloniankir reyix ninar phichhantkänxa, ukhamarak jumampix lurpan, sasa.

Jeremías 42:18

“Israelan Diosapa, taqi ch'aman Tatitusti siwa: ‘Kunjämatix phiñasiñaxampi qhuruchasiñaxampix taqi khitinakatix Jerusalén markan jakapkäna ukanakatak ninjam aqtänxa, ukhamarakiw jumanak tuqix phiñasiñaxax aqtani jumanakatix Egiptor sarapkäta ukapachaxa. Jumanakax jaqinsa uñtkañ ñanqhachatäpxätawa, axsarkañ tukjataw uñjasipxarakïta, janirakiw mayampsa aka uraqi uñjapkxätati’ sasa.

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Lamentaciones 2:15

Thakhi sarir jaqinakasti jumar uñjasaxa, larusisaw amparanakap t'axllisipxi; jumat phiskasisax p'iqsa khiwisipxiwa, suma Jerusalén markat sapxarakiwa: “¿Akati kawkïri markattix aka uraqpachan wali suma munkañ markapuniwa sapkäna ukasti?” sasa.

Lamentaciones 2:16

Taqi uñisirinakamaw jichhax jumatak arsu. Lakanakapsa t'ururt'asisaw axsarayañ arunak sapxi: “¡Q'alpun t'unjtanxa. Akpun suyaskäyätanxa; kunjämtix uñjañ munkäyätan, ukham uñjtanxa!” sasa.

Daniel (hebreo) 9:11

Israelankirinakax taqiniw yatichäwinakam jan yäqapkiti, juman arsutanakamarus janiw jaysapkarakiti; ukat nanakxaru wakt'apxitu, Moisés luqtiriman kamachipan qillqatäki uka juramentompi, taqi ñanqhachäwi arunakampisa, nanakan juma nayraqatan juchachasipxatax layku.

Zacarías 5:3

Ukat sarakitu: “Ukan taqi aka uraqpacharu purinkani uka ñanqhachäwinakaw qillqata. Purapäxan qillqatäki ukarjamaxa, khiti lunthatanakasa, k'ari juramento luririsa taqiniw mutuyatäpxani.

Malaquías 4:6

6 (24) Jupaw awkinakampi wawanakampi sumankthapiyxani. Janitix ukhamäkani ukapachasti, nayaw jutasin aka uraqi q'ala t'unjä.”

Josué 18:1

Israel markax taqiniw Siló chiqan tantachasipxäna, uka chiqan Tatitump Jikisiñ Carpa sayt'ayañataki, ukapachatakix uraqix niyaw katuntatäxäna,