Jeremías 26:24 - Qullan Arunaka DC

²⁴ Ukampisa, Safán jaqina Ahicam sat yuqapaw Jeremías profetat arxatasis parläna, Jeremiasax markan amparapan jan jiwayat uñjasiñapataki.

Aymar Bibliia 1986

²⁴ Safán jakena Ahicam sat yokaparaquiw Jeremiasat arjjatasisa parlaraquïna; uca parlatapasti janiw Jeremiasarojj catuntaycänti janiraquiw jakenacas catuntapcänti jiwayañataquejja.

Qullan Arunaca

²⁴ Safán jakena Ahicam sat yokaparaquiw Jeremiasat arjjatasisa parlaraquïna; uca parlatapasti janiw Jeremiasarojj catuntaycänti janiraquiw jakenacas catuntapcänti jiwayañataquejja.

Jeremías 26:24 Jak'a apnaqawi uñst'ayäwi

1 Reyes 18:4

Kunapachatix Jezabel warmix Tatitun profetanakapar jiwarayañ qalltkän ukkhaxa, Abdiasax profetanakat patakaniruw jawsthapitayna, ukatsti phisqa tunkanitkam tamachasinsti, pä puturuw jupanakar imantatayna, ukatsti jupaw manq'añsa, umañsa churatayna.

2 Reyes 25:22

Babiloniankir Nabucodonosor reyix, Ahicam chachan Guedalías yuqaparuw apnaqirit utt'ayäna, Safán chachan allchhiparu, kawkïr jaqinaktix jupax Judá uraqin jaytawaykatayna ukanakar apnaqañapataki.

2 Crónicas 34:20

ukat ukspachaw Hilquías jilïr sacerdoteru, Safán chachan Ahicam yuqaparu, Micaías chachan Abdón yuqaparu, Safán sat qillqiriru, reyin Asaías jilïr yanapiriparux akham säna:

Jeremías 29:3

Aka qillqatsti Safán jaqin Elasá sat yuqap tuqi, ukhamarak Guemarías, Hilquiasan yuqap tuqiw apayasïna, uka paninirusti Judá markan Sedequías reyipax Nabucodonosor reyimpi parliriw Babiloniar khithatayna. Uka qillqatasti akham sänwa:

Jeremías 36:10

Baruc chachasti Tatitun utapan jach'a anqäxaparuw saräna, Machaq Punku satäki uka mantañaru, jupasti Safán jaqin yuqapa Gemarías qillqirin utapatpach kuna arunaktix Jeremiasax qillqaykatayna uka arunak taqi jaqinakatak ullart'äna.

Jeremías 36:11

Miqueas jaqisti, kawkïritix Guemarías jaqin yuqapäkäna, Safán jaqin allchhipäkarakïna ukax, Baruc chachar Tatitun arunakap taqpach ullart'ir ist'asax,

Jeremías 36:12

reyin utaparuw saräna, reyin qillqiripan utaparu, uka utan walja jilïrinakaw tantacht'atäpxäna, ukanakasti akïrinakänwa: Elisamá, jupax reyin qillqiripa; Delaías, Elnatán, Gemarías, Sedequías ukanaka, jupanakax Judá markan jilïrinakäpxänwa.

Jeremías 36:19

Ukat Baruc chacharux sapxäna: —¡Ukhamax jichhax jumasa, Jeremías profetasa imantasxapxam, janirak khitis jumanakan kawkhankatamsa yatkpati! —sasa.

Jeremías 36:26

jan ukasti, Jerahmeel yuqapampiru, Azriel sat jaqin Seraías yuqapampiru, Abdeel jaqin Selemías yuqapampiruw mayïna Jeremías profetaru, Baruc sat qillqiripampir katuntapxañapataki. Ukampis Tatituw jupanakarux imantxäna.

Jeremías 39:14

Jeremiasarux uñjirinakan uta anqapat irpsuyanipxäna, ukatsti Ahicam jaqin Guedalías yuqaparu, khititix Safán jaqin allchhipäki ukaruw uñjañapatak katuyapxäna, ukatsti utaparuw irpxapxäna. Ukhamat Jeremiasax markan utjir jaqinakampi chika jakasiñatak qhiparxäna.

Ezequiel 8:11

Ukatsti uñjaraktwa israelitanakan paqallqu tunka jilïr jaqinakaparu uka idolonakar yupaychaskiri, uka jilïrinak taypinsti Safán sat jaqin Jaazanías yuqapaw ukankarakïna. Sapa maynis incienso q'aphichañ wayt'atkamänwa, incienso jiwq'ix qinayar uñtataw misturakïna.

Hechos 23:10

Ch'axwañax juk'ampïxänwa, soldadonakan jilïripasti axsarañat säna: “Pablor jisk'a jisk'a tukjapxakispawa” sasa. Ukat soldadonak jawsayanïna, judionak taypit Pablor irpsusin cuartelar wasitat irpantayxäna.

Hechos 27:43

Ukampis soldadonakan capitanapax Pablor qhispiyañ munasin, soldadonakaparuw katuntatanakar jiwarayañ jark'äna. Sarakïnwa: “Uma patan tuyuñ yatirinakax nayraqat umar thuqhuntapxam wañar mistxañataki,

Apocalipsis 12:16

ukampis uraqiw warmirux yanapt'äna, uraqisti mä p'iya jist'aräna, ukasti lakapäkaspas ukhamaw dragonan lakapat warstkän uka uma umantäna.