Jeremías 26:18 - Qullan Arunaka DC

¹⁸ “Ezequiasax aka Judá uraqi apnaqkän uka urunakanxa, Moréset sat chiqat jutir Miqueasaw Tatitun sutipxar taqi jaqinakar yatiyäna, akham sasa: ‘Taqi ch'aman Tatitux akham siwa: Sión qullux mä qhullinukut yapjamaw qhiparani, Jerusalenasti laqayanakjam mayjar willthapitaw uñjasini, Tatitun utapax utachatäki uka qullusti, quranakampi phuqhantataw uñjasini’ sasa.

Aymar Bibliia 1986

¹⁸ “Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.

Qullan Arunaca

¹⁸ “Ezequiasajj aca Judá orake apnakcän uca urunacanjja, Moreset sat chekat jutiri Miqueasaraquiw, uqhama Tatitun sutipjjaru take jakenacaru parlänjja aqham sasa: ‘Take ch'amani Tatitojj aqham siwa: Sionajj mä khollinucuta yapjamaw kheparani, Jerusalenasti mayjaru willthapita lakayanacaquiw uñjasiraquini, templojj utachatäqui uca kollusti koranacampi phokhantataraquiw uñjasini’ sasa.

Jeremías 26:18 Jak'a apnaqawi uñst'ayäwi

2 Reyes 19:25

Ukampis Senaquerib, ¿janit yatkäyäta naya Tatitun taqi ukanak wakt'ayataxsti? Nayratpach nayax uk amtta, jichhasti uk nayax luraskta; ukat jumax uyuchrantat markanak t'unjtaxa, t'una qutunakaruw tukuyaraktaxa.

2 Crónicas 32:26

Ukampis jach'a jach'a tukkasinsa, Ezequiasax Dios nayraqatan jisk'aruw tuküna, Jerusalenankir jaqinakax uka pachparak lurapxäna, Tatitusti Ezequiasan jakañapkamax janiw jupanakxaru q'apisiñap samaraskänti.

Nehemías 4:2

2 (34) masinakap nayraqatana, Samariankir ejército nayraqatan judionakat larusïna akham sasa: “Manq'at jiwat judionakax ¿kuns amuyasipxpacha? ¿Wasitat marka sayt'ayasaxa, wilañchanak luqtasipkakïwa, sapxpachati? ¿Mä urunak lurañ tukuyapxä, sasat amuyapxpacha? ¿Jan ukax, uka allthapit taypit machaq qalanak apsupxä sapxpachacha?” sasa.

Salmos 79:1

¡Diosaxay, Tatitur jan uñt'ir jaqinakaw uraqimarux mantantanipxi! ¡Qullan utamaruw ñanqhachapxi, Jerusalenarusti t'unjat markaruw tukuyapxi!

Jeremías 17:3

pampankir qullunakan utjkäna ukanakat amtasipxi. Juchanakam laykusti, qamir yänakamsa, imasitanakamsa, uraqiman utjir qullan qullunakamsa q'al lunthatjayäma.

Jeremías 51:37

t'unjata, mayawjar qulluchthapitaw qhiparani, qamaqinakan putunakapar tukuyatäniwa, jaqinsa jan mayampi jak'kañar tukuyatäniwa, taqinirus mulljaskañaru, axsarthapiyañar tukuyatäniwa.

Jeremías 9:11

11 (10) “Jerusalén markarux qala chhaxwaruw tukuyä; qamaqinakan putunakaparuw tukuyarakï; Judá uraqinkir markanakarusti mä ch'usa wasararuw tukuyä; jan jaqiniw qhiparxapxani.”

Miqueas 1:1

Aka yatiyäwinakax kuntix Tatitux Moréset chiqan utjir Miqueas profetarux parlxaykän uka arunakawa. Tatitusti juparux uñacht'äwi tuqiw yatiyäna kunanakatix Samariana, Jerusalenana luraskani ukanakata, ukasti Jotán, Ahaz, Ezequías reyinakax Judá marka apnaqkän uka urunakan yatiyasïna.

Miqueas 3:12

Jumanakan juchanakam laykuw Tatitun Jerusalén markapax q'ala tukjata uñjasini, mayjaru willthapitarakïniwa, kawkhankkitix Tatitun utapax uka qullus quran qurantataw uñjasini.

Miqueas 4:1

Qhipa urunakanxa, kawkhankkitix Tatitun utapax uka qullux suma sayt'ayatäniwa. Uka qullusti taqi qullunakat sipansa wali jach'äniwa. Taqi markanakaw ukarux jutapxani,

Zacarías 8:3

Jerusalén markar jakiriw kutt'anï. Ukapachasti Jerusalenax Chiqa Marka satäniwa; taqi ch'amani Tatitun qullupasa Qullan Qullu satarakïniwa.