Jeremías 26:15 - Qullan Arunaka DC

¹⁵ Ukampis ak sum yatipxam: Jumanakatix nayar jiwayapxitätaxa, taqi aka markankir jaqinakasa, jumanakasa mä jan juchan jaqir jiwayapxatamatxa, juchañchatäpxätawa, chiqpachansa Tatituw nayarux khithanitu taqi akanak jumanakar yatiyiri.”

Aymar Bibliia 1986

¹⁵ Ucampisa acjja suma yatipjjaraquim: Jumanacatejj nayaru jiwayapjjetätajja, ucapachajj take aca marcanquir jakenacasa, jumanacasa juchañchatäpjjätawa mä jan juchani jakeru jiwayapjjatanacamatjja, khanpachansa Tatitojj nayaru qhitanitapata take acanaca khana jumanacaru yatiyañajjataqui.”

Qullan Arunaca

¹⁵ Ucampisa acjja suma yatipjjaraquim: Jumanacatejj nayaru jiwayapjjetätajja, ucapachajj take aca marcanquir jakenacasa, jumanacasa juchañchatäpjjätawa mä jan juchani jakeru jiwayapjjatanacamatjja, khanpachansa Tatitojj nayaru qhitanitapata take acanaca khana jumanacaru yatiyañajjataqui.”

Jeremías 26:15 Jak'a apnaqawi uñst'ayäwi

Génesis 4:10

Tatitusti sarakïnwa: —¿Kunatsa jilamar jiwayta? Jilaman wilap wartkta ukax kunatix chiqapäki uk nayan uñjañaxatakiw art'asinitu.

Génesis 42:22

Ukxarusti Rubenax sarakïnwa: —Nayax sasipkapunsmaxaya: “Jan kuns jupar lurapxamti” sasa; ukampis jumanakax janiw nayar ist'apkistati, jichhasti jiwatapat phuqhañasaw wakt'istu —sasa.

2 Crónicas 24:22

Joás reyix Zacariasana Joiadá awkipan jupar askinak luratapat janiw amtaskxänti, ukatsti Zacarías yuqaparux jiwayänwa, jiwkäna ukkhasti Zacariasax akham arsuwayäna “¡Nayar akham lurapxatamat Tatituy jumanakarux mutuypan!” sasa.

Proverbios 6:16

Tatitux suxta jan walinakaruw uñisi; paqallqüristi jupatakix jan walipuniwa:

Proverbios 6:17

Jach'a jach'a tukuñanakaru, k'ari parlañanakaru, jan juchan jaqi jiwayañanakaru,

Jeremías 2:30

Inamayaw wawanakamarux mutuytxa, jan wali luratanakapatxa janiw kuttaniñ munapkiti, jumanakasti qhuru leonanakar uñtataw profetanakamarux jiwarayapxtaxa.

Jeremías 2:34

Isimax q'añuchjatawa, t'aqhinakana, jan juchaninakan wilapampi, khitinakarutix jan kuna juchan jikxatkta ukanakan wilapampi q'añuchjatawa.

Jeremías 22:17

“Ukampis jumax jan wali lurañanakampi jikxatatanakamatak llakistaxa; jan juchanirux jiwaytawa, markamankirinakarus ch'ama lurañanakampiw t'aqhisiyaraktaxa.”

Jeremías 22:3

Aka chiqansti kunatix chiqapäki, askïkaraki uk lurapxam, t'aqhisiyatarusti t'aqhisiyiripat qhispiyapxam, yaqha markat jutirinakarusti jan jisk'achapxamti, wajchanakaru, ijma warminakarus janirak kuna jan walsa lurapxamti. Jan juchan jaqinakarusti jan jiwayapxamti.

Jeremías 26:12

Jeremiasasti jilïrinakampiru, taqi jaqinakampiruw parläna, akham sasa: “Tatituw nayarux sutipxar parlañaxatak khithanitu, aka uta tuqi, ukhamarak aka marka tuqi kuntix jumanakax ist'apkta taqi ukanak yatiyañaxataki.

Jeremías 30:1

Tatitux aka arunak Jeremías profetarux parlxayäna. Sarakïnwa:

Jeremías 7:6

yaqha markat jutirinakarusa, wajchanakarusa, ijmanakarus jan sinti irnaqayapxamti, jan juchan jaqinakarus aka chiqanxa jan jiwayapxamti, yaqha diosanakarutix yupaychasipkakïta ukkhax, jumanakpachaw aynacht'apxäta,

Números 35:33

“Jakapkäta uka uraqirux jan jaqi jiwayañanakamp q'añuchapxamti, jaqi jiwayañax uraqi q'añuchi, janiw kunampi kuttsuyasiñas mä jaqi jiwayatat utjkiti, jan ukasti jiwayirix jiwañapapuniwa.

Mateo 26:25

Aljantkani uka Judasasti, akham sasaw Jesusar jiskt'äna: —Yatichiri, ¿nayätti? —sasa. Jesusasti juparux sänwa: —Jïsa, jumätawa —sasa.

Mateo 26:4

jupanakasti k'arimpiw Jesusar katuntañ amtapxäna, ukhamat jiwayañataki.

Hechos 7:60

Killt'asisinsti, jach'at art'äna: “¡Tatay, aka jucha luratat jan jupanakar juchañchamti!” sasa. Ukham arsusin jupax jiwawayxäna.

Deuteronomio 19:10

Ukhamat Tatit Diosamax churapkätam uka uraqinxa, jan juchan jaqin wilapa jan wartasiskañapataki, uka wila wartatat jumanakan jan juchanïsipkañamataki.

Apocalipsis 16:6

Uka jaqinakax jumar katuyat jaqinakarusa, profetanakarus jiwarayapxänwa. Jichhasti jumax jupanakar wila umayaraktaxa. ¡Luratapatjam katuqasisipki!” sasa.