Jeremías 25:3 - Qullan Arunaka DC

³ “Kunapachatix Amón jaqin yuqapa Josiasax Judá uraqi tunka kimsan mara apnaqaskäna ukat jichhakamaxa, niya pä tunka kimsan maranakäxiwa, Tatitusti ukkhatpachaw nayarux parlitäna, ukatsti nayax jumanakarux mayamp mayampi parlapxaraksma, ukampis jumanakax janiw nayarux ist'apkistati.

Aymar Bibliia 1986

³ “Cunapachatejj Amón jaken yokapa Josiasajj Judá orake tunca quimsani mara apnakascäna ucat jichhacamajja, niya pä tunca quimsani maranacaw pasjje, Tatitusti nayaruw parlitäna, nayasti jumanacarojj mayampi mayampwa parlapjjaracsma, ucampisa jumanacajj janiw nayarojj ist'apquistati.

Qullan Arunaca

³ “Cunapachatejj Amón jaken yokapa Josiasajj Judá orake tunca quimsani mara apnakascäna ucat jichhacamajja, niya pä tunca quimsani maranacaw pasjje, Tatitusti nayaruw parlitäna, nayasti jumanacarojj mayampi mayampwa parlapjjaracsma, ucampisa jumanacajj janiw nayarojj ist'apquistati.

Jeremías 25:3 Jak'a apnaqawi uñst'ayäwi

Génesis 22:3

Qhipärmanthi willjtasti, Abrahamax sartasisin phäña lawa ch'iyjäna, nakt'ayat wilañchataki. Ukatsti asnopa karunt'asin kawkharutix Diosax siskatayna uka chiqaruw saräna. Isaac wawapampi, pani uywatapamp chika.

1 Reyes 22:3

Israelan reyipasti yanapirinakaparux sänwa: —Jumanakax yatipxtawa, Galaadankir Ramot markax jiwasankiwa. Jiwasanakasti, ¿janit kuns lurksna sirio reyin amparapat apaqasxañatakixa? —sasa.

2 Reyes 17:13

Tatitusti taqpach profetanak tuqiw israelitanakarux iwxatayna, jan wali sarnaqäwinakap apanukupxañapataki, ukhamaraki nayra awkinakapar jupax churkatayna uka kamachi arunakaparu, taqi yatichäwinakapar phuqhapxañapataki.

2 Crónicas 24:19

Ukampisa, Tatitux profetanak khithanïna, jupan ukar kutt'anxapxañapataki. Jaqinakasti janiw profetanakan iwxa arunakaparux ist'apkänti.

2 Crónicas 34:1

Josías reyix kimsaqallqu maranïkän ukkhaw Judá marka apnaqañ qalltäna, jupasti Jerusalenan kimsa tunka mayan maraw marka apnaqäna.

2 Crónicas 34:3

Kimsaqallq mara marka apnaqkän ukkhasti, waynäkasawa Josías reyix David nayra awkipan Diosaparu thaqtañ qalltäna. Tunka payan mara marka apnaqkän ukkhasti, jupax Judá, Jerusalén markanakaruw q'umachäna, qullu amstan utjir yaqha diosanakar yupaychañ utanakap apaqayasa, ukhamarak Astarté diosan uñtasitanakapa, idolonakapa, ninamp umatatayas lurat diosanakap apaqayasa,

2 Crónicas 34:8

Tunka kimsaqallqun mara marka apnaqkän ukkhaxa, markampi, Tatitun utapampi q'umachasinxa, Josías reyix Asalías chachan Safán yuqaparu, markan jilïripa Amasías sat chacharu, Joacaz chachan yuqapa Joah qillqiriruw Tatit Diosapan utap askichapxañapatak wayt'äna.

2 Crónicas 36:15

Nayra awkinakapan Tatit Diosapax, sapa kutiw jupanakaru khithanakap tuqi iwxa arunak apayanïna, Tatitux markapatsa, utjäwipatsa khuyapt'ayasitap layku.

Salmos 81:13

13 (14) Markaxatix ist'itasapänxa, Israel markatix thakhixanjam sarnaqasapänxa,

Éxodo 8:20

20 (16) Tatitusti Moisesarux sänwa: —Qharürux willjtat faraonax jawirar sarani, ukhamasti jumax wali willjtat sartasin jupar sanim: “Tatitux akham siwa: ‘Markaxar khithanukxam nayar yupaychir sarxañapataki.

Isaías 55:2

¿Kunatsa qullqinakam kunatix jan t'ant'äki ukar inamay churasipkta? ¿Kunatsa qullqinakam kunatix jan askïki ukar inamay tukjasipkta? Sum ist'apxita, ukat suma manq'anak manq'apxäta, suma muxsa manq'anak manq'apxäta.

Jeremías 1:2

Kunapachatix Amón jaqin yuqapa, Josías sat reyix tunka kimsan mara Judá uraqi apnaqkäna, ukapachaw Tatitu Diosax aka yatiyäwi churitu.

Jeremías 11:7

Kunapachatix nayax awkinakamar Egiptot irpsunkäyäta ukapachax, nayaruk jaysapxita sarakïyätwa, ukatpacha jichhakamas uk saskakipuntwa.

Jeremías 19:15

“Israelan taqi ch'aman Dios Tatitupax akham siwa: ‘Aka markampiru, jak'ankir yaqha markanakampirusa, kuna mutuyäwtix jupanakatak arskta uk apayanï, kuna arunaktix nayax arskäyäta uka arunakar k'ullusipxatapata, janirak uka arunakar jaysapxatap layku.’ ”

Jeremías 22:21

Suman sarnaqapkäyätas ukapachaw nayax jumanakar parlxayapxsma, ukampis janiw ist'añ munapkistati. Wayna kankañamatpach ukhampun sarnaqapxtaxa: ¡arunakax ist'añsti janipuniw munapktati!

Jeremías 25:4

Tatitux jumanakarux mayamp mayampi profetanakap khithanipxtam, ukampis jumanakax janiw ist'apktati, jupanakan parlatanakaparus janiw ist'añ munapkäyätati, janirakiw phuqhañsa munapkäyätati.

Jeremías 26:5

nayar luqtir profetanakan arunakaparus janirak ist'apkani, uka profetanaksti nayax mayamp mayampi khithanta, jumanakasti jupanakarux janiw ist'apktati,

Jeremías 29:19

Jumanakax janiw nayar luqtiri profetanakan iwxt'a arunakapar ist'apktati, nayasti mayamp mayampi jumanakarux uka profetanak khithanta, ukampis jumanakax janiw jupanakarux ist'apktati. Naya, Tatituw uk arsta.

Jeremías 32:33

Nayatakix maysa uñtapxäna, janiw uñkatañsa munapkitänti. Nayasti jupanakarux yatichaskapunirakïyätwa, ukampis janiw nayan yatichäwinakaxsa ist'añ munapkänti.

Jeremías 35:14

Recab jaqin Jonadab yuqapan wawanakapax kuna arunaktix jupax wawanakapar jaytawaykatayna ukanak phuqhasipki, jupanakarusti “Janipuniw vino umapxätati” sataynawa, ukat jichhürkamax janipuniw vino umapkiti, nayra awkipan arunakapar phuqhasa. Nayasti uka kipkarakiw jumanakarux iwxanaka mayamp mayampi churapxsma, ukampis jumanakax janiw nayarux ist'apkistati.

Jeremías 35:15

Jumanakan ukarusti, nayan profetanakaxarux mayamp mayampi khithanipxsma jumanakar sañapataki: ‘Uka jan wali sarnaqäwinakama, jan wali luräwinakam apanukupxam. Janirak yaqha diosanakan qhipapsa sarapxamti, ukanakarus yupaychapxamti, ukhamat kuna uraqtix nayax jumanakarusa, nayra awkinakamarus churkäyäta ukan jakasipkakïta’ sasa. Ukampis jumanakax nayan arunakaxarux janiw jaysapkistati, ist'apkarakistasa.

Jeremías 36:1

Josiasan yuqapa, Joacín reyix Judá uraqi pusi mara apnaqkän ukapachaw Tatitux Jeremiasar parläna, juparusti sarakïnwa:

Jeremías 36:2

“Jeremías, mä jisk'a lip'ichinak jikxatam, ukatsti kuntix Israel markxata, Judá markxatsa, yaqha markanakxatsa siskäma taqi ukanak uka lip'ichinakar qillqantam, kuntix Josías reyin urunakapatpacha, jichürkamas luraskixa, taqi ukanak qillqantam.

Jeremías 44:4

Nayasti mayamp mayampi nayar luqtir profetanak khithanipxäyäsma, jumanakar uka axtañ luräwinak jan lurapxañamatak yatiyiri, nayasti uka luräwinakampix axtastwa.

Jeremías 7:13

Nayasti mayamp mayampi jumanakar ñanqha luratanakamat iwxapxsma, ukampis jumanakax janiw nayar ist'apkistati, janirakiw jaysapkistasa. Naya, Tatituw uk arsta.

Jeremías 7:25

Nayra awkinakamax Egiptot mistunipkäna ukat jichhakamasti, nayax jumanakarux maynit maynxaruw profetanak khithanipxsma.

Ezequiel 33:4

Ukampis maynitix trompetan phust'asitap ist'kasa ukar jan yäqkani, ukat uñisirinakax purintanisin jupar jiwayapxani ukkhasti, jupa pachpaw juchanïskani,

Zacarías 1:4

Jan jumanakax nayra awkinakamjam lurapxamti, jupanakarusti nayra profetanakax parlapxirïnwa, jan wali sarnaqäwinakapa, jan wali luräwinakap jaytxapxañapataki, ukampis jupanakax janiw ist'añsa, jaysañsa munapkänti. Naya, Tatituw arsta.

Marcos 1:35

Willjtanxipansti, Jesusax ch'amakäkipan markat mä wasar chiqaruw Diosat mayisir mistuwayäna.

Juan 8:2

Qhipür willjtasti, Jesusax Tatitun utaparuw kutt'anïna. Jaqinakax juparuw jak'achasipxäna, Jesusasti qunt'asisin yatichañ qalltäna.

Juan 8:47

Khititix Diosankirïki ukax, Diosan arunakap ist'i; ukampis jumanakax janiw Diosankirïpktati, ukatpï Diosan arup jan ist'añ munapktatixa —sasa.

2 Timoteo 4:2

Tatitun arunakap parlam; wakiski ukkhasa, jan wakiski ukkhas parlapunim. Amuyt'ayam, iwxt'arakim, taqi llamp'u chuymamp yatichas ch'amañcham.