Jeremías 25:1 - Qullan Arunaka DC

¹ Kunapachatix Josiasan yuqapa Joacín reyix Judá uraqi pusi mara apnaqkäna ukkhaw, Tatitux Jeremiasaru Judá markatak mä yatiyäwi churäna. Ukkharakiw Nabucodonosor reyix Babilonia uraqi mä mara apnaqañ qalltaskäna.

Aymar Bibliia 1986

¹ Cunapachatejj Josiasan yokapa Joacim reyejj Judá orake pusi mara apnakcäna, ucapachaw Tatitojj Jeremiasaru parläna, aca yatiyäwinaca take Judá marcpachataqui. Uca maraw Nabucodonosorajj mä mara Babilonia orake apnakañ kalltascäna.

Qullan Arunaca

¹ Cunapachatejj Josiasan yokapa Joacim reyejj Judá orake pusi mara apnakcäna, ucapachaw Tatitojj Jeremiasaru parläna, aca yatiyäwinaca take Judá marcpachataqui. Uca maraw Nabucodonosorajj mä mara Babilonia orake apnakañ kalltascäna.

Jeremías 25:1 Jak'a apnaqawi uñst'ayäwi

2 Crónicas 36:4

Ukxarusti egiptonkir reyix Judá, Jerusalén markanak apnaqañapatak Joacaz reyin Eliaquim jilaparuw reyit utt'ayäna, sutip jaqukipäna, Joacín sutimpiw uchäna, ukatsti Joacazar katuntasin Egiptoruw apxäna.

2 Crónicas 36:6

Babiloniankir Nabucodonosor reyix, jutasin broncet lurat cadenanakampi ñach'antata Babiloniar apxäna.

Jeremías 1:3

Ukhamarakiw yaqha yatiyäwinakampi churitu, kunapachatix Joacim, Sedequías jupanakax Judá uraqin reyipäpkäna ukapacha, jupanakax Josías reyin yuqanakapänwa. Sedequiasax tunka mayan mara, phisqa phaxsiniw Judá uraqi apnaqäna, Jerusalén markan utjirinakax jaya tuqir babilonionakan katuntat apatäpkän ukapachkama.

Jeremías 32:1

Sedequías reyix tunka mara Judá uraqi apnaqkäna, Nabucodonosor reyis Babilonia marka tunka kimsaqallqun mara apnaqkarakïna uka maraw Tatitux Jeremiasarux parlxayäna.

Jeremías 35:1

Josías chachan, Joacín yuqapax Judá uraqin reyïkän ukapachaw Tatitux wasitat nayar parlitu ukatsti sarakituwa:

Jeremías 36:1

Josiasan yuqapa, Joacín reyix Judá uraqi pusi mara apnaqkän ukapachaw Tatitux Jeremiasar parläna, juparusti sarakïnwa:

Jeremías 45:1

Josías chachan Joacín sat yuqapax niya pusi mara Judá uraqin reyïkän ukapacha, Jeremías profetax Nerías jaqin Baruc yuqapar qillqayaskäna ukapachaw Jeremiasax Baruc chachar säna:

Jeremías 46:2

Egipto markatsti aka arunak säna, qhanpachanxa Egipton reyipa Necao sat faraonan ejercitopat säna. Uka ejercitosti Carquemis sata chiqan jikxatasïna, Éufrates sat jawir jak'ana. Uka ejercitorusti Nabucodonosor reyiw nuwantasin atipjatayna, kunapachatix Josías jaqin Joacín yuqapax pusi mara Judá marka apnaqkäna uka mara:

Jeremías 7:1

Tatitux Jeremiasar wasitat parläna, ukatsti sarakïnwa:

Daniel (hebreo) 1:1

Kunapachatix Joacín reyix Judá uraqi kimsa mara apnaqaskäna, ukapachaw Babiloniankir Nabucodonosor reyix Jerusalén markar purinisin ejercitopamp muyuntäna.

Daniel (hebreo) 1:2

Tatituw Joacín reyirux Nabucodonosor reyimp katuntayäna, kuna yänakatix Tatitun utapan utjkäna ukanaksa Nabucodonosor reyiruw katuyarakïna. Nabucodonosor reyisti Babilonia markaruw jaqinak katuntat apasxäna, Tatitun utapat apsuta qullan yänaksa diosanakapan yänakapamp chik uskurakïna;

Daniel (hebreo) 2:1

Nabucodonosor reyix niya pä mara marka apnaqkäna ukapachaw jupax walja samkanak samkasitayna, ukham samkasitapatsti wal llakisxäna, janirakiw ikthapkänsa.