Jeremías 24:9 - Qullan Arunaka DC

⁹ Jupanakarusti yaqha markanakatakis axtaskañ tukuyä, jisk'achjata, apanukuta, ñanqhachjata ukhamaw kawki markanakarutix nayax ananukkä uka markanakan sarnaqapxani.

Aymar Bibliia 1986

⁹ Jupanacarusti yakha marcanacataquisa ajjtascaña tucuyä, jisc'achjata, apanucuta, maldecita uqhamaw sarnakapjjani cawqui marcanacarutejj nayajj ananuccä uca marcanacanjja.

Qullan Arunaca

⁹ Jupanacarusti yakha marcanacataquisa ajjtascaña tucuyä, jisc'achjata, apanucuta, maldecita uqhamaw sarnakapjjani cawqui marcanacarutejj nayajj ananuccä uca marcanacanjja.

Jeremías 24:9 Jak'a apnaqawi uñst'ayäwi

1 Reyes 9:7

nayax Israel markarux jupanakar churat uraqitxa apanuküwa, qullanañchkta uka qullan utsa nayraqataxat apanuküwa, Israel markasti taqi markanakatakis larusiñatakïniwa.

2 Crónicas 7:20

jumanakarux kawkïr uraqtix churapksma ukat apanukupxämawa, nayax kawkïr uttix yaqhachaskta uksa apanukurakïwa, ukatsti taqi markanakaw jumanakat larusipxani.

Salmos 69:11

11 (12) llaki isimp uchasta ukapachasti, nayat taqinipuniw sawkasipxitu.

Isaías 43:28

apnaqirinakamasti nayan utaxsa takisipxänwa, ukatpï naya sapa Diosaxa, Israel markan t'unjatäñapataki, jisk'achjatäñapatakix apanuktxa.

Isaías 65:15

Nayan ajllitanakaxarusti suma suti churä; ukampis jumanakan sutinakamasti mayninakar ñanqhachañatak aytatäniwa.

Jeremías 15:4

Taqi kunanaktix jupanakar lurkä ukanakatsti yaqha markanakampix axtasiyäwa, Judá uraqinkir reyipa, Ezequiasan Manasés yuqapan Jerusalén markan jan wali luratanakap layku.

Jeremías 19:8

Aka marksti mä ch'usa wasararuw tukuyarakï, wali mulljaskañäniwa. Taqi aka marka chiqa sarakipirinakasti, ukham q'ala t'unjat uñjasax wali mulljata, muspharataw uñjasipxani.

Jeremías 25:18

Jerusalén markaru, Judá uraqinkir taqi markanakaru, reyinakapampi taqi jilïrinakapampi umañapatakiw churta, ukhamat jupanakan t'unjatäñapataki, markanakapas q'ala tukjat apanukutäñapataki, axsarkaña mulljaskañ tukjatäñapataki. Aka arunak qillqaski ukkhakamas uka markanakan axsarkañaru, mulljaskañaru, ñanqhar tukutäñapataki.

Jeremías 26:6

ukhamasti nayax kunjämtix Siló chiqankir templorux lurktxa, ukhamarak jichhax Jerusalenankir templorux lurä. Aka markarusti taqi akapachankir markanakatakix mä uñtaskaña ñanqhacharakï.’ ”

Jeremías 29:18

Nayasti nuwasiñampi, mach'ampi, kunayman usunakampiw arknaqapxäma. Taqi aka uraqinkir markanakampisti axtasiyapxämawa, taqinin uñjkañ jumanakarux ñanqhachapxäma, mä p'inqa tukjapxarakïma, kawkïr markanakarutix apanukut uñjasipkäta ukansti jumanakax axsarkaña, mulljaskañäpxarakïtawa.

Jeremías 29:22

Ukatsti, kawkïrinakatix Judá uraqit Babilonia uraqir apanukutäpki ukanakax maynir ñanqhachañ munapkani ukkhax sapxaniwa: Tatitux jumampix lurpan kunjämtix Sedequías, Acab, uka paninir Babiloniankir reyix ninar phichhantkänxa, ukhamarak jumampix lurpan, sasa.

Jeremías 34:17

Ukat naya, Tatitux arsta: Jumanakax janiw nayarux ist'apkistati, kawkïr marka masinakamatix t'aqhisita taqi kun luras sarnaqasipki ukanakarusti janirakiw antutapktati; ukatpï jichhax nayax nuwasiñampiru, kunayman usunakampiru, mach'ampir antutkatapxämaxa, ukanakasti jumanakarux taqi aka markanakatakis wali axsarkañ tukuyapxätam. Naya, Tatituw uk arsta.

Jeremías 42:18

“Israelan Diosapa, taqi ch'aman Tatitusti siwa: ‘Kunjämatix phiñasiñaxampi qhuruchasiñaxampix taqi khitinakatix Jerusalén markan jakapkäna ukanakatak ninjam aqtänxa, ukhamarakiw jumanak tuqix phiñasiñaxax aqtani jumanakatix Egiptor sarapkäta ukapachaxa. Jumanakax jaqinsa uñtkañ ñanqhachatäpxätawa, axsarkañ tukjataw uñjasipxarakïta, janirakiw mayampsa aka uraqi uñjapkxätati’ sasa.

Jeremías 44:12

Khitinakatix Judá uraqir qhiparapkäna, ukatsti Egipto markar jakir sarxañatak wayt'asipki ukanakax uka markan jiwarapxani. Taqiniw jiwarapxani, nuwasïwina, jan ukax manq'atjamasa, jisk'at qalltasina jach'akama, ukatsti markanak taypinxa ñanqhachata, jisk'achjataw uñjasipxani.

Jeremías 44:13

Egipton jakapki ukanakarusti kunjämtix Jerusalén markankirinakar mutuyktxa uka kipkarakiw nuwasiñampi, mach'ampi, kunayman usunakampi mutuyä.

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Ezequiel 23:46

Tatitux akham siwa: “Jaqinakax jupanakar juchañchañatak tantacht'asipxpan, axsarayapxpan, taqi yänakapsa aparapxpan;

Ezequiel 25:3

Jupanakarusti Tatitun arunakap ist'apxam sañamawa: ‘Jumanakax nayan utaxan t'unjatätap uñjasax kusisiñatsa wal arnaqasipxäyätaxa, ukhamarak Israel marka t'unjatätapata, Judá uraqin jakirinak jaya markar katuntat apatäpxatapatsa.

Ezequiel 26:2

“Tiro markax Jerusalén markat amtañampiw arsu: “ ‘¡Markanakan alakipa lurañ markax q'ala tukjatawa! ¡Jichhasti nayaruw wakt'itu! Qamir yänakampiw phuqhantasï, jupasti ukchañkamax tukusiniwa.’

Ezequiel 5:8

Ukatpï naya, Tatitux sistxa: Jerusalén marka, nayax jumar jan walt'ayañatakiw sayt'äxa; uksti taqi markanakan uñjkañaw phuqharakï,

Deuteronomio 28:25

uñisirinakamamp jumar tukjayañkama. Jumax jupanakamp nuwasirix siqikiw sarantaskäta, ukampis janiw kunjäm jaltxatamsa amtaskätati, taqpach uraqin jakir jaqinakatakix axsarañjamäyätawa.

Deuteronomio 28:37

Ukatsti kawkha markarutix Diosax irpkätam uka markanakan p'inqachata, axtasita, jaqin parlasitaw sarnaqäta.