Jeremías 24:7 - Qullan Arunaka DC

⁷ Jupanakarusti nayan Tatitütax yatipxañapatakiw mä suma amuy churarakï; jupanakasti markaxäniwa, nayasti jupanakan Diosaparakïyäwa, nayar taqi chuymampi kuttanxapxatapata.

Aymar Bibliia 1986

⁷ Jupanacarusti mä suma amuyu churaraquï nayan Tatitütajja yatipjjañapataqui; jupanacasti marcajjäniwa, nayasti jupanacan Diosaparaquïyäwa, nayaru take chuymampi cuttanjjapjjatapata.

Qullan Arunaca

⁷ Jupanacarusti mä suma amuyu churaraquï nayan Tatitütajja yatipjjañapataqui; jupanacasti marcajjäniwa, nayasti jupanacan Diosaparaquïyäwa, nayaru take chuymampi cuttanjjapjjatapata.

Jeremías 24:7 Jak'a apnaqawi uñst'ayäwi

2 Crónicas 6:38

ukat taqi chuymapampi, taqpach amtañapampitix kutikipstapxätam, kawkha uraqintix katuntat uñjasipki ukkhana, ukatsti nayra awkinakapar churata uraqi tuqir uñtanisa, jumatak nayax luraykta uka utar uñtanisatix mayipxätam ukkhaxa,

Salmos 119:2

Tatitun arunakapar jaysirinakax kusisiñaniwa, taqpach chuymamp jupar thaqhirinakax kusisiñaniwa,

Isaías 51:16

nayaw alaxpach uskta, aka uraqsa sum sayt'ayta. Nayarakiw lakamarus arunakax uchtxa, ch'amaxampiw imsma. Nayaw Jerusalén markarux ‘Jumax markaxätawa’ ” sarakta.

Jeremías 11:4

Uka arust'äwsti, nayra awkinakapampiw lurta, kunapachatix Egiptot irpsunkäyät ukapacha, uka markasti jupanakatakix hierro umatatayañ hornjamänwa. Sarakïyätwa: Nayar ist'apxita, kuntix nayax sapkäma taqi ukanak phuqhapxam, ukhamat jumanakax nayan markaxäpxäta, nayasti jumanakan Diosamarakïyäwa.

Jeremías 29:10

“Tatitux siwa: ‘Kunapachatix Babiloniaru paqallqu tunka mara apnaqañap phuqhasxani ukkhasti, nayax jumanakat amtasxäwa, arsutaxarjamaw phuqharakï, jumanakarusti aka pachpa uraqiruw kuttayanxapxarakïma.

Jeremías 3:10

Taqi ukanakïpansa, ukham jan wal lurir Judá markax janiw nayan ukarux taqi chuymapampi kuttankiti, jan ukasti nayarux sallqjituwa. Naya, Tatituw uk arsta.”

Jeremías 7:23

Ukampis jupanakarux nayar ist'apxañapatakiw mayta; ukhamat nayax jupanakan Diosapïrista, jupanakasti nayan markaxarakïspa sasa. Ukatsti sarakïyätwa kunjämtix nayax siskta ukarjam sarnaqapxañapa, ukhamat taqi kunas sumak sarañapataki.

Ezequiel 11:17

Jupanakarux saskakim: ‘Tatitux siwa: Nayaw jupanakarux kawkha uraqinakar ananukutatix uñjasipki uka jaya markanakat kuttayanxä, jupanakar tantacht'asinsti Israel uraqi jupanakarux churxarakï.

Ezequiel 14:11

ukhamat Israel markax jan juk'ampi nayat jithiqtxañapataki, janirak uka ñanqha lurañanakampis q'añuchjasiskañapataki. Jupanakax nayan markaxäniwa, nayasti jupanakan Diosaparakïyäwa. Naya, Tatituw uk arsta.”

Ezequiel 16:62

Nayasti wasitat jumampix arust'äwix lurä, ukapachaw jumax nayan Tatitütax uñt'arakitäta.

Ezequiel 37:23

Janirakiw wasitat uka axtaskañ diosanakar yupaychasaxa, kunayman juchanak lurasas q'añuchaskxapxaniti. Nayaw jupanakarux jan chiqapar sarnaqatanakapat qhispiyxä, juchanakapatsa q'umachxarakï. Jupanakax nayan markaxäniwa, nayasti jupanakan Diosaparakïyäwa.

Ezequiel 37:27

Ukatsti jupanak taypin jakxä, jupanakan Diosapäyäwa, jupanakasti nayan markaxarakïniwa.

Ezequiel 39:22

Uka urut qhiparusti, israelitanakax yatipxaniwa, nayan Tatitu Diosapätaxa.

Oseas 2:22

22 (24) uraqinsti trigox achuntaniwa, vinosa, aceitesa, jilarkirïniwa, ukhamat Jezreel qhirwax sumar tukuni.

Zacarías 8:8

ukatsti Jerusalén markan jakasxapxañapatakiw apanxarakï. Jupanakasti ukkhax nayan markaxäniwa, nayasti aski chuymampi, chiqa kankañamp uñjir Diosapäyäwa.”

Romanos 6:17

Jumanakax nayrax juchan t'aqhisiyat jaqinakäpxäyätawa, Diosasti yuspagaratäpan, yatichäwinak taqi chuyma katuqasin phuqhapxatamata.

Hebreos 11:16

ukampis jupanakax mä suma marka munapxäna, ukasti alaxpach markawa. Ukat Diosax jupanakan Diosap satäñxa jan p'inqaskiti, jupanakatakisti mä markaw wakichatäski.

Hebreos 8:10

Kuna arust'äwtix khaya urun Israelampi lurkä ukax akhamäniwa, siw Tatituxa: Nayan kamachinakaxsti amuyuparuw uskü, chuymaparuw qillqantarakï. Nayax jupanakan Diosapäyäwa, jupanakasti nayan markaxäniwa.

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.