Jeremías 24:10 - Qullan Arunaka DC

¹⁰ Jupanakxarusti nuwasiñanakampi, mach'anakampi, kunayman usunakampi apayanï, ukhamat kawkïr uraqtix jupanakaru nayra awkinakaparusa churkta uka uraqit q'al chhaqtayarakï.”

Aymar Bibliia 1986

¹⁰ Jupanacjjarusti guerranacampi, mach'anacampi, cunayman usunacampwa apayaniraquëjja, cawquïri oraktejj jupanacaru nayra awquinacaparusa churcta ucanjja jan maynisa kheparañapcama.”

Qullan Arunaca

¹⁰ Jupanacjjarusti guerranacampi, mach'anacampi, cunayman usunacampwa apayaniraquëjja, cawquïri oraktejj jupanacaru nayra awquinacaparusa churcta ucanjja jan maynisa kheparañapcama.”

Jeremías 24:10 Jak'a apnaqawi uñst'ayäwi

1 Reyes 14:15

Jichhürut uksarusti Tatitux Israel markar t'aqhisiyaniwa, kunjämtix wali jalir jawirax mä quqar qatatki ukhama. Aka suma uraqi nayra awkinakapar jupax churkän ukxa, apaqxaniwa, ukatsti Éufrates jawirat juk'amp khuriruw jaqunukuni, Astarté idolon lantinakap luratanakapata, ukampi Tatitur q'apisiyatap layku.

Isaías 51:19

Aka pä jan walt'añaw jumxarux juti, markamax tukjata, lunthatjataw uñjasi, ukatsti jaqinakamax nuwasïwin manq'atjam jiwarapxi. ¿Khitirak jumat khuyapt'ayasïtamsti? ¿Khitirak chuymachätamsti?

Jeremías 14:12

Qawqhas ayunasipkpan, janiw mayisitanakap ist'käti; qawqhas wilañchanaka, grano waxt'äwinakap apasinipkpan, janiw ukxa taqi chuymampi katuqkäti. Nuwasiñampi, mach'ampi, kunayman usunakampiw jupanakarux tukjarakï.”

Jeremías 15:2

Ukattix jiskt'apxätam: ‘¿Kawkirus sarapxä?’ sasa, ukatsti nayan sutixar akham sarakim: “ ‘Usumpi jiwarañatak wakichatanakaxa, usumpi jiwarapxpan; nuwasïwin jiwarañatak wakichatanakasti, nuwasïwin jiwarapxpan; manq'atjam jiwarañatak wakichatanakaxa, manq'atjam jiwarapxpan; jayar apatäñatak wakichatanakasti, jayar apatäpxarakpan’ sasa.

Jeremías 16:4

Jan qullkaña usunakampiw jiwarapxani, janiw khitis jupanakat jachkaniti, janirakiw khiti imt'iris utjkaniti; q'añu t'unanakjam uraqin wartatäpxaniwa. Nuwasiñampi, manq'at jiwarañampiw jupanakar tukjani, janchinakapasti siwiq'aranakana, monte animalanakan manq'antatarakïniwa” sasa.

Jeremías 19:7

Aka chiqan Judá uraqimpina, Jerusalén markampin amtatanakapsa t'unjä. Uñisirinakapampi atipjayasaw jiwarayä, jiwat janchinakapasti siwiq'aranakana, monte animalanakan manq'apäniwa.

Jeremías 21:9

Aka markar qhiparirinakax, nuwasïwina, jan ukax manq'atjama, jan ukax usumpiw jiwarapxani. Ukampisa, kawkïrinakatix babiloniankirinakar katuyasxapxani ukanakasti, janiw jiwarayatäpkaniti.

Jeremías 27:8

Kawkïr markanakatixa, jan ukax reyinakas Nabucodonosor reyimpi jan apnaqayasiñ munkani ukanakarux, nayaw nuwasiñanakampi, mach'anakampi, kunayman usunakampi mutuyarakï, taqinis jupan apnaqatäñapkama. Naya, Tatituw uk arsta”.

Jeremías 29:17

‘Naya taqi ch'aman Tatitusti sistwa: Jumanakarux nuwasiñanakampi, mach'ampi, kunayman usunakampi apayanipxäma. Jumanakax ñusantat higor uñtatäpxätawa, ukham ñusantatätapatxa jan manq'kañjamaraki tukuyapxäma.

Jeremías 29:18

Nayasti nuwasiñampi, mach'ampi, kunayman usunakampiw arknaqapxäma. Taqi aka uraqinkir markanakampisti axtasiyapxämawa, taqinin uñjkañ jumanakarux ñanqhachapxäma, mä p'inqa tukjapxarakïma, kawkïr markanakarutix apanukut uñjasipkäta ukansti jumanakax axsarkaña, mulljaskañäpxarakïtawa.

Jeremías 32:24

“ ‘Jichhasti Babiloniankir soldadonakax Jerusalén markar nuwantañatakiw wal wakicht'asipxi; nuwasiñampi, mach'ampi, kunayman usunak laykuw markax uñisirinakan amparapar purini. Tatay, kunjämtix jumax yatiykta ukanakaw phuqhasiski.

Jeremías 32:25

Tatay, ukampis jumax qhanañchirinak nayraqatansa, uka uraqi “alam” saskakistawa, markax babilonionakan amparapar purirjamäkchi ukasa.’ ”

Jeremías 34:17

Ukat naya, Tatitux arsta: Jumanakax janiw nayarux ist'apkistati, kawkïr marka masinakamatix t'aqhisita taqi kun luras sarnaqasipki ukanakarusti janirakiw antutapktati; ukatpï jichhax nayax nuwasiñampiru, kunayman usunakampiru, mach'ampir antutkatapxämaxa, ukanakasti jumanakarux taqi aka markanakatakis wali axsarkañ tukuyapxätam. Naya, Tatituw uk arsta.

Jeremías 42:17

Taqi khitinakatix Egiptor sarxañ munapki ukanakasti, uka pachpa markan nuwasïwin jiwarapxani, manq'atjama, kunayman usunakampiw jiwarapxani; janirakiw maynis kuna jach'a t'aqhisiñtix apayankä ukat qhispipkaniti.’

Jeremías 42:22

Ukhamasti, jichhax sum yatipxam, kawkïr uraqirutix jakir sarapkäta ukanxa, nuwasiñanak utjatap layku, manq'atjam jiwarañ utjatap layku, kunayman usunakan utjatap laykuw jumanakax jiwarapxäta.”

Jeremías 5:12

Israel markampi, Judá markampix Tatitur jan uñt'iriw tukupxi; sapxarakiwa: “Janiw Diosax utjkiti. Janiw kuna jan walis jiwasxarux jutkaniti, janirakiw nuwasiñasa, mach'as utjkaniti” sasa.

Jeremías 9:15

15 (14) Ukatpï naya, taqi ch'amani Tatitu, Israelan Diosapax arstxa: Jupanakarux thujsantat manq'a manq'ayä, jiwayir uma umantayarakï.

Jeremías 9:16

16 (15) Ukatsti kawkïr markanaktix awkinakapasa, jupanakasa jan uñt'apki uka markanakaruw ananukurakï; espadas ayt'ataw jupanakar arknaqayä, taqinin jiwarañapkama.”

Ezequiel 33:27

“Jupanakar sarakim: ‘Tatitux akham siwa: Naya, Tatituw sutix layku arsta, t'unjata markanakan jakirinakax jiwarayataw uñjasipxani, pampan utjirinakarusti montenkir animalanakaw manq'antani, qarqanakana, qarqa p'iyanakan jakirinakasti kunayman usumpiw jiwarapxani.

Ezequiel 6:11

Tatitusti saskakituwa: “Amparanakam t'axllisim, kayunakam takisim, Israel markan axtaskañ juchanak luratapat wararim, uka markasti nuwasiñ utjatapata, kunayman mach'anak utjatapata, usunak utjatapat jiwarani.

Ezequiel 7:15

Marka anqäxan qhiparirinakasti, nuwasïwin jiwarapxani, marka manqhan qhiparirinakasti manq'atjama, kunayman usunakampiw jiwarapxarakini.

Deuteronomio 28:21

Kawkïr uraqtix katkäta uka chiqanxa Tatituw axsarkañ usuñanak jumar tukjañatak apayanini.

Apocalipsis 6:8

Uñtasinsti mä q'illu caballo uñjarakta. Uka caballor lat'xatatäkän ukan sutipasti “Jiwaña” satänwa, jupan qhipapsti manqha pachan jilïripaw arkäna. Ukatsti panpachaniw munañanïñ kankañ katuqapxäna, akapach uraqin jaqinakar chikatan chikatapar jiwayañataki, nuwasiñanak tuqi, mach'anak tuqi, usunak tuqi, qhuru animalanak tuqi.