Jeremías 23:9 - Qullan Arunaka DC

⁹ Profetanakxat arunaka: Tatituw mä aski yatiyäw churitu, ukat chuymaxax mayjt'at jikxatasi, janchixasti wal khathatiraki, machat jaqir uñtatätwa, vinompi q'ala machjatäkiristsa ukhama.

Aymar Bibliia 1986

⁹ Profetanac toketa arunaca: Chuymajjanjja mayjt'atapunïtwa, janchejjasti wal qhathatiraqui, machata jaker uñtatätwa, vinompi k'ala atipjatäquiristsa uqhama, Tatitun arunacap laycu, uqhamarac Tatitu laycu.

Qullan Arunaca

⁹ Profetanac toketa arunaca: Chuymajjanjja mayjt'atapunïtwa, janchejjasti wal qhathatiraqui, machata jaker uñtatätwa, vinompi k'ala atipjatäquiristsa uqhama, Tatitun arunacap laycu, uqhamarac Tatitu laycu.

Jeremías 23:9 Jak'a apnaqawi uñst'ayäwi

Salmos 60:3

3 (5) Markamarux jach'a yant'anakampiw t'aqhisiytaxa, luqhiptayir vino umantayapxistaxa.

Salmos 69:20

20 (21) Jaqin tuqitanakapax chuymaxaruw t'unanti; jan ch'amanipuniw uñjasta. Inamayakiw nayar khuyapt'ayiri, nayar chuymacht'iri thaqta.

Isaías 28:1

¡Ay Samaria marka, Israel markan jach'a jach'a tukuñapa, machantat marka; ankuntat panqaranakampiw k'achachasta, uka suma qhirwan utjasiri marka, jaqinakapas vino umañamp atipjatanaka!

Isaías 29:9

¡Jumanakasti, profetanaka, luqhikïsipkam! ¡Jan kuns uñjas juykhukïsipkam! ¡Machantatanakjam liwinaqtasipkakim, janisay vino umapksta ukasa!

Isaías 51:21

Ukatpï, Jerusalén markankirinaka, akanak ist'apxam, jumax machjatätawa, ukampis janiw vinompi machjatäktati;

Isaías 6:5

Nayasti sarakïyätwa: “¡Ay, kunakïkan nayatakixa, jichhax jiwapunïwa! Nayraxampiw taqi ch'amani Tatitu Reyirux uñjta, nayasti jucharar jaqïtwa, jucharar jaqinak taypin jakarakta” sasa.

Jeremías 20:9

Nayatix siristxa: “Janiw juk'ampi Tatitut amtkxäti, janirakiw jupan sutipatsa parlkxäti” sasa, ukapachasti arunakamax chuymaxan ninjamaw nakhantitu, ch'akhanakaxamppach nakhantitu. Janiw arunakam parlkxäti sistwa, ukampis janiw amukt'añjamäkiti.

Jeremías 36:16

ist'asinsti ukspachaw axsarthapipxäna, ukat maynit maynikam uñkatasisin sapxarakïna: —Taqi akanaksti reyix yatiñapawa —sasa.

Jeremías 5:31

Profetanakax k'arikamak yatiyapxi, sacerdotenakasti kuntix munapki uk yatichapxi, amuyatax markaxax ukanakampi k'uchikjamakiwa. Ukampis uka jan walt'añax purinkani ukkhasti, janiw khitis yanapt'kaniti.’ ”

Jeremías 8:18

Chuyma usuyasitaxax janiw qullañjamäkxiti, chuymaxas käwkst'arakituwa.

Jeremías 9:1

1 (23) ¡Nayranakaxan jachapax mä uma jalsjamakïspa, walja jalir umanakjama, ukhamata markaxan jiwarat jaqinakata uruy aruma jachañaxataki!

Lamentaciones 3:15

Tatitux jachañanakampiw phuqhantitu; k'allk'u uma umañ churitu.

Ezequiel 13:3

¡Ay kunakïkan uka pisi chuyma luqhi profetanakatakixa, jupanakax pachpa amtatanakaparukiw arkapxi, janiw chiqpach unañchäwi uñjapkiti!

Ezequiel 9:4

juparusti sarakïnwa: “Jerusalén marka muytam, ukatsti uka markan jan wali luräwinakap layku llakt'ata jikxatasir jaqinakan parapar mä chimpu uchäta” sasa.

Daniel (hebreo) 8:27

“Naya, Danielasti, ch'ama thayjtataw uñjasïyäta, walja urunakaw usuntat jikxatasirakïyäta. Uka qhipatsti wasitat marka apnaqäwin lurañanakap luraskakïyäta. Ukampis kuna unañchäwtix uñjkäyäta ukanakan jan amuyt'añjamätapatxa, wali llakitapuniw jikxatasïyäta.

Habacuc 3:16

Taqi ukanak ist'asax wal axsarayasta. Laka ispillunakaxas wal khathatiraki, kayunakaxas janiw sayt'asiñatakix ch'amanïkxiti, taqi janchixas janirakiw ch'amanïkxiti. Ukhamäkipansa, jan axsarañampiw suyt'ä, Tatitux jiwasanakar t'aqhisiyirinakar mutuykani ukapachkama.

Romanos 7:9

Nayax mä qawqha pachax kamachi jan uñt'asax, sumakiw jakäyäta; ukampis kamachin purinitapampix juchax wasitat jakatati,