Jeremías 23:6 - Qullan Arunaka DC

⁶ Uka reyin apnaqäwipansti, Judá uraqix qhispiyatäniwa, Israel markas taqi jan walit jark'aqataw jakasini. Aka sutimpiw sutichapxani: ‘Tatituw jiwasan atipjirisaxa’ ” sasa.

Aymar Bibliia 1986

⁶ Uca reyin apnakañapcamasti Judá orakejj khespiyatäniwa, Israelas take jan walit jarc'akataw jacasini. Aca sutimpiw sutichapjjaraquini: ‘Tatituw jiwasan atipjirisajja’ ” sasa.

Qullan Arunaca

⁶ Uca reyin apnakañapcamasti Judá orakejj khespiyatäniwa, Israelas take jan walit jarc'akataw jacasini. Aca sutimpiw sutichapjjaraquini: ‘Tatituw jiwasan atipjirisajja’ ” sasa.

Jeremías 23:6 Jak'a apnaqawi uñst'ayäwi

1 Reyes 4:25

25 (5) Salomón reyin jakañapkamax Judá markankir jaqinakampi, Israel markankir jaqinakampix sumakiw jakasipxäna, Dan uraqit qalltasina Beerseba uraqkama. Jupanakax uva yapunaka, higo yapunak yapuchasipxäna.

Salmos 45:5

5 (6) Mich'inakamax wali arinakawa, markanakax jumaruw makhatxapxtam, reyimpi timasirinakax axsarayasxiwa.

Éxodo 9:26

Ukampis Gosen uraqirux, kawkhantix israelitanakax jakapkän ukkharux janiw mä chhijchhis purkänti.

Isaías 2:4

Tatit pachpaw taqi markanakarus chiqapar uñjani, juparakiw walja markanakaru, wali jayankir markanakarus ch'axwatanakap taripani. Espadanakapxa qhulliñatak armanakaruw tukuyxapxani, lanzanakapsti yawthapiñatak jusinakaruw tukuyxarakini. Janiw kawkïr markas yaqha markamp nuwantasiñatakix wakichaskxaniti, janirakiw nuwasiñatak yatichäwinaksa katuqxapxaniti.

Isaías 32:1

Mä reyiw utjani, jupasti chiqaparuw apnaqani, marka apnaqirinakasti chiqa uñjäwimpiw apnaqapxarakini.

Isaías 32:18

Markaxasti mä suma samarañ chiqan jakani, suma utanakana, samarañas utjki uka utanakana,

Isaías 33:22

Asiria barcon phalanakapasti janiw suma jiyantatäkiti, velop uskuñ lawapasti uksar aksaruw liwinki. Uka qamir kankañanakap q'al aparañäni, juykhus kunatix jupar wakt'ki uk katuqani, suchunakasti aparañaruw uskusipxani. Tatituw chiqapar uñjirisaxa, jiwasan reyisasa, jupaw qhispiyistani.

Isaías 33:5

Tatitux jach'a munañaniwa, alaxpachan jakirirakiwa; jupaw Jerusalenarux chiqa kankañampi chiqa uñjäwimpi phuqhanti,

Isaías 35:9

Ukan janiw leonanakax utjkaniti, janirakiw yaqha monte animalanakas jak'achasinkaniti. Qhispiyatanakaw uka thakhinjam kuttanxapxani,

Isaías 42:6

“Naya Tatituw jumarux jawssma, amparatarak wayxarsma, ukhamat jumax qhispiyasiñ apañamataki; nayaw jumarux sayt'aysma, markaxampi arust'äwiru mantataxatxa, juman mä chimpüñam munarakta, markanakatakis mä qhanäñamarak munta.

Isaías 45:17

Ukampis Israel markarux Tatituw qhispiyi, wiñayatakiw qhispiyi, janirakiw jupax p'inqachatasa, jisk'achatas uñjaskxaniti.

Isaías 54:17

ukampis jumar tukjañatakix janiw khitis nuwasiñ yänak lurkiti. Jumar juchañchapkätam ukanakarux amukt'ayätawa. Nayar arkapkitu ukanakarusti atipt'añ churta”. Tatituw ukham arsu.

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Jeremías 29:11

Nayasti kuna amtäwinakatix jumanakatak utjkitu ukanak yatiraktwa, uka amtäwinakasti janiw jumanakan jan walt'apxañamatakïkiti, jan ukasti, jumanakan askimatakiwa, ukhamat qhipa urunakanxa suma suyt'äwinakan phuqhantat jakasipxañamataki. Naya, Tatituw uk arsta.

Jeremías 30:10

“Naya, Tatituw arsta: Israel marka, nayan luqtirixa, jan axsaramti. Jumampiru, wawanakamampirux Babilonia markan t'aqhisiyañanakat nayaw qhispiyapxäma. Ukatsti jan khitin mulljayata sumakiw jakasxapxäta.

Jeremías 31:23

Israelan Diosapa, taqi ch'aman Tatitux siwa: “Kunapachatix nayax Judá markankir jaqinakan sarnaqäwip sumar tukuyxä, ukat jupanakax wasitat uraqipankxani, markanakapankxani ukkhax wasitat sapxani: ‘¡Tatituy Jerusalén markan utjir Tatitun utaparu, askinakampi phuqt'pan, kawkhantix chiqa kankañax utjki ukaru!’

Jeremías 32:37

Nayaw jaqinakaparux taqi markanakat anthapinxä, kawkïr markanakarutix nayax jupanakatak sinti phiñasitäkäyät ukapacha ananukkäyät ukanakata. Nayasti jupanakarux aka pachpa uraqiruw kuttayanxä ukan k'uchik jakasxapxañapataki.

Jeremías 33:15

Uka uru purinkani ukapachasti, Davidan mayni wawaparuw reyit utt'ayä, juparakiw aka markarux chiqa kankañampi, aski lurañampi apnaqani.

Jeremías 33:16

Uka urun Judá uraqix suman jikxatasini, Jerusalén markasti jan khitin kun sataw jakasirakini. Ukat aka sutimpi sutichatarakïni: ‘Tatituw jiwasan atipjañasaxa’ sasa.

Ezequiel 21:27

27 (32) Aka markarux q'al t'unjä, t'una qullükaspas ukham mayjar t'unthapit tukuyarakï. Taqi akanakasti Babiloniankir reyix jutkani ukkhaw ukham lurasini. Juparuw ukham lurañapatak mayirakta.’

Ezequiel 28:26

Ukan jupanakax suma samart'at jakasipxani, utanak utachasipxani, uva alinaksa ayrusipxarakini. Nayaw Israelar jisk'achiri uka taqi jak'ankir markanakarux juchañcharakï. Ukapachaw yatisini, nayan Israelan Tatitu Diosapätaxa” sasa.

Ezequiel 38:14

“Ukhamasti Gog jilïrirux nayan sutixar parlam akham sasa: ‘Tatitux akham siwa: Israel markaxax k'uchiki jakasiskani ukapachaw jumax markamatpach jupanakar tukjir sarantäta,

Ezequiel 48:35

Marka muyta pirqasti taqpachax sayt'urux llätunka waranqa metronïniwa, akat uksarusti uka markan sutipax: ‘Tatitun Utapa’ satäniwa.”

Daniel (hebreo) 9:24

“ ‘Paqallq tunka semanaw mäkipañapa, markaman jakirinakamxaru, qullan markamxaru, mutuyäwinakan tukusxañapataki, ñanqha luräwinakat pampachäwi jikxatañataki, wiñayatak aski kankañ utt'ayañataki; unañchäwimpi profecía arunakampi phuqhasiñapataki, Qullan utax q'umachata luqtatäxañapataki.

Daniel (hebreo) 9:7

Jumax Tatay, chiqapapunïtawa, jichhürusti nanak judionakax wali p'inqa tukupxta; Jerusalén markan jakirinaka, taqpach Israel markankirinaka, jak'ankirinaka, jayankirinaka; kawkha markanakarutix jumax, jumataki sayt'asipxatap layku ananukkta ukan jakirinaka.

Oseas 1:11

11 (2) Ukapachaw Israel markankir jaqinakampi, Judá markankir jaqinakampix mayacht'asxapxani, mä sapa jilïr irpirik utt'ayasxapxani, taqi tuqitsa Jerusalén markarkamaw kuttanxapxani. ¡Uka urusti wali jach'a urupunïniwa!

Oseas 1:7

Ukampisa, Judá markatxa khuyapt'ayasïwa, naya kipka Diosaparakiw qhispiyä. Ukatakisti janiw nuwantañax wakiskaniti, janirakiw kuna espadanakasa, caballerianakasa munaskaniti.”

Oseas 2:18

18 (20) “Khä urunsti, Israel markatakix, pampankir laq'unakampi, jamach'inakampi, katarinakampix mä suma arust'äwiruw mantä, aka markatsti, nuwasiñ yänakap aparasin q'al t'unthapï, ukhamat markaxax samart'at sarnaqasxani.

Abdías 1:17

Ukampis Sión qullux mä qullana chiqawjäniwa, ukaruw yaqhipanakax jaltxapxani. Jacobun wawanakapasti uraqinakap wasitat kutkatayasxapxani;

Abdías 1:21

Jupanakasti taqiniw Sión qullur makhatapxani, atipjir markjama; jach'a jach'a tukuri Edom markarux jupanakaw apnaqani, ¡nayasti, reyipäyäwa!

Sofonías 3:13

Israel markan jilt'iri jaqinakasti, jan wali luräwinakxa janiw lurkxapxaniti, k'arisiñsa apanukxapxaniwa, jupanakax sallqa arunaksa janiw parlkxapxaniti. Jupanakax jan kun axsarasaw manqt'asipxani, samart'apxarakini” sasa.

Zacarías 10:6

Tatitux siwa: “Nayätwa Israelan Tatitupaxa, markaxan mayisitanakap ist'araktwa. Nayaw Judá wila masit saraqirinakarux ch'am churä, José wila masit saraqirinakarusti nayaw qhispiyarakï. Wasitat uraqiparux irpxä, jupanakat khuyapayasitax layku. Janis jupanakar apanukkiriskäyäta ukham jichhax amuyasxapxani, jupanakar khuyapayasiñax uñacht'ayä.

Zacarías 3:10

Uka urux purinkani ukapachasti, jumanakax maynit maynikamaw jawsayasipxäta, uva alinakana, higo quqanakan ch'iwipan suman qamart'añataki. Naya, taqi ch'aman Tatituw arsta.’ ”

Romanos 3:22

Jesucristor iyawsañ tuqiw Diosax iyawsirinakar aski jaqir tukuyi. Janiw yaqha yaqhäñax utjkiti:

1 Corintios 1:30

Jumanakarusti Dios kipkaw Cristo Jesusampi mayachapxtam, uka kipkarakiw jupax Cristo tuqi jiwasan yatiñ kankañasa, chiqa kankañasa, qullanaptayir kankañasa, qhispit kankañasa tukuyi.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Filipenses 3:9

jupampi chikt'ata jikxatasiñaxataki; janiw kamachirjam chiqa kankañ jikxatatax laykuti, jan ukasti, Cristor iyawsatax laykuwa, kuntix Diosax jupar iyawsirinakar churki uka.