Jeremías 23:4 - Qullan Arunaka DC

⁴ Awatirinak jupanakar awatiñapatak uskurapï, jan kunsa axsarapxañapataki, janirak maynis chhaqhañapataki. Naya, Tatituw uk arsta.”

Aymar Bibliia 1986

⁴ Awatirinacwa jupanacaru awatiñapataqui uscurapï, jan cunsa ajjsarapjjañapataqui, ni maynisa chhakhañapataqui. Naya Tatituw ucjja arsta.”

Qullan Arunaca

⁴ Awatirinacwa jupanacaru awatiñapataqui uscurapï, jan cunsa ajjsarapjjañapataqui, ni maynisa chhakhañapataqui. Naya Tatituw ucjja arsta.”

Jeremías 23:4 Jak'a apnaqawi uñst'ayäwi

Isaías 11:11

Uka urunakanxa, Tatitux wasitat ch'amap uñacht'ayani, markapat jilt'irinakarusti akïr markanakat kuttayanxani: Asiria, Egipto, Patros, Etiopía, Elam, Sinar, Hamat, ukhamarak quta tuqinkir markanakatsa.

Jeremías 30:10

“Naya, Tatituw arsta: Israel marka, nayan luqtirixa, jan axsaramti. Jumampiru, wawanakamampirux Babilonia markan t'aqhisiyañanakat nayaw qhispiyapxäma. Ukatsti jan khitin mulljayata sumakiw jakasxapxäta.

Jeremías 31:10

“Markanaka, Tatitun arunakap ist'apxam, jach'a quta jaya thiyanakan yatiyapxam: ‘Tatitux Israel markarux ananukünwa, ukampis jichhax tantachthapxaniwa, ukatsti sumarak uñjani, awatirir uñtataw ovejanakap sum uñjasxani” sasa.

Jeremías 33:26

janipuniw Jacobun wawanakaparuxa, David luqtirixan wawanakaparus apanukkäti, jupanak taypitsti, Abraham, Isaac, Jacob chachanakan wawanakaparu apnaqañapatakiw utjayarakï. Nayaw jupanakat khuyapayasisax, kawki yaqha markar apanukutäpkäntix uka markat kuttayanxarakï.”

Ezequiel 36:11

Jumanakan jaqinakamarusa, uywanakamarus waljaptayapunïwa. Nayra urunakanjam waljani tukxapxäta, qalltat sipan juk'ampi askin sarnaqxapxarakïta. Ukapachaw yatipxäta, nayan Tatitütaxa.

Levítico 26:9

Jumanakarusti sum uñjapxäma, waljaniruw tukuyapxarakïma; jumanakampi arust'äwi lurataxsti phuqhapunïwa.

Miqueas 4:4

Ukapachasti taqinis jan axsarasaw jakasipxani, sapa mayniw uva, higo alin ch'iwipana samart'asxarakini. ¡Aka arunakasti taqi ch'aman Tatitun kipka arunakapawa!

Miqueas 5:2

2 (1) Jumasti, Belén Efrata, Judá uraqinkir markanakatxa jisk'akïtawa, jumat Israel markar mayni apnaqirix mistuni, ukasti nayra wila masinak taypit saraqiriwa.”

Miqueas 7:14

¡Tatitu, markamarux uñjamaya, juman ovejanakamawa, suma uraqinakan muyuntatäkasinsa, jupanakax ch'umi manqhanakanjam jikxatasipxi! Jumästaxay nanakan awatirixaxa, nayra pachanakanjamay irpapxita, Basán, Galaad uka chiqankir suma chhuxllanakaru.

Sofonías 3:13

Israel markan jilt'iri jaqinakasti, jan wali luräwinakxa janiw lurkxapxaniti, k'arisiñsa apanukxapxaniwa, jupanakax sallqa arunaksa janiw parlkxapxaniti. Jupanakax jan kun axsarasaw manqt'asipxani, samart'apxarakini” sasa.

Números 31:49

juparuw sapxäna: —Nuwasïwir sarir israelita soldadonakaruw nanakax jakthapipxta, jupanakax phuqhatpachäskiwa.

Juan 17:12

Kunapachatix akapachan nayax jupanakampïkäyätxa, churkista uka ch'amani sutimampiw jupanakarux imäyätxa. Janiw jupanakat maynis chhaqkänti, jan ukasti chhaqhañapäkän ukakiw chhaqxäna, kunjämtix Qillqatan siski ukarjam phuqhasiñapataki.

Juan 18:9

Ukasti, kunjämtix Jesusax siskän ukarjamaw phuqhasiskäna: “Katuykista ukanakat janiw maynis chhaqkiti” sasa.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.