Jeremías 23:25 - Qullan Arunaka DC

²⁵ “Uka k'ari profetanakan parlatanakap nayax ist'twa, jupanakax nayan sutixaruw parlañ munapxi, samkanak tuqsa nayampis parlapkaspa ukham parlapxi.

Aymar Bibliia 1986

²⁵ “Uca c'ari profetanacan parlatanacapjja nayajj ist'twa, jupanacajj nayan sutejjaruw parlañ munapjje, samcanacap toksa nayampis parlapcaspa uqhamwa parlapjje.

Qullan Arunaca

²⁵ “Uca c'ari profetanacan parlatanacapjja nayajj ist'twa, jupanacajj nayan sutejjaruw parlañ munapjje, samcanacap toksa nayampis parlapcaspa uqhamwa parlapjje.

Jeremías 23:25 Jak'a apnaqawi uñst'ayäwi

Génesis 37:5

Mä kutix, Joseax mä samka samkasitayna, uksti jilanakaparuw yatiyäna; jilanakapasti juk'amp uñisxapxäna,

Génesis 37:9

Uka qhipatsti Joseax yaqha samkampi samkasirakïna, uksti jilanakaparux yatiyarakïnwa: —Yaqha samka samkasirakiktwa. Ukansti intimpi, phaxsimpi, tunka mayan warawarampix nayatak alt'asiskir uñjta —sasa.

Salmos 139:2

jumaw qunt'ataxsa, sartataxsa yattaxa; lup'itanakaxsti jayatpach amuytaxa.

Salmos 139:4

Tatay, janïraw kuns arskti ukkhaw jumax taqpach yatxtaxa.

Jeremías 13:27

Jan wali amtatam uñjtwa, wachuqa jucha luratamsa uñjtwa, mä p'inqa yaqhanakampi sarnaqatamsa, qullu patanakana, pampanakana axtaskañ luräwinak luratamsa uñjaraktwa. ¡Ay Jerusalén, kunakïkan jumatxa! ¿Kunapachkamarak ukham sarnaqätasti?”

Jeremías 14:14

Ukatsti Tatitux sarakituwa: “Uktix profetanakax nayan sutixar sasipkchixa, ukham parlatanakapampix k'arisipxiwa. Janiw nayax jupanakarux khithankti, janiw ukham sapxañapatakis maykarakkti, janirakiw jupanakarux kunsa siskaraktti. Ukanakax k'ari yatiyäwinakawa, k'ari uñjäwinakak parlapxaraki, jupanakan amtatanakapar parlapxatapakiwa. Ukanakpï uka profetanakax yatiyapxtamxa.

Jeremías 16:17

Nayasti taqi jupanakan luratanakap uñjtwa; janiw kuna luratanakapas nayat imt'askiti, juchanakapas janirakiw nayan nayraqataxat imt'askaspati.

Jeremías 23:28

¡Mä profetatix mä samka samkaschi ukaxa, qhanak sispan mä samkakïtapa, ukampis arunakaxtix katuqchi ukasti, kunjämtix katuqki ukhampach yatiypan! Trigo jipimpi trigo achumpix janiw mayakïkaspati. Arunakaxax ninjamawa, qarqanak jisk'a jisk'a tukjir martilljamawa. Naya, Tatituw uk arsta.

Jeremías 23:32

Nayax kawkïr profetanakatix uka k'ari samkanakap parlasax markaxar maysar saranukuyapxi ukanakatakiw sayt'ta. Janiw nayax jupanakar khithankti, janirakiw kuna arunaksa churkaraktti, ukhamasti jupanakax janiw markaxarux yanapt'apkaspati. Naya, Tatituw uk arsta.

Jeremías 27:10

Kuntix jupanakax jumanakar sapktam ukanakax k'arikamakiwa, jumanakatix jupanakar ist'apxäta ukkhasti, yaqha markanakar katuntat apayatäpxätawa, uka markan jiwarapxarakïta.

Jeremías 27:15

Tatitusti sarakiwa: ‘Janiw nayax jupanakarux khithankti’ sasa, jupanakasti inakiw Tatitun sutipxar parlasipki. Uka k'ari profetanakax Tatitun jumanakar aka uraqit jaqunukuñapak munasipki, ukatsti uka k'ari profetanakasa, jumanakasa taqiniw jiwarapxäta” sasa.

Jeremías 29:23

Taqi ukanakaw jumanakampix lurasini, Israel markan sinti jach'a juchanak lurapxatam layku: jaqi masiman warmipampiw jumanakax wachuqa jucha lurapxtaxa, ukatsti kuntix nayax jan sapksma ukanakarak nayan sutixar parlapxtaxa. Nayax uk sum yatta, naya kipkaw uñjta. Naya, Tatituw uk arsta’ ” sasa.

Jeremías 29:8

Naya, Israelana Diosapa, taqi ch'amani Tatituw iwxt'apxsma: Jumanak taypin jakir profetanakampi, yatirinakampis jan sallqjayasipxamti; kuna samkanakapat parlapki ukanaksa jan ist'apxamti.

Jeremías 8:6

Taqi chuymaw ist'askarakïyäta, ukampis janiw maynis chiqpach arsurix utjkiti, janirakiw khitis ñanqha luratapat chuymay sirix utjkiti. ¡Janiw khitis nayaw ñanqha lurtxa sirix utjkiti! Taqinis kuntix munapki uk lurapxaraki, antutt'at caballonakar uñtataw uksa aksa jalanaqapxi.

Lamentaciones 2:14

Kuna unañchäwinaktix profetanakamax yatiykäyätam ukanakax k'arikamakïnwa. Juchanakam janiw qhanañchapkäyätamti, ukhamat juman kuttanxañamataki, k'ari unañchäwinak jumarux yatiyapxäyätam, ukanakarusti jumax iyawsarakïyätawa.

Ezequiel 22:28

Profetanakax kunatix chiqapäki uk imt'apxi, kunjämatix mä jaqix pirqa janq'ur tukuykix ukhama; jupanakasti unañchäwinak uñjapxta sapxiwa, ukampis uka parlatanakapax k'arikamakiwa. Jupanakax nayan sutixaruw parlapxi ukampis janiw nayax jupanakar kunsa parlkti.

Joel 2:28

28 (1) “Taqi akanak qhipatsti, nayax jaqinakxaruw ajayux khithanï; yuqanakamasa, phuchhanakamasa, nayat parlapxani, chuyman jaqinakasti samkanak samkasipxani, waynanakasti jutir urut unañchäwinak uñjapxarakini.

Zacarías 13:3

Ukhamasti, kunapachatix maynix jutir urunakat arsuñ munkani ukkhaxa, awkinakap kipkaw sapxani: ‘¡Jumax jiwätawa, k'ari arunakam Tatitun arupawa sas parlañ munatamata!’ sasa. ¡Khitinakatix profetätwa sasa sarnaqkani ukanakarusa, awkinakap pachpaw cuchillompi chhuqhuntas jiwayapxani!

Números 12:6

Tatitux jupanakaruw säna: “Ist'apxam kuntix sapkäm uka arunaka: Jumanak taypin mä profetax nayan arunakax yatiyir utjki ukapachax, nayaw jupampix unañchäwinak tuqi parlta, samkanak tuqi parlarakta;

Mateo 1:20

Ukham lup'iskiriruw, Tatitun angelapax samkan uñstäna, ukat sarakïna: “José, Davidan yuqapa, Mariar warmimat katuqañ jan axsaramti, yurkani uka wawax Qullan Ajay tuqiw utji.

Lucas 12:3

Ukhamax taqi kuntix ch'amakan arsupkta ukaxa, uru qhanan ist'asini; kuntix punku jist'antat jamasan arsupkta ukasti, uta patanakat art'atäniwa.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.