Jeremías 23:22 - Qullan Arunaka DC

²² Jupanakatix nayan amtatanakax yatipxasapän ukkhasti, markaxarux nayan arunakax yatiyapxasapänwa; jan wali thakhinakapatsa kuttayanipxasapänwa, ñanqha lurañanakapsa apanukuyapxarakisapänwa.”

Aymar Bibliia 1986

²² Jupanacatejj nayan amtatanacajja yatipjjasapän ucajja, nayan arunacajjwa marcajjarojj yatiyapjjasapänjja; jan wali thaquinacapatsa cuttayanipjjasapänwa, ñankha lurañanacapsa apanucuyapjjaraquisapänwa.”

Qullan Arunaca

²² Jupanacatejj nayan amtatanacajja yatipjjasapän ucajja, nayan arunacajjwa marcajjarojj yatiyapjjasapänjja; jan wali thaquinacapatsa cuttayanipjjasapänwa, ñankha lurañanacapsa apanucuyapjjaraquisapänwa.”

Jeremías 23:22 Jak'a apnaqawi uñst'ayäwi

Jeremías 23:14

Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Jeremías 23:18

Ukampisa, ¿khitis Tatitun tantachäwipankänxa? ¿Khitis arunakap ist'i, juparus uñjaraki? ¿Khitis arsutaparux jaysi?

Jeremías 25:5

Uka profetanakasti jumanakarux sapxäyätamwa: ‘Jan wali sarnaqäwinakama, jan wali luräwinakam apanukupxam, ukhamat kawkïr uraqtix Tatitux jumanakarusa nayra awkinakamarus churkatayna ukan wiñayatak jakapxañamataki.

Jeremías 35:15

Jumanakan ukarusti, nayan profetanakaxarux mayamp mayampi khithanipxsma jumanakar sañapataki: ‘Uka jan wali sarnaqäwinakama, jan wali luräwinakam apanukupxam. Janirak yaqha diosanakan qhipapsa sarapxamti, ukanakarus yupaychapxamti, ukhamat kuna uraqtix nayax jumanakarusa, nayra awkinakamarus churkäyäta ukan jakasipkakïta’ sasa. Ukampis jumanakax nayan arunakaxarux janiw jaysapkistati, ist'apkarakistasa.

Jeremías 36:3

Inas ukhamat Judá uraqinkir jaqinakax kuna t'aqhisiñanaktix apayaniñ amtkta ukanak yatisin, jan wali luräwinakap apanukxapxchini, nayasti jupanakarux jucha luratanakapatsa pampachxarakirista” sasa.

Jeremías 9:12

12 (11) ¿Khitis wali yatiñani taqi akanak amuyt'añatakixa? ¿Khitirus Tatitux taqi akanak yatiyi mayninakar yatiyañapataki? ¿Kunatsa aka markax q'ala t'unjat uñjasi, mä wasarar uñtata waña, kawkhantix jan khitis sarnaqki ukhama?

Ezequiel 13:22

Jumanakasti k'arisiñanakamampix aski jaqinakarux llajlla tukuyapxtaxa, uk lurañsti janiw nayax munkäyätti, ñanqha lurir jaqinakarux juk'ampi jan wal lurapxañapatakiw ch'amachapxtaxa, ukhamat nayan mutuyäwixat jan qhispipxañapataki.

Ezequiel 13:5

Israel markar arxatañatakisti janiw kunsa lurapkiti, Tatitun urupax purinkani uka urun nuwasïwina sayt'asipxañapataki.

Ezequiel 18:30

Israelita jaqinaka, nayasti luräwinakamarjamaw sapaqat maynir uñjapxsma. Naya, Tatituw uk arsta. Ñanqha lurañanakam jank'ak apanukupxam, jumanak pachpa jan uka ñanqha luräwinakam layku jiwaraskañamataki.

Ezequiel 2:7

Jumax nayan arunakax jupanakar qhanañcham, ist'apxpasa janis ist'apkpan, jupanakax qallasir jaqinakawa.

Ezequiel 3:17

“Jaqin yuqapa, nayax Israel markan uñjiripat usksma. Nayax kunsa jumar yatiykäma ukkhasti, jank'akiw Israel markarux yatiyañama, ukhamat jupanakan taqi kunsa suma yatipxañapataki.

Amós 3:7

Tatitux janipuniw kunsa lurkaspati profeta luqtirinakapar jan yatiykasaxa.

Zacarías 1:4

Jan jumanakax nayra awkinakamjam lurapxamti, jupanakarusti nayra profetanakax parlapxirïnwa, jan wali sarnaqäwinakapa, jan wali luräwinakap jaytxapxañapataki, ukampis jupanakax janiw ist'añsa, jaysañsa munapkänti. Naya, Tatituw arsta.

Malaquías 2:6

Leví sacerdotex kunatix chiqapäki uk yatichäna, janirakiw lakapan ñanqha parlañax utjkänti. Nayampisti sumana, aski samarañan jakarakïna, waljanirurakiw jucha lurañat jithiqtayäna.

Hechos 20:27

nayax jumanakar jan kuns imt'asaw Diosan taqpach amtäwinakap yatiyapxsma.

1 Tesalonicenses 5:6

ukat mayninakjam jan ikiñasäkiti, jan ukasti taqi amuyusan p'arxtatäñasawa.