Jeremías 23:2 - Qullan Arunaka DC

² Israelan Tatitu Diosapasti, kawkïr awatirinakatix markap apnaqapki ukanakarux siwa: “Jumanakax ovejanakaxar ananukupxtawa, chhuktayapxtawa, janiw sum awatipktati. Jichhax walikiwa, nayax taqi jan wali luräwinakamat walpun mutuyapxäma. Naya, Tatituw uk arsta.

Aymar Bibliia 1986

² Israelan Dios Tatitupasti siwa; cawquïri awatirinacatejj marcapa apnakapqui ucanacarojja: “Jumanacajj ovejanacajj-jja ananucupjjtawa, jaltayapjjtawa, janiraquiw sum awatipctati. Jichhajj waliquiwa, nayajj take jan wali luräwinacamatjja walpunracwa mutuyapjjäma. Naya Tatituw ucjja arsta.

Qullan Arunaca

² Israelan Dios Tatitupasti siwa; cawquïri awatirinacatejj marcapa apnakapqui ucanacarojja: “Jumanacajj ovejanacajj-jja ananucupjjtawa, jaltayapjjtawa, janiraquiw sum awatipctati. Jichhajj waliquiwa, nayajj take jan wali luräwinacamatjja walpunracwa mutuyapjjäma. Naya Tatituw ucjja arsta.

Jeremías 23:2 Jak'a apnaqawi uñst'ayäwi

Éxodo 32:34

Jichhasti saramaya, kawkharutix sisksma uka chiqar marka irpam. Angelaxaw irpätam. Mutuyañ uru purinkani uka urusti, nayaw juchanakapat mutuyaskä —sasa.

Jeremías 10:21

Aka markar irpirinakax pisi chuymäpxiwa; janiw Tatiturux thaqtapkiti. Ukatpï aynacht'apxixa, jichhasti, jiwasanakax ananukut oveja tamar uñtatätanwa.

Jeremías 11:22

Taqi ch'aman Tatitux jupanakarux siwa: “Jumanakampix parlaskañäniwa. Yuqall wawanakamax nuwasïwin jiwarapxani, imill wawanakamasti manq'atjamaw jiwarapxarakini.

Jeremías 13:17

Jumanakatix jan ist'asipkätaxa, jach'a jach'a tukupxatamat jamasan jachä; nayranakaxatsti jachanakaw warasinini, Tatitun tamapar katuntat apasxatap layku.

Jeremías 13:20

Uñatatapxam, kunjämtix uñisirinakax amsta tuqit jutantki uka. ¿Kawkinkis nayax katuyksma uka tamaxa, kawkïr tamattix jumax jach'a jach'a tukkäyäta ukaxa?

Jeremías 13:21

“¿Kamsätas Jerusalén, kunapachatix juma pachpan yatichat jaqinakampi apnaqatäkäta ukapachaxa? Wawachasir warmin usunakapjamaw jutarakïtam.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 23:34

Ukampis yaqha profetatixa, yaqha sacerdotesa, jan ukax markankir yaqha jaqis parlanixa: ‘Tatitun iwxanakapawa’ sasa, juparusa, wila masiparus nayaw mutuyarakï.

Jeremías 44:22

Ukatpï Tatitux jan juk'ampi jumanakan jan wali luratanakam uñjañ munkxäntixa, uka luräwinakamasti juparux ñanqhacharakïnwa. Ukat jumanakan markanakamax q'ala t'unjata uñjasi, jan utjaskaya uraqir tukuraki; taqinin uñjkata ñanqhachata axsarkañaw tukxi.

Jeremías 5:29

¿Janit ukanakat mutuykästi? ¿Janit ukham jaqinakar juchap uñt'aykästi? Naya, Tatituw uk arsta.

Jeremías 5:9

¿Janit uka luratanakapat mutuykästi? ¿Janit ukham sarnaqir jaqinakar juchap uñt'asiykästi?

Jeremías 8:12

Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Ezequiel 34:5

Ovejanakaxasti jan awatirini uñjasisax, taqi tuqiruw aywitatawayxapxi, ukatsti qamaqinakaw manq'arxaraki.

Oseas 2:13

13 (15) Juparusti, yaqha diosanakar incienso luqtatapat mutuyä, nayar armanukusaxa, munirinakapar arkañatak surtijanakampi, wallqanakampi k'achachaskäna, taqi ukanakat mutuyarakï. Naya Tatituw uk arsta.

Miqueas 7:4

Jupanakat walïki ukasti mä ch'aphi alir uñtatawa; chiq lurirïki ukasti yaqha ch'aphi alir uñtatarakiwa. Ukampis luräwinakapat wayt'añ urux jutaskiwa, kuntix marka uñch'ukirix yatiykäyätam uka uruxa. Ukapachaw jupanak taypin mayjt'asiñax utjani.

Zacarías 10:3

Ukat Tatitux saraki: “Q'apisiñaxax awatirinakatakiw nakti, markaxar irpirinakarux mutuyarakïwa.” Naya pachpaw markaxar uñjasiskä. Judá markax jichhax mä oveja tamawa, ukampis jupanakarux nuwasïwinkir ch'amani caballonakjam tukuyarakï.

Zacarías 11:16

Nayasti aka markatakix mä awatir uchä, uka awatiristi jalanukuta ovejanakat jan yäqasirïniwa, chhaqhat ovejanak jan thaqhiri, chhuxriñchjatanak jan qullt'iri, t'ukhanakar jan manq'ayiri, jan ukasti suma lik'i ovejanakan aychapak chhuchhullinakamppach jan jilt'ayas manq'antani.

Mateo 25:36

Jan isinïyätwa, jumanakasti isi churapxista; usutäskäyätwa, jumanakasti tumpt'apxistawa; carcelankäyätwa, jumanakasti uñjt'iriw jutapxista’ sasa.

Mateo 25:43

qurpachasiñ thaqhaskäyäta, jumanakasti janiw qurpacht'apkistati; jan isinïyätwa, jumanakasti janiw isi churapkistati; usutäskäyätwa, jumanakasti janiw tumpt'apkistati; carcelankäyätwa, jumanakasti janiw uñjt'irix jutapkistati’ sasa.

Santiago 1:27

Dios Awkir q'uma chuymampi arkañax akanakawa: Wajchanakaru, ijmanakaru, llakitanakar yanapt'aña, ukatsti akapach q'añu lurañanakampix janirak q'añuchasiña ukawa.