Jeremías 23:18 - Qullan Arunaka DC

¹⁸ Ukampisa, ¿khitis Tatitun tantachäwipankänxa? ¿Khitis arunakap ist'i, juparus uñjaraki? ¿Khitis arsutaparux jaysi?

Aymar Bibliia 1986

¹⁸ Ucampisa, ¿qhitis Tatitun amtäwinacapjja yati? ¿Qhitis arunacapjja ist'araqui uqhamaraqui juparusa uñjaraqui? ¿Qhitis arsutaparojj ist'araqui?

Qullan Arunaca

¹⁸ Ucampisa, ¿qhitis Tatitun amtäwinacapjja yati? ¿Qhitis arunacapjja ist'araqui uqhamaraqui juparusa uñjaraqui? ¿Qhitis arsutaparojj ist'araqui?

Jeremías 23:18 Jak'a apnaqawi uñst'ayäwi

1 Reyes 22:24

Ukat Quenaaná chachan Sedequías yuqapax, Micaías profetar jak'achasisin ajanupat may t'axllintäna, ukat sarakïna: —¿Kawkinjamsa Tatitun ajayupax nayat mistuwayi, jumar parlañatakisti? —sasa.

2 Crónicas 18:23

Ukapachaw Quenaaná chachan Sedequías yuqapax Micaiasar jak'achasisin ajanupat t'axllintäna, ukatsti sänwa: —¿Kawki chiqaraki Tatitun ajayupasti jumamp parlañataki nayat mistusti? —sasa.

Job 21:22

Ukampisa, ¿khitirak Diosar yatichaspasti?, jupax alaxpachan utjirinakarus juchañchiwa.

Job 33:31

Job, jichhax amuyump ist'ita; arsutanakaxar amuk isch'ukim.

Salmos 25:14

Tatitux arkirinakapampix sum parlasi, jupanakarusti arust'äwir mantatap uñt'ayi.

Jeremías 23:22

Jupanakatix nayan amtatanakax yatipxasapän ukkhasti, markaxarux nayan arunakax yatiyapxasapänwa; jan wali thakhinakapatsa kuttayanipxasapänwa, ñanqha lurañanakapsa apanukuyapxarakisapänwa.”

Amós 3:7

Tatitux janipuniw kunsa lurkaspati profeta luqtirinakapar jan yatiykasaxa.

Juan 15:15

Janiw nayax jumanakar “uywatanaka” sas sutichapksmati, mä uywatax janiw uywiripan luratanakap yatkiti. Nayax jumanakarux “jila masinaka” sapxsmawa, kuntix Awkixax siskitu uk jumanakar yatiyatax layku.

1 Corintios 2:16

Qillqatan siwa: “¿Khitirak Tatitun amuyup uñt'aspasti? ¿Khitirak Tatitur yatichaspasti?” sasa. Ukampis jiwasanakax Criston amuyupanïpxtanwa.