Jeremías 23:11 - Qullan Arunaka DC

¹¹ Tatitux siwa: “Profetanakasa, sacerdotenakasa juchararkamakiwa, pachpa utaxan jan walinak lurasipkir jikxatta.

Aymar Bibliia 1986

¹¹ Tatitusti siwa: “Profetanacasa, sacerdotenacasa juchararcamaquïpjjewa, Pachpa templojjanwa jan walinac lurasipquiri jicjjataracta.

Qullan Arunaca

¹¹ Tatitusti siwa: “Profetanacasa, sacerdotenacasa juchararcamaquïpjjewa, Pachpa templojjanwa jan walinac lurasipquiri jicjjataracta.

Jeremías 23:11 Jak'a apnaqawi uñst'ayäwi

2 Crónicas 33:5

Jupax alaxpachan qhanirinakar jach'añchasaw Tatitun utapan paypach uta anqäxaparu yaqha altaranakamp lurayäna.

2 Crónicas 33:7

Ukhamarak Diosan utaparux yaqha diosar uñtasit luraykatayna uk uchayäna, uka tuqitsti Diosax Davidampiru, Salomón yuqapampirux sataynawa: “Israelan ayllunakap taypit Jerusalenankki uka uta ajllista, sutixan wiñayatak ukankañapataki.

2 Crónicas 36:14

Judá uraqinkir jilïrinakasa, sacerdotenakasa, marka jaqinakasa juk'amp jan walinak lurapxäna, jucharar markanakan axtkañ luräwinakap lurasa, ukhamarak Tatitun ajllit utap jan axsart'as takichasa.

Esdras 10:18

Sacerdotenakat yaqha markanakankir warminakamp jaqichasirinakax akanakänwa: Josadac chachan Josué yuqapan wawanakapa, ukhamarak wila masinakapata Maaseías, Eliézer, Jarib, Guedalías,

Jeremías 11:15

“Taqi uka jan walinak lurasinxa, ¿Israel munataxax kunsa nayan utaxan thaqhi? ¿Lik'i, aycha wilañcha luqtasati uka jan walt'añ jumat jayarst'ayani? ¿Ukhamatcha uka jach'a t'aqhisiñat jaltxäta?”

Jeremías 23:15

Ukatpï, naya taqi ch'aman Tatitux, uka profetanakatakix aka arunak arstxa: Jerusalenankir profetanaka, uka ñanqha lurañanak taqi markpacharuw aqantayapxtaxa, jumanakarux k'allk'u manq'a manq'ayapxäma; jiwayir qullan uma umayapxarakïma”.

Jeremías 32:34

Nayar katuyat utaxsa, uka axtaskañ yaqha idolonakap uchasisaw takisipxi.

Jeremías 5:31

Profetanakax k'arikamak yatiyapxi, sacerdotenakasti kuntix munapki uk yatichapxi, amuyatax markaxax ukanakampi k'uchikjamakiwa. Ukampis uka jan walt'añax purinkani ukkhasti, janiw khitis yanapt'kaniti.’ ”

Jeremías 50:6

“Markaxasti chhaqhat ovejanakar uñtatänwa, jan wali awatirinakan irpata, uka awatirinakapasti qullu tuqinakan ananukupxäna. Ukat mä qullut mä qulluru sarapxäna, pachpa uyunakapatsa armasxapxarakïnwa.

Jeremías 6:13

“Taqinisa, jisk'as jach'asa, lunthatasiñampi jikxatañatak lup'isipki; profetanakasa, sacerdotenakasa, taqiniw lunthatasiñar katuyasipxi.

Jeremías 7:30

Tatitusti siwa: “Judá uraqinkir jaqinakax nayar ñanqhachañatakix mä jan wal lurapxi: nayar luqtat utaruw uka axtaskañ idolonakap uchasxapxi, ukhamat utax q'añuchapxi.

Jeremías 8:10

Ukatpï jichhax, warminakapsa yaqha chachanakar katuyäxa, uraqinakapsa yaqhanakaruw katuyarakï. Jisk'a jaqinakasa, jach'a jaqinakasa, lunthatasiñak amtasipki; profetanakasa, sacerdotenakasa taqiniw lunthatasiñar katuyasipxi.

Lamentaciones 2:20

Uñjam Tatay, amuyt'amaya, janipuniw khitirus nanakarjamax t'aqhisiyktati. ¿Taykanakan ñuñuskir wawanakapar manq'antasiñapax wakisipunpachati? ¿Sacerdotenakana, profetanakan qullan utaman jiwarayatäñapax wakisipunpachati?

Ezequiel 23:39

Kunürutix uka diosanakar wawanakap wilañchat luqtapkäna uka pachpa ururakiw nayan utaxar q'añuchjirix jutapxäna. ¡Uksti nayan pachpa utaxan lurapxi!

Ezequiel 44:10

Sacerdotenakar yanapiri levitanakasti, khitinakatix nayat jayarst'awayapxi, kunapachatix Israel markax nayan thakhixat saranukkäna, yaqha diosanakar yupaychas apanukkitäna ukanakasti, juchanakapat mutupxañapäniwa.

Ezequiel 7:20

Ukataqi quri, qullqi yänakanïsasti, jach'a jach'aw tukupxäna, uka qurinakampiw uka axtaskañ diosanakapsa lurasipxarakïna. Ukatpï nayax uka qurit lurat yänakap q'añu t'unar tukuyarakïxa.

Ezequiel 8:11

Ukatsti uñjaraktwa israelitanakan paqallqu tunka jilïr jaqinakaparu uka idolonakar yupaychaskiri, uka jilïrinak taypinsti Safán sat jaqin Jaazanías yuqapaw ukankarakïna. Sapa maynis incienso q'aphichañ wayt'atkamänwa, incienso jiwq'ix qinayar uñtataw misturakïna.

Ezequiel 8:16

Ukatsti jupax Tatitun utapan manqhäxa chiqaruw irparakitu, ukatsti Tatitun qullan utjäwipar mantañäki uka chiqa, altaräkis uka chiqa taypinsti, pä tunka phisqan jaqinak uñjta, jupanakax Qullan Chiqa satäkis ukatxa, qhipa tuqir uñtata, inti jalsu tuqir uñtasin alt'ataw intir yupaychasipkäna.

Sofonías 3:3

Jach'a jilïri jaqinakapax leonanakjamaw wararipxi; juchanak taripir jilïrinakapasa, wasaran sarnaqir qamaqinakjamaw ch'akhanaksa q'al manq'antapxi, qhipürutakix jan jilt'ayasa.

Sofonías 3:4

Profetanakapas wali jach'achasiri, sallqa arunak parlirïpxiwa; sacerdotenakapax Tatitun qullan utapsa q'añuchapxiwa, kamachinakapsa p'akintapxarakiwa.