Jeremías 23:10 - Qullan Arunaka DC

¹⁰ Aka markasti wachuqa jucha lurir jaqinakan phuqhantatawa, ñanqha lurir jaqinakan phuqhantatawa, jaqi masipar ñanqhachañatakix munañanïpxiwa. Ukat Tatitux aka uraqirux ñanqhachi, aka uraqisti wañsuwayxiwa, wasar tuqin chhuxllanakasa q'alaw pharsuwayxaraki.

Aymar Bibliia 1986

¹⁰ Aca marcasti wachoka jucha lurir jakenacan phokhantatawa, ñankha lurañaru jalir jakenacana phokhantatawa, ch'amanacapsti jan walinac lurañataquiquiw apnakapjje. Ucatwa Tatitojj aca orakjja maldecïnjja, aca orakesti wañsuwayjjaraquiwa, wasara tokenquir pastonacasa k'alaw pharsuwayjjaraqui.

Qullan Arunaca

¹⁰ Aca marcasti wachoka jucha lurir jakenacan phokhantatawa, ñankha lurañaru jalir jakenacana phokhantatawa, ch'amanacapsti jan walinac lurañataquiquiw apnakapjje. Ucatwa Tatitojj aca orakjja maldecïnjja, aca orakesti wañsuwayjjaraquiwa, wasara tokenquir pastonacasa k'alaw pharsuwayjjaraqui.

Jeremías 23:10 Jak'a apnaqawi uñst'ayäwi

Esdras 10:18

Sacerdotenakat yaqha markanakankir warminakamp jaqichasirinakax akanakänwa: Josadac chachan Josué yuqapan wawanakapa, ukhamarak wila masinakapata Maaseías, Eliézer, Jarib, Guedalías,

Salmos 107:34

purum uraqinak qullpa uraqir tukuyi, jaqinakapan ñanqha lurirïpxatap layku;

Isaías 24:6

Taqiniw juchañjasipxi; ukat aka uraqix ñanqhachat uñjasi. Juk'anikiw jakañan qhiparapxi, markasti mä ch'usa wasarar tukutawa.

Isaías 5:18

¡Ay, kunakïkan jumanakatakixa, k'arisiñampi ñanqhanakampik lurasipktaxa, jucha lurañsti mä carror uñtat qatatipxtaxa!

Jeremías 12:11

Llakiskañ wasararuw tukuyawayapxi; jupan jachatapsa nayax uñjaraktwa. Taqi aka uraqpachaw ch'usa wasarar tukuta, ukampis janiw khitis llakt'askiti.

Jeremías 14:2

“Judá markax llakisiñat jachi, markanakapasti llakt'atkamakiwa, jaqinakapas uraqir liwirtatkamakiwa; Jerusalenansti taqiniw wal jachapxi.

Jeremías 6:13

“Taqinisa, jisk'as jach'asa, lunthatasiñampi jikxatañatak lup'isipki; profetanakasa, sacerdotenakasa, taqiniw lunthatasiñar katuyasipxi.

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Jeremías 9:10

10 (9) “Qullunakata, wasaranakat jachapxam, ayqupxarakim, suma ch'uxña uraqinakat jachapxam, ukanakasti q'ala nakhantatäxiwa, janirakiw khitis uka chiqa sarakipkxiti, janiw uywanakan wararitapas ist'askxiti, jamach'inakasa, monte laq'unakasa jayaruw sarxapxatayna.

Jeremías 9:12

12 (11) ¿Khitis wali yatiñani taqi akanak amuyt'añatakixa? ¿Khitirus Tatitux taqi akanak yatiyi mayninakar yatiyañapataki? ¿Kunatsa aka markax q'ala t'unjat uñjasi, mä wasarar uñtata waña, kawkhantix jan khitis sarnaqki ukhama?

Jeremías 9:2

2 (1) ¡Walïspawa wasaran mä utax utjitaspa ukat ukan jakasiñaxataki, ukhamat markaxat jayaru sarxañataki! Taqinis janiw chiqa chuymanïpkiti, ch'uxña lurirkamakïpxiwa.

Oseas 7:4

Taqi jupanakasti wachuqa jucha lurirkamakïpxiwa; junt'uptayat hornor uñtatäpxiwa, janiw juk'amp junt'uptayañax wakiskxiti, t'ant'a luririx t'ant'a masan puqtañapak suyxañapa.

Joel 1:10

Yapunakax llakkañ tukjatawa, uraqix lutt'atäkaspas ukhamawa. Trigos pist'awayxiwa, uva yapunakas q'al pharsuwayxi, olivo quqanakasti q'ala wañsutawa.

Levítico 5:1

“Kuntix maynix uñjki, jan ukax ist'ki uk qhanañchañapatak jawsatäni, ukat jan qhanañchañ munkani ukaxa, uka jaqix juch luri, uka jucha luratapatsti mutuñapawa.

Sofonías 3:4

Profetanakapas wali jach'achasiri, sallqa arunak parlirïpxiwa; sacerdotenakapax Tatitun qullan utapsa q'añuchapxiwa, kamachinakapsa p'akintapxarakiwa.

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

1 Timoteo 1:10

wachuq juchan sarnaqirinakataki, chachapur wachuq juchan sarnaqirinakataki, jaq lunthatirinakataki, k'arinakataki, k'ari juramento luririnakataki; mä arunxa, khitinakatix aski yatichäwinak jan phuqhapki ukanakatak uskutawa.

Hebreos 13:4

Chacha warmi jaqichasit sarnaqäwirux taqinipun waqaychapxam, chachasa, warmisa jan yaqhanakampix wachuqan sarnaqapxamti; wachuq juchan sarnaqirirux Diosaw taripani.

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.