Jeremías 22:25 - Qullan Arunaka DC

²⁵ uñisirinakamaru katuyañataki, jupanakarux wal axsartaxa. Babiloniankir Nabucodonosor reyin amparaparuw katuyäma, caldeo jaqinakan amparaparuw katuyäma.

Aymar Bibliia 1986

²⁵ uñisirinacamaru catuyañataqui, jumasti jupanacarojj wali ajjsartajja. Babilonianquir Nabucodonosor reyiru, uqhamaraqui caldeo jakenacaruw catuyäma.

Qullan Arunaca

²⁵ uñisirinacamaru catuyañataqui, jumasti jupanacarojj wali ajjsartajja. Babilonianquir Nabucodonosor reyiru, uqhamaraqui caldeo jakenacaruw catuyäma.

Jeremías 22:25 Jak'a apnaqawi uñst'ayäwi

2 Crónicas 36:10

Uka marana, phanchhiri pachan, Nabucodonosor reyix Joaquín reyir Babilonia markar katuntat apayäna. Jupa lantisti, Nabucodonosor reyix Sedequías chacharuw Judá markan reyipat utt'ayäna, jupax Joaquín reyin jilapänwa. Ukxarusti Tatitun utapan utjkäna uka jila alani yänakamp Babiloniar apasipxarakïna.

Proverbios 10:24

Ñanqha lurir jaqitakix axsarki ukaw utjarapi, aski jaqitakisti amtatanakapax phuqhasirapiwa.

Jeremías 21:7

Uka qhipatsti, Judá uraqinkir Sedequías reyiru, taqi jilïr yanapirinakaparu, khitinakatix usunakana, nuwasiñanakana, mach'anakan utjatapat jan jiwarapki taqi ukanakaruw Nabucodonosor reyin amparapar katuyarakï, ukhamarak yaqha uñisirinakapan amparaparusa. Jan jumanakat khuyapt'ayasisaw uka reyix espadampi jiwarayapxätam. Naya, Tatituw uk arsta.

Jeremías 22:28

¿Joaquín reyix mä p'akjat chatumpi sasiti, jan kunatak inamaya jan khitin munata jaqtatati? ¿Kunatarak jupasa, wawanakapasa jan uñt'at jaya markar apanukut uñjasipxisti?

Jeremías 27:6

Jichhax walikiwa, nayasti taqi aka uraqinakxa, Nabucodonosor luqtirixan amparaparuw katuyta, jupasti Babilonia markan reyipawa, ch'uminkir animalanaksa juparurakiw katuyta.

Jeremías 38:16

Ukampis Sedequías reyix Jeremías profetatakix jamasat aka juramento lurarapïna: —Khititix jakañ churkistu uka Tatitun sutipxaruw juramentompi arsurapsma, janiw jiwaykämati, janirakiw khitinakatix jiwayañ munapktam ukanakan amparaparus katuykämati —sasa.