Jeremías 22:22 - Qullan Arunaka DC

²² Mä thayaw taqi jilïrinakam apasxani, munasirinakamasti jayar apatäpxaniwa. Taqi ñanqhanak luratamatxa, jisk'achjata, p'inqachjataw uñjasïta.

Aymar Bibliia 1986

²² Thayaw take jilïrinacamjja apasjjani, munirinacamasti jayaru apatäpjjaraquiniwa. Jisc'achata, p'enkachataw uñjasiraquïta take ñankhanaca luratam laycu.

Qullan Arunaca

²² Thayaw take jilïrinacamjja apasjjani, munirinacamasti jayaru apatäpjjaraquiniwa. Jisc'achata, p'enkachataw uñjasiraquïta take ñankhanaca luratam laycu.

Jeremías 22:22 Jak'a apnaqawi uñst'ayäwi

Isaías 64:6

6 (5) Taqi nanakasti mä q'añu lurir jaqir uñtatäpxtwa, taqi aski luräwinakaxasti q'añu isinakar uñtatarakiwa. Taqiniw ankuntat laphinakar uñtat willirtapxta, nanakan jucha luratanakaxasti thayar uñtataw apapxarakitu.

Isaías 65:13

Ukatpï Tatitux sixa: “Luqtirinakaxax manq'añanïsipkaniwa, jumanakasti janiw manq'añanïpkätati; luqtirinakatakix umañax utjaskaniwa, jumanakasti umat pharjataw sarnaqapxäta; jupanakax kusisitäpxaniwa, jumanakasti mä p'inqa jisk'achjataw uñjasipxäta;

Jeremías 10:21

Aka markar irpirinakax pisi chuymäpxiwa; janiw Tatiturux thaqtapkiti. Ukatpï aynacht'apxixa, jichhasti, jiwasanakax ananukut oveja tamar uñtatätanwa.

Jeremías 12:10

Uñisir reyinakaw uva yapuxar tukjapxi, uraqinakaxsa takisipxarakiwa. Nayan wali munat uraqixsti llakiskañ wasararuw tukuyapxi.

Jeremías 2:36

Jumax jank'akiw parlatanakam mayjt'aytaxa; Egiptox apanukurakikïtamwa, kunjämatix Asiriax apanukktam ukhama.

Jeremías 2:37

Ukatsti Egiptot mä p'inqaw kutt'anïta, nayaw khitinakatix jumar arxatapktam ukanakarux apanukta, jupanakampi sumankatamampisti janiw kunsa jikxatkätati.”

Jeremías 2:8

Sacerdotenakax janiw thaqhapkituti, markaxar yatichañatak uskuta jaqinakasti, nayar jan uñt'iriw tukupxi, jilïrinakax nayatakiw sayt'asipxi, profetanakasti Baal diosan sutipxarukiw parlapxi, ukatsti uka k'ari diosanakan qhipap arkapxi.

Jeremías 20:11

Ukampis Tatay, jumax nayampïsktawa, nuwasïwin jan atipjkay nuwasir jaqjama; nayar arknaqirinakasti liwisipxaniwa, janiw atipjañatak ch'amanïpkaniti, aynacht'apxaniwa, mä p'inqaw uñjasipxani, wiñayatak p'inqachjatäpxaniwa.

Jeremías 30:14

Jumar munir markanakax apanuktamwa; janiw jumat amtaskxapxiti. Nayaw jumarux ukham chhuxriñchsma, uñisirimäkiristsa ukhama, walja jach'a juchanak luratamatxa, jan khuyapt'ayasisaw mutuyäma.

Jeremías 4:30

Jumasti, tukjat Jerusalén marka, ¿Kunatakis suti chupik isinakampi isthapista? ¿Kunatakis uka quri yänakampi k'achachasta? ¿Kunatakis nayranakamsa ch'iyarar tukuyasta? Ukham k'achachasitamax inamayatakiwa, munirinakamas jichhax apanukupxtamwa, jiwayatäñam munapxaraki.

Jeremías 5:13

Profetanakax thayampi sasikiwa, Tatitun arunakapan jan jupanakampïtap layku. Ukhamasti walikiwa, taqi ch'amani Tatitux ak situ: “Jupanakan ukham sapxatapatsti, akanakaw jichhax jupanakxar jutani: Arunakaxax lakaman mä ninjamäniwa, jaqinakasti lawäpkaspas ukhamaw tukupxani, uka ninaw jupanakar nakhantani.”

Jeremías 7:19

Ukampis nayar ñanqhachañat sipansa, jupanakpachaw juk'ampi ñanqhachasisipki, jupanakatakisti mä p'inqarakiwa. Naya, Tatituw uk arsta.

Oseas 12:1

1 (2) Israelax thayapitakis sarnaqkaspa ukhamawa; sapürus inti jalsu tuqit jutir thayarukiw arkaski. K'arisiñanakapampi, nuwasiñanakapampisti waliw jilxatti, Asiria markampis arust'asiwa, Egipto markarusti aceitenak apayi.”

Oseas 13:15

Israel, inas wasitat qamiriptchisma, ukampis nayax q'al t'unjäma, kunjämtix wasarat sartankis uka thayax uma jalsu phuch'unaksa q'al wañt'ayki ukhama. Ukatsti uñisirinakamax suma imasitanakam q'al katuntasxapxani.

Oseas 4:19

Yaqha diosanakar yupaychapxatapatsti, p'inqachjatäpxaniwa, jan mayan tukjatäpxaniwa.

Zacarías 11:17

¡Ay, kunakïkani oveja tama ananukuri jan wali awatiritxa! ¡Walïspaw mä espadampi amparap khuchhuqañaxa, mä cuchillompi kupi nayrap k'ilsuñaxa! ¡Amparapax taqpach pharspan, nayrapasti q'ala juykhuptarakpan!”

Zacarías 11:8

Mä phaxsinak kimsa awatirinakar alisnukta, jupanakatak munasiñaxan pist'atapata, ukhamarak nayar uñisipxatapata.