Jeremías 22:20 - Qullan Arunaka DC

²⁰ Tatitux Jerusalén markankirinakaruw akham saraki: “¡Aka markpachar sarapxam; jach'a qullunak patar makhatapxam, jan chuymachkay jachapxarakim! Yanapapxayätam uka markanakax q'ala tukjatäxiwa.

Aymar Bibliia 1986

²⁰ “¡Judá, Líbano kollu pataru mistum ucat art'asiraquim! ¡Basán kollunac tokena art'asiraquim! ¡Abarim kollu patanacatpacha art'asim, take munirinacamasti atipjatätap laycu!

Qullan Arunaca

²⁰ “¡Judá, Líbano kollu pataru mistum ucat art'asiraquim! ¡Basán kollunac tokena art'asiraquim! ¡Abarim kollu patanacatpacha art'asim, take munirinacamasti atipjatätap laycu!

Jeremías 22:20 Jak'a apnaqawi uñst'ayäwi

2 Reyes 24:7

Ukat uksarusti Egiptonkir reyix janiw mayampsa uraqipat mistunkxänti, Babiloniankir reyiw Egipto reyin taqpach uraqinakap katuntasxatayna, Egipton jisk'a jawirapat qalltasina, Éufrates jawirkama.

Isaías 57:13

Kunapachatix yanapa mayisa arnaqasiskät ukkhaxa, diosanakamax janiw yanapkätamti, janirakiw qhispiykätamsa. Taqi ukanakarusti thayaw apasxani, may phust'asakiw chhaqtayxani. Ukampis nayar iyawsirixa, mä uraqi katuqxani, Jerusalenan jakxani. Nayaw jach'a ch'aman Diosätxa.”

Jeremías 2:25

“¡Israel, jan kayunakam q'ara kayu jalanaqasax chhuxriñchjasimti, mallq'amsa janirak wañantayasimti! Ukampis jumax sistawa: ‘Janiwa. Janipuniw sayt'kiristti, yaqhanakaruw wal muntxa, jupanakampiw sarxarakï’ sasa.

Jeremías 2:36

Jumax jank'akiw parlatanakam mayjt'aytaxa; Egiptox apanukurakikïtamwa, kunjämatix Asiriax apanukktam ukhama.

Jeremías 2:37

Ukatsti Egiptot mä p'inqaw kutt'anïta, nayaw khitinakatix jumar arxatapktam ukanakarux apanukta, jupanakampi sumankatamampisti janiw kunsa jikxatkätati.”

Jeremías 22:22

Mä thayaw taqi jilïrinakam apasxani, munasirinakamasti jayar apatäpxaniwa. Taqi ñanqhanak luratamatxa, jisk'achjata, p'inqachjataw uñjasïta.

Jeremías 25:9

jichhax amsta tuqinkir taqi markanakaruw jawsayä, nayatak lurir Nabucodonosor Babilonia uraqin reyiparu, jupanakaw aka markaru, taqi jaqinakaru, taqi jak'ankir markanakar nuwantapxani. Ukanakarusti q'alpun t'unjäxa; wiñayatak laqayaruw tukuyä, mulljaskañaru, axsarkañaruw tukuyarakï.

Jeremías 3:1

Tatitux Judá markarux siwa: “Sañäni, mä jaqitix warmipampi jaljtchi, ukatsti warmix uka chachampi jaljtasax yaqha chachampi jaqichasxchi ukaxa, amuyatamatxa, ¿uka chachax nayra warmipampi wasitat jaqichasispati? ¡Janiwa! Ukhamäspa ukaxa, markatakix mä p'inqäspawa. Ukampisa, jumax Israel, walja chachanakampiw sarnaqtaxa, ¡jichhasti nayan ukaruw kuttanxañ munaraktaxa! Naya, Tatituw, uk arsta.

Jeremías 4:30

Jumasti, tukjat Jerusalén marka, ¿Kunatakis suti chupik isinakampi isthapista? ¿Kunatakis uka quri yänakampi k'achachasta? ¿Kunatakis nayranakamsa ch'iyarar tukuyasta? Ukham k'achachasitamax inamayatakiwa, munirinakamas jichhax apanukupxtamwa, jiwayatäñam munapxaraki.

Lamentaciones 1:19

Munirinakaxaruw yanap mayta, ukampis jupanakax nayarux sallqjapxituwa. Markaxankir sacerdotenakasa, jilïr jaqinakasa, pachpa markan jiwarapxi: ¡Manq'a thaqhasaw sarnaqapxäna manq'atjam jan jiwañataki!

Lamentaciones 1:2

Arumanakax jachkäwiw tukusiski; ajanupansti jachakiw jalaski. Munirinakapatsti janiw maynis jupar chuymachirix utjkiti. Taqi masinakapasti maysa uñtxapxi, uñisirinakapaw tukxaraki.

Ezequiel 23:22

Ukatpï naya, Tatitux sistxa: Uka munirinakamarux, khitinakattix jichhax axtaskxta, ukanakarux juman uñisirinakamaruw tukuyä. Taqi tuqit jumar jan walt'ayañatakix jutapxani,

Ezequiel 23:9

Ukatpï nayax asirio munirinakapan amparapar katuytxa, jupanak layku chuymap kawkst'ayaskän ukanakaru,

Ezequiel 27:6

barconakaman ñuqiñanakapsti, Basán chiqat apanita roble lawat lurarapipxtam; patxar uskutäki uka lawanakas Chipre tuqinkir ciprés sat lawat luratawa, marfilampi k'iñakipas k'achachatawa.

Números 27:12

Tatitux Moisesar sänwa: —Abarim qullur makhatam, israelitanakar nayax churkta uka uraqi ukawjatpach uñatatam.

Deuteronomio 32:49

“Abarim sat qullunakar saram, ukatsti Nebo sat qullur makhatam, Moab uraqinkir qulluru, Jericó marka uñkatasina, uka patat Canaán uraq uñtäta, israelitanakan katusiñapatak churkä uka uraqi.