Jeremías 22:19 - Qullan Arunaka DC

¹⁹ Mä asnorjamaw imantapxani, Jerusalén marka anqäxaruw qatatisin liwtanipxani.”

Aymar Bibliia 1986

¹⁹ Mä asnorjamaw imantapjjani, katatipjjaraquiniwa, ucatsti Jerusalén marca ankäjjaruw liwtanipjjaraquini.”

Qullan Arunaca

¹⁹ Mä asnorjamaw imantapjjani, katatipjjaraquiniwa, ucatsti Jerusalén marca ankäjjaruw liwtanipjjaraquini.”

Jeremías 22:19 Jak'a apnaqawi uñst'ayäwi

1 Reyes 14:10

Ukat jichhax juman wila masinakamxarux jan walt'añanak apayanï: Jumat saraqir taqi yuqall wawanakaruw Israelan jiwayä; janiw khitis qhiparkaniti. Juman saraqirinakamarux q'alpun pichanukü, uywanakan thaxapax pichanukutäki ukhama.

2 Reyes 23:36

Joacín chachax pä tunka phisqan maranïkän ukkhaw, marka apnaqañ qalltäna; jupasti Jerusalén markan tunka mayan maraw Judá marka apnaqäna. Taykapax Rumá chiqankiri, Zebudá sutinïnwa; Pedaías chachan phuchhapänwa.

2 Reyes 24:6

Joacín reyix jiwxäna ukkhasti, Joaquín yuqapaw jupa lantix reyïxäna.

2 Reyes 9:35

Ukampis kunapachatix uka warmir imt'iri sarapkän ukkhasti, p'iqi ch'akhapampi, kayu ch'akhanakapampi, ampar ch'akhanakapampik jikxatxapxäna.

2 Crónicas 36:6

Babiloniankir Nabucodonosor reyix, jutasin broncet lurat cadenanakampi ñach'antata Babiloniar apxäna.

Eclesiastés 6:3

Mä chachax patak wawanakanïskaspawa, ukat walja maranakas jakaskarakispawa; ukampis ukham jakkasax janitix yänakapampi kusiskani, janirak amayapas imt'atäkan ukaxa, nayatakix uka jaqit sipansa mä sullsut wawaw askixa.

Jeremías 15:3

“Naya, Tatituw uk arsta: Jichhax pusi mutuyäwinak apayanipxäma: Nuwasïwin jiwarapxäta, anunakaw qatatnaqapxätam, siwiq'aranakaw manq'apxätam, ch'uminkir animalanakaw manq'apxarakïtam.

Jeremías 36:30

Jichhax walikiwa, naya, Tatituw jumar sisma, Judá uraqinkir Joacín rey, janiw kawkïr wawamas Judá markan reyipat utt'askaniti. Jiwat janchimasti, urux lupir jaqunukutäniwa, arumasti juyphir jaqunukutarakïniwa.

Jeremías 36:6

Uka layku, jutir ayuno lurañ urunxa jumaw saräta, ukatsti kuntix qillqayksma uka arunak ullararakïta, ukhamat Jerusalén markpacha, Judá uraqin utjir markanakan jakirinakat aka markar jutapki ukanakax Tatitun arunakap ist'apxañapataki.

Jeremías 8:2

Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Ezequiel 19:8

Ukat uka jak'ankir markanakax katjañatak mayacht'asipxäna; sipitanakap wakichapxäna, ukaruw jalt'ayapxäna.

Ezequiel 39:5

Uka ch'usa pampanakan liwirtapxäta. Naya, Tatituw uk arsta. Arsutaxsti phuqhapunïwa.