Jeremías 22:17 - Qullan Arunaka DC

¹⁷ “Ukampis jumax jan wali lurañanakampi jikxatatanakamatak llakistaxa; jan juchanirux jiwaytawa, markamankirinakarus ch'ama lurañanakampiw t'aqhisiyaraktaxa.”

Aymar Bibliia 1986

¹⁷ “Ucampis juma sapaquiw llaquistajja take cunsa jan wali lurañanacampi jicjjatatanacamata; jan juchanirojj jiwayaractawa, marcamarusti, t'akhesiyaractawa wali ch'ama lurañanacampi.”

Qullan Arunaca

¹⁷ “Ucampis juma sapaquiw llaquistajja take cunsa jan wali lurañanacampi jicjjatatanacamata; jan juchanirojj jiwayaractawa, marcamarusti, t'akhesiyaractawa wali ch'ama lurañanacampi.”

Jeremías 22:17 Jak'a apnaqawi uñst'ayäwi

1 Reyes 21:19

Juparusti sätawa: ‘Tatitux akham siwa: Jumax Nabot chachar jiwayasinxa, kunatix jupankkäna uk apartaxa, jichhasti kawkha chiqantix anunakax jupan wilap jallq'apki, uka pachpa chiqan anunakax juman wilam jallq'apxani’ ” sasa.

2 Reyes 23:37

Uka reyin luratanakapasti, Tatitun nayraqatapan jan walinakänwa, kamisatix nayra awkinakapax ñanqha lurapkäna ukhama.

2 Crónicas 36:8

Joacim reyin ukat ukxar sarnaqäwipasa, axtkañ luräwinak luratapasa, kunatix jupampi luraskatayna ukanakasa, Judá, Jerusalén markanakankir reyinakapan qillqatapankiwa. Jupa lantix Joaquín yuqapaw marka apnaqxarakïna.

Job 31:7

Nayatix chiqa thakhit saranuksta, inampst'añanakampi atipjayasiraksta, jaqin kuna yänakapsa katuntasiraksta,

Salmos 10:3

Ñanqha lurir jaqix munapayatapat jach'achasi; Tatiturusti ñanqhachji, jisk'achjarakiwa.

Éxodo 18:21

Ukham lurañamatakisti, israelitanak taypit suma amuyt'an chachanak thaqham, Diosar axsartirinaka, qhan parlirinaka, qullqi layku jan khitirus arxatirinaka. Jupanakarusti waranqa jaqinakan jilïripat ucham, yaqhipanakarux patak jaqinakxaru, yaqhipanakarusti phisqa tunka jaqinakxaru, mayninakarusti tunka jaqinakxaruraki.

Proverbios 24:2

jupanakax ch'axwañanakatak lup'isipki, jan wali lurañanakatak parlasipkaraki.

Isaías 56:11

Manq'at jiwat anunakjamäpxiwa, janirakiw sisthapipkisa, jan kun amuyiri awatirinakäpxiwa; sapa maynis thakhipanak sarasipki, kunatix jupanakatakix askïki ukak thaqhasipki.

Jeremías 17:11

Sallqjañampi qamiriptirinakaxa, uka qamir yänakap q'al apt'asipxani, walïkasinsa, jan kunaniw uñjasipxani.

Jeremías 19:4

Israelitanakax nayarux apanukupxituwa, aka uraqsti yaqha uraqiruw tukuyapxaraki, aka chiqan yaqha diosanakar inciensonak luqtasipxaraki, uka diosanaksti janiw jupanakax uñt'apkänti; janirakiw nayra awkinakapasa, Judá uraqinkir reyinakas uñt'apkänti; aka chiqanarak jan juchan jaqinakarus jiwarayapxi.

Jeremías 22:3

Aka chiqansti kunatix chiqapäki, askïkaraki uk lurapxam, t'aqhisiyatarusti t'aqhisiyiripat qhispiyapxam, yaqha markat jutirinakarusti jan jisk'achapxamti, wajchanakaru, ijma warminakarus janirak kuna jan walsa lurapxamti. Jan juchan jaqinakarusti jan jiwayapxamti.

Jeremías 6:13

“Taqinisa, jisk'as jach'asa, lunthatasiñampi jikxatañatak lup'isipki; profetanakasa, sacerdotenakasa, taqiniw lunthatasiñar katuyasipxi.

Jeremías 6:6

Taqi ch'aman Tatitux akham siwa: “¡Quqanak tinkurayapxam, ukatsti uka lawanak arkt'apxam, ukanak patxat Jerusalenar nuwantañataki! Aka markax juchañchatäñatak katuyatawa, jupanakax t'aqhisiyir jaqinakäpxiwa.

Jeremías 7:6

yaqha markat jutirinakarusa, wajchanakarusa, ijmanakarus jan sinti irnaqayapxamti, jan juchan jaqinakarus aka chiqanxa jan jiwayapxamti, yaqha diosanakarutix yupaychasipkakïta ukkhax, jumanakpachaw aynacht'apxäta,

Jeremías 8:10

Ukatpï jichhax, warminakapsa yaqha chachanakar katuyäxa, uraqinakapsa yaqhanakaruw katuyarakï. Jisk'a jaqinakasa, jach'a jaqinakasa, lunthatasiñak amtasipki; profetanakasa, sacerdotenakasa taqiniw lunthatasiñar katuyasipxi.

Ezequiel 18:12

pist'añan jakir jaqirus t'aqhisiyani, mayninakatsa lunthatani, manuniparus kuntix manu lanti katuqkatayna uksa jan kutt'aykani, uka k'ari diosanakar katuyasini, nayax uñiskta uka luräwinaksa lurarakini,

Ezequiel 19:6

Mä jach'a leonar tukxasinsti, leonanak taypinjam sarnaqäna. Yaqha animalanak katuntañ yatxarakïnwa, jaqinaksa manq'antarakïnwa.

Ezequiel 19:7

Reyinakan utanakapsti q'alpun t'unthapïna, markanaksa q'al t'unjarakïna; wararitapampisti taqi akapacharuw khathatiyäna.

Ezequiel 19:9

Ñach'antasinsti mä jaularuw jist'antapxäna; Babiloniankir reyin ukaruw apapxäna, ukan carcelar apantapxäna, Israelan qullunakapan wararitap jan khitisa ist'askañapataki.

Ezequiel 22:6

Ukankiw Israel marka apnaqirinakaxa, jumanak taypin jakapxaraki, jaqinaksti qawqhtix munapki ukkha jiwarayapxi.

Ezequiel 33:31

Ukhamaw markaxax jutasin juman nayraqataman qunt'asipxi, kunjämtix arunakam ist'añatakix lurapxirïkäna ukhama. Ukampis janiw uka arunakarjam sarnaqapkiti. Munasiña q'uchunakäkaspas ukhamak q'uchupxi, jupanakan chuymanakapasti qullqin qhipap sarañankiwa.

Miqueas 2:2

Uraqinak munasax katuntasipxiwa; utanak munasas lunthatapxiwa. Utanirusa, utapankirinakarus wal t'aqhisiyasaw k'arimpi alisnukupxi.

Miqueas 3:10

Tatitun Jerusalén markapsa jaqi jiwayañanakxaru, kunatix jan chiqäki ukanakxaruw sayt'ayapxtaxa.

Sofonías 3:3

Jach'a jilïri jaqinakapax leonanakjamaw wararipxi; juchanak taripir jilïrinakapasa, wasaran sarnaqir qamaqinakjamaw ch'akhanaksa q'al manq'antapxi, qhipürutakix jan jilt'ayasa.

Romanos 1:29

Jupanakasti jan chiqapar uñjañampi, ñanqha lurañampi, jan wali lurañampi phuqhantatäpxiwa. Jupanakax akhamäpxiwa: uñisirinaka, jiwayirinaka, ch'axwayirinaka, sallqjirinaka, jan walt'ayirinaka, aru apnaqirinaka.

Colosenses 3:5

Jumanakan jan wali amtanakam jiwayapxam: jan khitis wachuq jucha lurpati, q'añu luräwinaksa jan lurpati, janchin munañanakaparusa, jan wali amtanakarus jan arkpati, janirak jupatakik taqi kunsa munpati, ukham lurañanakasti k'ari diosanakar yupaychañäkaspas ukhamawa.

Josué 7:21

Jericó markat yänak apsunktan uka taypin, Babiloniat apanit mä suma isi uñjta, ukhamarak pä patak qullqimpi, mä quri barrampi, tupupasti chika kilot jilänwa. Uka yänakasti chuymaxar purkirïnwa ukat apaqasta, ukatsti uraqiruw chhujllaxa manqhan allintta, qullqi juk'ampi manqharu uchasa —sasa.

2 Pedro 2:14

Mä warmirus janiw aliqak uñtapkiti, janirakiw jucha lurañampis sist'asipkiti. Pisi amuyt'aninakarusti jucharuw puriyapxi; wali mich'äpxiwa; ñanqha jaqinakäpxapuniwa.

2 Pedro 2:3

Uka k'ari yatichirinakan qullqir sinti munapxatap laykuxa, k'ari yatichäwinakampix jumanakat q'al taqi kunsa apsupxätam; ukampis Diosax nayratpach jupanakar juchañchxi, janirakiw mutuyäwit qhispipkaniti.

1 Samuel 8:3

Ukampis Samuelun yuqanakapax janiw awkipjam sarnaqapkänti, jan ukasti taqi kun muniriw tukxapxäna, qullqimpiw chilltayasipxäna, janirakiw kuns chiqapar uñjapkänti.