Jeremías 21:5 - Qullan Arunaka DC

⁵ Ukampis naya kipkaw jumanakar nuwantapxäma, wali jach'a ch'amampi, jach'a aqkir phiñasiñaxampi.

Aymar Bibliia 1986

⁵ Naya quipcaw jumanacat nuwasiraquï, wali jach'a ch'amampi, jach'a akquiri colerasiñajjampi, uqhamaraqui jach'a colerasiñampi.

Qullan Arunaca

⁵ Naya quipcaw jumanacat nuwasiraquï, wali jach'a ch'amampi, jach'a akquiri colerasiñajjampi, uqhamaraqui jach'a colerasiñampi.

Jeremías 21:5 Jak'a apnaqawi uñst'ayäwi

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Éxodo 9:15

Nayatix muniriskäyät ukaxa, mä jan wali usumpiw taqpach egipcionakar mutuyiriskäyäta, niya jiwatäxapxasapänwa.

Isaías 10:4

Jumanakax jisk'achjatäpxätawa, katuntat apatäpxätawa, jiwayatäpxarakïtawa. Tatitun phiñasiñapasti janiw apaqtkaniti, jichhas jupax mayamp ukham lurañ amtaskakiwa.

Isaías 5:25

Ukat Tatitux markapatak wal q'apisïna, amparapsa mutuyañatakiw aytarakïna. Qullunakax khathatipxänwa, jaqi jiwatanakasti saräwinakan t'unar uñtat jaqtatäpxänwa. Ukampis Tatitux phiñasitakïskiwa, amparapas mutuyañatakix wakicht'atakïskiwa.

Isaías 63:10

Ukampis israelitanakax Tatitutakiw sayt'asipxi, q'uma kankañaparuw ñanqhachapxi; ukat jupanakatakix mä uñisirir tuku, nuwantañatakiw amtaraki.

Isaías 9:12

12 (11) Inti jalsu tuqitxa, sirio jaqinakaw nuwantapxi, inti jalanta tuqitsti filisteo jaqinakarakiw nuwantapxi. Israel markarux maypach uquntapxi. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Isaías 9:17

17 (16) Ukat Tatitux waynanakat jan khuyapt'ayaskiti, wajchanakatsa, ijma warminakatsa janirakiw khuyapt'ayaskiti. Taqi markpachasti jach'a juchanak lurir ñanqhakamakiwa, taqinis ñanqha arunakak parlasipki. Ukampisa Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Isaías 9:21

21 (20) Manasesampi, Efrainampix, jupanakkamaw q'al tukjasipxi, panpachanisti Judá markaruw nuwantapxi. Ukampis Tatitun phiñasiñapax janiw apaqtkiti, jichhas jupax mayamp ukham lurañ amtaskakiwa.

Jeremías 32:17

‘Tatay, jumaw jach'a ch'amamampi alaxpachsa, akapachsa lurtaxa. Janiw jumatakix kunas jan lurasirjamax utjkiti.

Jeremías 32:37

Nayaw jaqinakaparux taqi markanakat anthapinxä, kawkïr markanakarutix nayax jupanakatak sinti phiñasitäkäyät ukapacha ananukkäyät ukanakata. Nayasti jupanakarux aka pachpa uraqiruw kuttayanxä ukan k'uchik jakasxapxañapataki.

Jeremías 36:7

Inampis ukhamat Tatitur mayisipxchispa, uka ñanqha luräwinakapsa apanukupxarakchispa, Tatitun aka markatak arski uka phiñasiñapax axsarkañawa” sasa.

Jeremías 37:10

Jumanakax jumanakar nuwantir babilonionakarux q'alsa atipjasipkasma, uka nuwasïwi chiqansti mä qawqha usuchjat babilonionakakis qhiparxapxaspa ukasa, ukanakax sartanisin Jerusalén markarux ninampiw phichkatapxani.’ ”

Jeremías 6:12

Utanakapasa, uraqinakapasa, warminakapasa yaqhankxaniwa. Nayaw amparax aytä, aka markan utjirinakar mutuyañataki. Naya, Tatituw uk arsta.

Lamentaciones 2:3

Tatitusti phiñasiñapan atipjataxa, Israelan ch'amapxa q'al chhaqtäwayi. Uñisirinakarux saykatasktanwa ukampis Tatitux janiw yanapkistuti. ¡Jacobun uraqipansti mä ninaw aqti, uka ninasti kunatix utjki ukanak taqpach nakhantawayi!

Ezequiel 39:3

Ukatsti kawkïr mich'inak antutt'añtï ch'iqa amparamar apxarkta uksti p'akjäwa, kupi amparaman apt'atäkta uka mich'inaksa q'añu t'unanak taypiruw willtarakï.

Ezequiel 5:8

Ukatpï naya, Tatitux sistxa: Jerusalén marka, nayax jumar jan walt'ayañatakiw sayt'äxa; uksti taqi markanakan uñjkañaw phuqharakï,

Deuteronomio 4:23

Ukampis amuyasipxam janipun kuna suma arust'äwtix Diosampi lurapkta ukanak armasipxamti. Janirak kuna idolonaksa, kunar uñtat yaqha diosanaksa lurasipxamti. Tatitun arunakap phuqhapxam, janipun kuna idolonakarus yupaychapxamti.

Deuteronomio 4:34

¿Utjarakpachati mä diosasa markaparu yaqha markanak taypit ajlliri, wali yant'anakampi, uñacht'äwinakampi, muspharkay luräwinakampi, nuwasiñanakampi, ukatsti wali ch'aman amparampi katuntasa, wali axsarkañ luräwinak luriri, kunjämatix Tatit Diosamax jumanakatak Egipto markan lurkäna ukhamsti?