Jeremías 21:14 - Qullan Arunaka DC

¹⁴ Nayasti luratanakamarjamaw mutuyapxäma; ch'uminakamarusti ninampiw phichhkatä, uka ninasti taqi uksa tuqinak nakhantani. Naya, Tatituw uk arsta.’ ”

Aymar Bibliia 1986

¹⁴ Nayasti luratanacamarjamaw mutuyapjjäma; ch'uminacamarusti ninampiw wiycataraquëjja, uca ninasti take ucsa tokenacwa naqhantaraquini. Naya Tatituw ucjja arsta.’ ”

Qullan Arunaca

¹⁴ Nayasti luratanacamarjamaw mutuyapjjäma; ch'uminacamarusti ninampiw wiycataraquëjja, uca ninasti take ucsa tokenacwa naqhantaraquini. Naya Tatituw ucjja arsta.’ ”

Jeremías 21:14 Jak'a apnaqawi uñst'ayäwi

2 Crónicas 36:19

Ukxarusti Diosan utap phichhantayäna, Jerusalén markan uyu pirqanakapsa tinkjayänwa, reyi utanakapsa ninampiw phichhantayäna, ukatsti taqi kunatix jila alani yänakäki ukanakxa q'al tukjayarakïna.

Proverbios 1:31

¡Jan wali sarnaqatanakamat t'aqhisipxäta! Ñanqha amtatanakamampiw amjayasipxäta.

Proverbios 12:14

Sapa mayni jaqiw parlatapatjam apthapi, luratapatjam katuqaraki.

Isaías 10:12

Tatitux kuntix Sión qullun lurañ amtki, Jerusalén markansa lurañ amtki, ukanak phuqhapuniniwa. Ukham phuqhasasti, Asiriankir reyiruw mutuyani, jach'a jach'a chuymanïtapata, qhurütapat mutuyani.

Isaías 10:16

Ukatpï jichhax taqi ch'aman Tatituxa, uka lunqhu jaqinakxarux mä usu apayaninixa, reyirusa, reyin ejercitoparusa, uka usux jan ch'aman tukuyani.

Isaías 24:21

Uka urunsti, alaxpachan utjir ch'amaninakaru, aka uraqinkir reyinakarusa, Tatitux mutuyaniwa,

Isaías 37:24

Juman yanapirinakam tuqiw Tatiturux jisk'achtaxa. Saraktawa: ‘Nuwasir sarir walja carronakaxampiw wali alay Líbano qullunakar makhatta. Jach'a cedro quqanakapa, suma pinonakapsa, q'al khuchhurarakta. Wali alay qullunakapkamapuniw purta, panqar yapur uñtat ch'uminakapkamaw purta.

Jeremías 11:16

Naya, Tatitux juparux säyätwa: “Suma ch'uxña olivo quqa, suma achunakan phuqhantata” sasa. Ukampis jichhax ninampiw laphinakap phichhantä, ¡mä jach'a arnaqasïwi taypinjam alinakapsa q'al nakhantayä!

Jeremías 11:22

Taqi ch'aman Tatitux jupanakarux siwa: “Jumanakampix parlaskañäniwa. Yuqall wawanakamax nuwasïwin jiwarapxani, imill wawanakamasti manq'atjamaw jiwarapxarakini.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 17:27

Ukampisa, jumanakatix nayan arunakax jan ist'apkitäta, nayan sábado samarañ urunsa uka q'ipinakam Jerusalén markan punkunakap chiqa apantasipkakïta ukkhaxa, nayax Jerusalén markan punkunakap ninampiw q'al phichhantä, uka ninasti Jerusalenankir reyin utanakapsa q'al nakhantani, janirakiw khitis uka nin jiwaraykaniti.’ ”

Jeremías 22:1

Tatitux sarakituwa: “Reyin utapar saram, ukatsti aka arunak yatiyarakim,

Jeremías 22:7

Jumatakisti mä jach'a ejército khithanï, jupanakaw jumarux tukjapxätam. Cedrot lurat suma pilaranakamsa q'al khuchhunukupxani, ninaruw phichhantapxarakini.

Jeremías 32:19

Jumax amtäwinakaman jach'ätawa, luräwinakamansa ch'amanirakïtawa. Jumaw taqi jaqin luratanakap uñjtaxa, ukatsti luratanakaparjamaw kunsa churtaxa.

Jeremías 46:23

¡Uka jach'a ch'uminakapsti phat'arpayapxaniwa! Naya, Tatituw uk arsta. T'iju t'ijunakjam waljanipunïpxänwa, jan khitinsa jakt'kañjamaraki.

Jeremías 50:32

Ñanqha lurir marka, lanktasisin liwisïta, janiw khitis waytkätamti. Taqi markanakamsti ninampiw phichhkatä, uka ninaw marka jak'a chiqanaksa q'al nakhantani.”

Jeremías 52:13

ukatsti Tatitun utap ninampiw phichhantäna, reyin utapsa, markan utjir taqi utanaksa; nayraqatax jach'a jilïr jaqinakan utanakap q'al phichhantäna.

Jeremías 6:19

Aka uraqpachan ist'apxam: Aka markarusti mä jach'a jan walt'añ apayanï, jan wali lurañanakak amtasipkatapata; janiw arunakaxar ist'apkiti, kamachinakaxarus jisk'achapxarakiwa.

Jeremías 6:29

Plomo metalax ninampi umatatayas q'umachatawa, ukampis uka jan wali jaqinakax janiw kunampis q'umachatäkaspati. ¡Jupanakax chhaqhatampi sasiwa!

Jeremías 9:25

25 (24) Tatitux siwa: “Kawkïr markanakatix janchin circuncisión katuqapki uka markanakar mutuyañ urux niyaw purinxi:

Lamentaciones 2:3

Tatitusti phiñasiñapan atipjataxa, Israelan ch'amapxa q'al chhaqtäwayi. Uñisirinakarux saykatasktanwa ukampis Tatitux janiw yanapkistuti. ¡Jacobun uraqipansti mä ninaw aqti, uka ninasti kunatix utjki ukanak taqpach nakhantawayi!

Ezequiel 21:3

3 (8) akham sasa: ‘Tatitux akham siwa: Nayax jumanakan uñisirimaruw tukta. Espadaxampiw aski jaqirusa, ñanqha jaqirus jiwarayä.

Miqueas 7:13

Jaqinakan juch lurapxatapatxa, uka uraqix ch'usa wasarar tukuyatäniwa.

Zacarías 11:1

¡Líbano qullunaka, punkunakam jist'arasim, cedro quqanakamxa nina nakhantpan!