Jeremías 20:2 - Qullan Arunaka DC

² Ukat jupax Jeremiasar nuwjapxañapatak khithäna, ukatsti katuntasin carcelaruw apantapxäna, ukasti Benjamín siski uka Jach'a Punku tuqin jikxatasïna, Tatitun utap jak'ana.

Aymar Bibliia 1986

² Ucatwa jupajj Jeremiasaru nuwjapjjañapataqui qhitäna, cepo sata mä catuntañaru catuntapjjañapataqui, Benjamín sisqui ucsa token Jach'a Puncu tokena, templo jac'ana.

Qullan Arunaca

² Ucatwa jupajj Jeremiasaru nuwjapjjañapataqui qhitäna, cepo sata mä catuntañaru catuntapjjañapataqui, Benjamín sisqui ucsa token Jach'a Puncu tokena, templo jac'ana.

Jeremías 20:2 Jak'a apnaqawi uñst'ayäwi

1 Reyes 13:4

Jeroboam reyisti, profetan arunakap Betelankir altaratak arskatayna uka arunak ist'asax, altaratpach amparap luqtanïna, sarakïnwa: “¡Uka jaqir katuntapxam!” sasa. Ukampis kawkïr ampartix luqtankatayna uka amparax tisikiw tukuwayxäna, janiw jupax unxtaykxänti.

1 Reyes 22:27

Jupanakarusti sapxätawa: “Reyix akham siwa: ‘Carcelar uchantapxpan, mä jisk'a t'ant'ampi, mä juk'a umampik churapxpan, nuwasïwit nayan jan kamacht'at kutt'aniñaxkama’ ” —sasa.

2 Crónicas 16:10

Asá reyisti profetatakix walpun q'apisïna, ukat carcelar uchantayäna. Uka urunakanxa markankirinakat yaqhipanakarux mutuyarakïnwa.

2 Crónicas 18:23

Ukapachaw Quenaaná chachan Sedequías yuqapax Micaiasar jak'achasisin ajanupat t'axllintäna, ukatsti sänwa: —¿Kawki chiqaraki Tatitun ajayupasti jumamp parlañataki nayat mistusti? —sasa.

2 Crónicas 24:21

Ukampis jaqinakax mayacht'asisin jupatakiw sayt'asipxäna, ukatsti reyin arupar ist'asaw Tatitun utap anqäxan qalamp k'upjaskam jiwayapxäna.

Job 13:27

Kayunakaxarus maniyampiw ñach'antistaxa, chillqtatanakaxsa uñch'ukisktawa, takt'atanakaxsa uñakiparaktawa.

Job 33:11

kayunakaxarusti cadenampiw ñach'antitu, sapa chillqtäwixa uñch'ukirakitu” sasa.

Jeremías 1:19

Jupanakax walpun juma tuqix sayt'asipxani, ukampis janiw atipjapkätamti. Nayaw jumampïskä jumar imañataki. Naya, Tatituw uk arsta” sasa.

Jeremías 26:10

Judá uraqinkir jach'a jilïrinakasti, ukanak ist'asinxa, reyin utapatxa Tatitun utaparuw sarapxäna, ukansti Machaq Punku sata chiqaruw qunt'asipxäna.

Jeremías 26:8

Ukatsti jupax taqi kuntix Tatitux parlañapatak churkatayna uka arunak parlañ tukuyxän ukkhasti, sacerdotenaka, profetanaka, uka markan jakirinakasa Jeremiasar katuntasin sapxäna “¡Jumax jiwätawa!

Jeremías 29:26

Tatituw jumarux Joiadá lanti sacerdotet usktam, ukhamat Tatitun utapan mä jilïrit uñt'atäñamataki. Ukat mä luqhi jaqitix profetäkaspas ukham parlani ukapachasti, jumax katusin cadenanakampi ñach'antasaw carcelar uchantäta.

Jeremías 36:26

jan ukasti, Jerahmeel yuqapampiru, Azriel sat jaqin Seraías yuqapampiru, Abdeel jaqin Selemías yuqapampiruw mayïna Jeremías profetaru, Baruc sat qillqiripampir katuntapxañapataki. Ukampis Tatituw jupanakarux imantxäna.

Jeremías 37:13

Ukampis Benjamín chiqar sarki uka punkur purkäna ukkhasti, Selemiasan Irías sat yuqapa, khititix Hananías sat jaqin allchhipäki, uñjirinakan jilïripäkaraki, uka Irías jaqiw Jeremiasarux katuntäna akham sasa: —¡Jumax babilonionakar jaqkattañ munatätaxa! —sasa.

Jeremías 37:21

Ukhamasti Sedequías reyix Jeremiasan, uñjirinakan uta anqaparuki katuntat qhiparañapatakiw arsüna, ukatsti sapüruraki t'ant'a Luririnakan thakhipa satäki ukan aljapki ukat t'ant'a aparapipxañapa. Ukhamaw phuqhasïna markan t'ant'ax utjkän uka urunakkama. Ukhamat Jeremías profetax uñjirinakan uta anqapan katuntat qhipararakïna.

Zacarías 14:10

Taqpach markax pamparuw tukuni, Jerusalén markat aynach tuqinkir Gueba chiqat qalltasa, Rimón chiqakama. Jerusalén markasti alay qullupankaniwa, ukanarak suman jakasipxani. Benjaminan Punkupata, Ángulo sat Punkukama, ukhamaraki Hananelan pukarapata reyin aceitep ch'irwañäki ukkhakama.

Mateo 21:35

Yapuchirinakasti khithat uywatanakarux katuntapxänwa: maynirux nuwjapxänwa, maynirusti jiwayapxänwa; maynirusti qalampiw k'upjapxäna.

Hechos 4:3

Uk ist'asin jupanakar katuntapxäna; ukatsti jayp'üxatap laykuw carcelar qhipürkam jist'antapxi.

Hechos 5:18

jupanakasti apostolunakarux katuntayasin carcelaruw jist'antayapxäna.

Hechos 5:40

Ukatsti apostolunakar jawsayanisin jawq'japxi, ukatsti jan juk'amp Jesusan sutipar parlasipkañapatakiw axsarayapxi, ukat antutnukxapxaraki.

Hechos 7:52

¿Profetanakat kawkïrirusa, nayra awkinakamax jan t'aqhisiyapkänxa? Jupanakax mayni aski jaqin jutañapat yatiyirinakarux jiwayapxänwa. Uka aski jaqin jutxipansti, jumanakax jupar katuntayasin jiwayapxaraktawa.

Apocalipsis 17:6

Ukatsti mäkiw amuyasta uka warmix Diosan wawanakapana, Jesucristot qhanañchirinakan wilapampi machjatätapa. Uk uñjasinsti wali musphataw uñjasta.

Apocalipsis 2:10

Kuna t'aqhisiñanakatix jumxar jutkani ukanakat jan axsaramti, supayax jumanakat yaqhipanakarux carcelaruw jist'antayani, taqpach jumanakan yant'atäpxañamataki; tunka ururakiw t'aqhisipxäta. Ukampis jiwañkam sayt'asim, nayasti wiñay jakañ churäma.