Jeremías 20:18 - Qullan Arunaka DC

¹⁸ ¿Kunatarak nayasti taykaxan purakapat mistpachätsti, t'aqhisiñanaka, llakisiñanak uñjañataki, jakañaxasa mä p'inqa tukuyatäñapatakisti?

Aymar Bibliia 1986

¹⁸ ¿Cunataraqui nayasti taycajjan puracapata mistpachätsti, t'akhesiñanaca, llaquisiñanaca uñjañataquisti, uqhamaraqui jacañajjasa mä p'enka tucuyatäñapataqui?

Qullan Arunaca

¹⁸ ¿Cunataraqui nayasti taycajjan puracapata mistpachätsti, t'akhesiñanaca, llaquisiñanaca uñjañataquisti, uqhamaraqui jacañajjasa mä p'enka tucuyatäñapataqui?

Jeremías 20:18 Jak'a apnaqawi uñst'ayäwi

1 Reyes 19:4

Ukatsti jupax wasar tuqin mä uru sarnaqasinxa, retama ali thiyaruw qunt'asïna. Jupasti jiwxañak munxäna, sarakïnwa: “¡Tatay, ukkhakamakïxpan! ¡Jakañax apaqxita, janiw nayax nayra awkinakaxat sipan ancha askïkti!” sasa.

Job 14:1

Jaqin jakäwipax mä juk'a urutakikiwa, t'aqhisiñanakampi phuqhantata.

Job 14:13

¡Q'apisiñam t'akuñapkamax, manqha pachar imantitasma, nayat amtasiñamatak mä uru wakt'ayasma!

Job 3:20

¿Kunatarak Diosasti llakit jaqir qhana uñjayaskakisti? ¿Kunatarak t'aqhisirirusti jakayaskaki,

Job 5:7

Pachpa jaqiw llakir puriñ thaqhasiski, kamisatix pachpa nina taypit sank'anakax mistki ukhama.

Salmos 102:3

3 (4) Jakañaxax jiwq'ir uñtataw tukusiski, ch'akhanakaxasti nina sank'jamaw nakhantaski,

Salmos 69:19

19 (20) Jumaw llakinkatax uñjaskistaxa, jumaw p'inqa tukutaxsa, jisk'achatsa uñjistaxa; jumaw uñisirinakaxarux uñt'araktaxa.

Isaías 1:6

Kayumat qalltasin p'iqikamax janiw kawkhas k'umaräkxiti; taqpach janchimax q'ala chhuxriñchjatawa, p'usuntata, llixtjtatarakiwa; jan khitinsa qullxatt'ata, janirak ch'uqxatt'ata, usuyasitanakamsa janirakiw khitis aceitempi qullxatt'as samart'aykiti.

Isaías 51:7

“Kunatix chiqäki uk yatirinaka, ist'apxita, nayan yatichäwinakax sum katuqir marka. Jaqin jan wali arusitanakap jan axsarapxamti, janiraki jaqin jisk'achatanakapampis ch'am laq'ayasipxamti,

Jeremías 15:10

¡Ay kunakïkan nayatxa, taykaxay, jumaw wawachasista taqinimpi nuwasiñaxataki! Janiw khitirus qullqi mayt'kti, janirakiw nayarus mayt'apkituti, ukampis taqiniw nayarux ñanqhachapxitu.

Jeremías 15:18

¿Kunatsa t'aqhisiñaxax jan tukusi? ¿Kunatsa chhuxrinakaxas jan waliptirjamäki, taqi qullanakampis jan qullkayäki? Nayatakix mä chhaqtir umar uñtataw tuktaxa.

Jeremías 3:25

Jichhax p'inqasiñatsa amuki alt'asipxañäni, wawatpacha jichhakamaxa, jiwasanakasa, awkinakasasa, Tatitu Dios nayraqatan juchanak lurapxtanxa, janirakiw juparux jaysapktanti.”

Jeremías 8:18

Chuyma usuyasitaxax janiw qullañjamäkxiti, chuymaxas käwkst'arakituwa.

Lamentaciones 1:12

¡Jumanaka, thakhinjam saririnaka, amuyt'apxamaya, t'aqhisitaxar uñtatax utjpachati, nayarux ukataq t'aqhisiyxitu! ¡Tatituw phiñasiñapan aka t'aqhisiñ apayanitu!

Lamentaciones 3:1

Nayaw jach'a t'aqhisiñanak katuqta, Tatitun jach'a phiñasiñap tuqiw katuqarakta.

Habacuc 1:3

¿Kunatarak ukataq llakisiñanaka, t'aqhisiñanaksa uñjayistasti? Nayax t'aqhisiyañanakampi, tukjatäñanakampi muyuntatätwa; taqi chiqansa, ch'axwañanakampi, nuwasiñanakampikiw utjaski.

Juan 16:20

Qhanak sapxsma, jumanakax jachapxätawa, llakisipxarakïtawa, akapachankir jaqinakasti kusisipxaniwa. Ukampis, jumanakan llakimax kusisiñaruw kipstani.

Hechos 5:41

Ukatsti apostolunakax jilïrinakan nayraqatapat wali kusisitaw mistuwayxapxäna, Diosan jupanakar Jesusan sutip layku t'aqhisiñatak ajllitapata.

2 Timoteo 1:12

Ukat taqi akanak t'aqhista. Ukampis janiw ukanakat p'inqaskti, nayax yattwa khitirutix iyawskta uka; tukuy urukam qhispiyasiñ arunak qhanañchañatak ch'amanïtapsa yatiraktwa.

Hebreos 10:36

Jumanakasti t'aqhisiñan ch'amanïñanakamaw wakisi, Diosan munañap lurañataki, ukhamarak kuntix arsuwaykän uk katuqañataki.

Hebreos 11:36

Yaqhipanakasti sawkch'ukita, jawq'jata, cadenanakampi ñach'antata, carcelanakar jist'antataw t'aqhisipxäna.

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.

Hebreos 13:13

Ukhamasti Jesusampi chikay campamento anqäxar mistuñäni, ukatsti kunjämtix jupax t'aqhisiwayki uka kipkarak t'aqhisiñäni.