Jeremías 20:12 - Qullan Arunaka DC

¹² Taqi ch'aman Tatitu, jumax taqi kunsa chiqaparuw uñjtaxa, jumax jaqin chuymapsa sum uñt'taxa, kunjämtix uka jaqinakar mutuykäta uk jichhax uñjayita, nayasti juman amparamaruw taqi kun katuysma.

Aymar Bibliia 1986

¹² Take ch'amani Tatitu, jumajj take cunsa chekaparupuniw uñjtajja, jumajj jaken chuymapsa yattawa, uñjayitaya cunjämtejj uca jakenacaru mutuycta ucjja, nayasti juman amparamaruw take cunsa catuyassma.

Qullan Arunaca

¹² Take ch'amani Tatitu, jumajj take cunsa chekaparupuniw uñjtajja, jumajj jaken chuymapsa yattawa, uñjayitaya cunjämtejj uca jakenacaru mutuycta ucjja, nayasti juman amparamaruw take cunsa catuyassma.

Jeremías 20:12 Jak'a apnaqawi uñst'ayäwi

2 Crónicas 24:22

Joás reyix Zacariasana Joiadá awkipan jupar askinak luratapat janiw amtaskxänti, ukatsti Zacarías yuqaparux jiwayänwa, jiwkäna ukkhasti Zacariasax akham arsuwayäna “¡Nayar akham lurapxatamat Tatituy jumanakarux mutuypan!” sasa.

Salmos 11:5

Tatitux juchanirus jan juchanirus taqiniruw uñch'ukiski, ñanqha lurañ munirinakarusti walpun uñisi.

Salmos 139:23

Diosay, uñakipitaya, chuymaxar uñantam; nayarux yant'itaya, lup'itanakax uñt'arakim;

Salmos 17:3

Jumaw taqpach amuyunakax yattaxa; arumanakaw chuymax uñaqir jutista; ninampjamaw yant'ista, janirakiw kuna ñanqhsa jikxatkistati. Lakaxax janiw k'ari arunak arskiti,

Salmos 54:7

7 (9) jumaw taqi llakinakat waysusta, uñisirinakaxan aynacht'atap uñjayarakista.

Salmos 58:10

10 (11) Aski jaqisti, phuqsur uñjasax kusispan; ¡ñanqha luririn wilapamp kayunakap wilachsuspan!

Salmos 59:10

10 (11) Nayar munasir Diosax jikxatitaniwa; uñisirixan aynacht'atap uñjayitani.

Salmos 62:8

8 (9) ¡Markaxay, jupar taqi chuymamp iyawsam! ¡Taqi chuymamp jupar mayisim! ¡Diosaw jiwasan imantasiñasaxa!

Salmos 7:9

9 (10) Chiqapar uñjir Tatay, jumaw amtäwinak uñakiptaxa, chuyma manqha amtäwinaka, ¡juchararanakan ñanqha lurañanakap tukusiyam, aski jaqirusti thuruñchat sayt'ayam!

Salmos 86:4

Tatay, uywataman chuymaparux kusisiyakimaya, jumaruw mayisinsma.

Isaías 37:14

Ezequiasasti kuntix khithanakax mä qillqata luqtapkatayna uka ullart'äna. Ukspacharakiw Tatitun utapar sarawayäna, ukatsti uka qillqata Tatitun nayraqatapar jant'akt'asawa,

Isaías 38:14

Jamach'inakjamaw chhiwiqta, palomanakjamaw ayqt'askta. Nayranakaxas alaxpach uñch'ukkäwix qaritäxiwa. Tatay, t'aqhisiñanakaxatay arxatt'ita.

Jeremías 11:20

Ukampis jichhax taqi ch'aman Tatitu, jumax chiqapa uñjirïtawa; jumax jaqin amtatanakapsa yattawa. Kunjämtix uka jaqinakar mutuykäta uk uñjayarakita, nayasti amparamaruw taqi akanak katuyaraksma.

Jeremías 12:8

Nayar kutkatasitapata, nayatak montenkir leonjam tukutapat jichhax uñista.

Jeremías 17:10

Naya, Tatituwa, jaqin chuymap uñjta, chuyma manqhapan amtatanakapsa yattwa; sapa maynirus luratanakaparjamaw mutuyarakï.”

Jeremías 17:18

Uñisirinakaxar mä p'inqa uñjasiyam, nayarusti jan ukham tukuyistati; jupanakax axsarañatsa wal khathatipxpan, nayarusti jan axsarayistati. Jupanakxar t'aqhisiñanak apayanim, mäpit jupanakar q'al tukjam.

1 Pedro 2:23

Chuyma usuyir arunakamp tuqipkän ukkhaxa, janiw pachpa arunakamp kutt'aykänti; t'aqhisiyapkän ukanakatakisa, janiw achuskänti, jan ukasti chiqapar taripir Diosaruw katuyasïna.

1 Pedro 4:19

Ukhamaxa, Diosan munañaparjam t'aqhisirinakaxa, askinak lurasipkañapakiwa, jupanakar irnuqt'ir Diosaruw ajayunakapsa katuyasipxañapa, jupasti kuntix arski uk phuqhapuniniwa.

Apocalipsis 18:20

“¡Alaxpacha, jichhax uka markan tukusitap layku kusisim. Qullananaka, apostolunaka, profetanaka, kusisipxam; Tatituw uka luratapampix chiqapar uñjapxtam” sasa.

Apocalipsis 6:10

Ukanakasti jach'at art'asisaw sapxäna: “Taqi ch'aman Dios Tata, jumax qullanätawa, arsutamax chiqawa. ¿Kunapachkamarak jan juchañchkäta, uraqin jakapki uka nanakar jiwarayirinakarusti?” sasa.

1 Samuel 1:15

Anasti ukkharux sänwa: —Tatay, janiw machatäkti, janiw nayax kuna vinsa umkti, janirakiw yaqha machjayir umañanaksa umkti, jan ukasti wali llakt'atätwa, t'aqhisitax Tatitur yatiyasiskta.