Jeremías 2:32 - Qullan Arunaka DC

³² ¿Mä warmix armasispati kunanakampitix jaqichasïwipan k'achachatäkän ukanakatxa? Ukampis jumanaka, nayan markaxax jaya pachaw nayat armasxapxista.

Aymar Bibliia 1986

³² ¿Mä warmejj armasispati cunanacampitejj c'achachatäcän casarasïwipanjja, ucanacjja? Ucampisa marcajjajj nayraw nayatjja armasjjetu.

Qullan Arunaca

³² ¿Mä warmejj armasispati cunanacampitejj c'achachatäcän casarasïwipanjja, ucanacjja? Ucampisa marcajjajj nayraw nayatjja armasjjetu.

Jeremías 2:32 Jak'a apnaqawi uñst'ayäwi

Génesis 24:22

Camellonakax umañ tukuyxipansti, uywat jaqix suxta gramon quri surtija tawaqun nasapar uchäna; ukxarusti qurit lurat pä chipana amparanakapar ucharakïna, ukasti patakat jila gramonïnwa,

Génesis 24:53

Ukatsti walja yänak apsüna, qurit lurata, qullqit lurat yänaka, ukhamarak isinaka, ukanaksti Rebecaruw churäna. Jilapampiru, taykapampirusti jila alani yänak churarakïna.

2 Samuel 1:24

“¡Israelan imill wawanakapa, Saúl reyit jachapxam, jupaw suma wila isinakampi, lino isinakamp isiyapxtam; quri yänakamp k'achachapxtam!

Salmos 106:21

Qhispiyir Diosapat armasipxäna, muspharkañanak Egipton lurkipansa,

Salmos 9:17

17 (18) Ñanqha lurir jaqinakampi, Tatitur jan uñt'irinakampi, jupat armasirinakampix jiwañ mik'ayan jiwarapxani.

Isaías 17:10

qhispiyktam uka Diosar armatamata, jupax juman arxatirimätamxa, janiw amtasktati. Jumax suma panqar yapunak yapuchtaxa, jan uñt'at diosatakiw uka panqaranak ayrustaxa,

Isaías 57:11

“¿Khitinakarak uka diosanakasti, nayar jan chiqa chuymampi arkañamataki, uka diosanakar axsaras yupaychkäyäta ukasti? Kunapachatix jumax jan jach'añkïyästa ukkhaxa, nayax amukïskäyätwa, jan amuyirikiw tuküyäta.

Isaías 61:10

¡Tatitunkxasinxa wali kusisitätwa! Diosaxankataxatsti kusisiñan phuqt'atätwa, jupaw nayarux qhispiyitu, atipjañsa churarakitu. Kunjämatix mä jaqichasir waynax pillup uchaski ukhamätwa, kunjämatix mä jaqichasir tawaqux k'achacht'aski ukhamarakïtwa.

Jeremías 13:10

Aka ñanqha markax nayan arunakaxarux janiw ist'añ munkiti, ukatsti jan kuna amuyasisaw chuymapan kuna jan wali amtatanakapatix utjki ukanakaru arki. Yaqha diosanakan qhipap sarxi, yupaychañataki, luqtañataki. Ukatpï uka markax jan kunatak ñusantat wak'jamäxixa.

Jeremías 13:25

Israel, ukaw jichhax juman tukuyamaxa, ukarak nayat katuqañ muntaxa. Naya, Tatituw uk arsta. Nayatsti armasxistawa, k'ari diosanakaruw iyawsaraktaxa.

Jeremías 18:15

Ukampis markaxax nayar armituwa, ukatsti k'ari diosanakaruw inciensonak luqtasipki. Nayra thakhipatsti yaqha thakhiruw saranukupxi, jan uñt'at thakhinjam sarapxaraki.

Jeremías 2:11

Diosar jan uñt'ir mä markan diosanakap apanukutapa, uka diosanakapax jan chiqa diosäpkchi ukasa. Ukampis markaxax nayarux apanukuwayituwa, nayax chiqpach Diosäkta ukasa, jan kunatak inamay idolonak laykukiw apanukuwayapxitu.

Jeremías 2:33

“¡Jumasti Judá, yaqha chachanak jikxatañatakix kusapunïtawa! ¡Yaqha chachanakampi sarnaqir warminakas jumat yatiqasipxi!

Jeremías 23:27

Kuna samkanaktix jupanakax maynit maynikam parlakipasipki ukanakampix markaxarux nayat armasiyañ munapxi, kunjämatix nayra awkinakapax nayat armasisin Baal diosar yupaychapkän ukhama.

Jeremías 3:21

“Arunakaw wasar qullu tuqinakan ist'asi: ¡ukanakasti israelitanakan jachatanakapawa, khuyapayasiñ mayitanakapawa! Jupanakax chiqa thakhit saranukuwayapxi, naya, Tatitu Diosapatsti armasipxituwa.

Ezequiel 22:12

Yaqhip jaqinakamasti jaqi masipar jiwayañatakiw qullqi katuqasipxi. Qullqsa wali jila jalaqtampiw mayt'apxi, jaqi masiparuw t'aqhisiyapxi, inakiw irnaqayapxi, nayatsti armasipxituwa. Naya, Tatituw uk arsta.

Oseas 8:14

Israelita jaqinakasti reyin jach'a utanakap utachapxi, ukampis jupanakar irnuqirit armasipxiwa. Judá markax walja jach'a markanakwa pirqanakampi muyuntayas sum sayt'ayi, ukampis nayax ukanak ninampiw nakhantayä, reyin jach'a utanakapas q'alaw nakhantani.”

Deuteronomio 32:15

“Ukampis israelitanakax jach'aptxänwa, Diosat armasxapxarakïnwa; irnuqasir Diosaparux apanukünwa, arxatir qhispiyiriparusti, jisk'acharakïnwa.

Apocalipsis 21:2

Ukatsti qullan marka uñjta, machaq Jerusalén. Uka markasti Diosan nayraqatapat saraqasinkäna, jaqichasiñatak suma isthapt'at mä tawaqur uñtata, jaqichasir waynar katuqañatakjama.

Jueces 8:34

Jupanakax Tatitu Diosapat armasxapxäna, jupanakar muyuntir uñisirinakapat qhispiyat uñjaskasasa,