Jeremías 2:28 - Qullan Arunaka DC

²⁸ Judá, ¿kawkinkarak juman lurasit diosanakamasti? ¡Uka diosanakamax markanakar uñtat waljapuniwa! ¡Kunapachatix jan walt'añax purinkätam ukkhax jupanakay jumar qhispiyirix jutapxpan!

Aymar Bibliia 1986

²⁸ Judá, ¿cawquincaraqui jumajj lurascta uca diosanacamasti? ¡Uca diosanacamajj marcanacar uñtata waljanipuniwa! ¡Jichhajj jupanacajj jutapjjpanaya, inacha khespiyapjjeristam, cunapachatejj jan walt'añajj purincätam ucapachajja!

Qullan Arunaca

²⁸ Judá, ¿cawquincaraqui jumajj lurascta uca diosanacamasti? ¡Uca diosanacamajj marcanacar uñtata waljanipuniwa! ¡Jichhajj jupanacajj jutapjjpanaya, inacha khespiyapjjeristam, cunapachatejj jan walt'añajj purincätam ucapachajja!

Jeremías 2:28 Jak'a apnaqawi uñst'ayäwi

2 Reyes 3:13

ukampis Eliseox Israelan reyipar sänwa: —¿Nayan kuna lurañaxarak jumamp utjisti? Awkinakaman profetanakapar jiskt'asir saram —sasa. Israelan reyipasti saskakïnwa: —Janiwa, Tatituw nanak kimsa reyirux irpanipxitu, moabitanakan amparapar jalt'añanakaxataki —sasa.

Isaías 45:20

“Tantacht'asipxam, jutapxarakim, markanakat jilt'iri taqi jakirinaka, taqini jak'achasinipxam. Jan yatiñan jaqinakaw utji, uka diosanakapsti uksar aksar muyuyasaw apnaqapxi, uka jan qhispiyir diosaruw mayisipxi.

Isaías 46:2

Uka diosanakax aynacht'apxiwa, uraqiruw liwnuqtapxi, janirakiw qhispiyasipkiti, yaqha markanakar apayatäpxiwa.

Isaías 46:7

Kallachinakapxaruw uka dios apapxi, mä chiqawjaruw uskupxi, ukasti janirakiw kawksarus unxtkiti. Yanapa mayiñatakis arnaqasisipkpan, ukampis uka diosax janipuniw ist'kiti, janirakiw llakinakatsa qhispiykiti.

Isaías 57:13

Kunapachatix yanapa mayisa arnaqasiskät ukkhaxa, diosanakamax janiw yanapkätamti, janirakiw qhispiykätamsa. Taqi ukanakarusti thayaw apasxani, may phust'asakiw chhaqtayxani. Ukampis nayar iyawsirixa, mä uraqi katuqxani, Jerusalenan jakxani. Nayaw jach'a ch'aman Diosätxa.”

Jeremías 1:16

Ukham mutuyañatakiw nayax arsta, khitinakatix nayar apanukusina, jupanakpachan lurasita yaqha diosanakar inciensonaka luqtasipxi, killisipxaraki uka jucharar markatakixa.

Jeremías 11:12

Ukapachaw Judá uraqinkir jaqinakaxa, Jerusalén markan utjir jaqinakasa uka yaqha diosanakar yanap mayisir sarapxani, kawkïrinakarutix incienso luqtasipki ukanakaru, ukampis uka jach'a t'aqhisiñax purinkani ukapachaxa, uka diosanakax janiw qhispiyañatakix ch'amanïpkaniti.

Jeremías 11:13

Judá markax walja diosanakaniwa, qawqhäkitix markanakapax ukkha, Jerusalenankir jaqinakasti Baal diosatakix walja altaranak sayt'ayapxi, qawqhäkitix markan thakhinakapax ukkharaki.

Jeremías 30:7

¡Mä axsarkañ uruw jak'achasini, uka urjamasti janiw yaqha urux utjkiti! Uka urusti Jacobun markapatakix mä llakiskañ urüniwa, ukampis nayaw jupanakarux qhispiyä.

Jeremías 37:19

¿Kawkinkarak uka profetanakasti, khitinakatix parlapkäna Babiloniankir reyix janiw jumanakarusa, aka markarusa nuwantir jutkaniti sapkäna ukanakasti?

Oseas 10:1

Israelax walja achuni uva alir uñtat wali qamiriwa; ukampis ukham tukutapatxa, juk'ampikiw altaranak yaqha diosanakatak lurarasipxäna; uraqipan juk'amp sumätapatsa, juk'ampikiw yaqha diosanakatak qala chutanakapsa lurasipxäna.

Habacuc 2:18

¿Kunatakis askix mä diosaxa sum lurt'asin tukuyatäkchi ukaxa? ¿Kunatakis askix jaqin lurt'at mä diosaxa yatichäwinakapas k'arikamakïchi ukaxa? uka yaqha diosanakax janiw parlapkiti; ¿kunjämaraki uka yaqha diosanak lurir jaqisti uka diosanakar atint'asispasti?

Habacuc 2:19

¡Ay kunakïkan juma Babiloniatxa, mä lawat lurat diosar p'arxtam satamaxa, mä amutu qalar sayt'am satamasa! ¿Jupanakasti mä kuna yatiyäwinaksa yatiyapxaspati? Janiwa. Jupanakax janiw jakañanïpkiti, qawqhasay qurimpis qullqimpis jawikipatäsipkpan.

Deuteronomio 32:37

Ukat uñisirinakasarux sani: ‘¿Kawkinkarak uka diosanakamasti, iyawsapkäyäta uka arxatir diosanakasti?

Jueces 10:14

¡Sarapxam, ukatsti kawkïr diosanaktix ajllisipkta ukanakat yanap mayisipxam! ¡Jupanakay jumanakan jan walt'añan jikxatasitanakamat qhispiypan!” sasa.