Jeremías 2:27 - Qullan Arunaka DC

²⁷ Jumanakasti mä quqarukiwa: ‘Awkixätawa’ sapxtaxa. Mä qalarukiw: ‘Taykaxätawa’ sapxaraktaxa, nayatakisti maysa uñtapxtaxa, janiw qhan uñkatapkistati; jan walt'añan jikxatasxapxta ukkhakiw ‘¡jutam qhispiyapxita!’ sapxistaxa.

Aymar Bibliia 1986

²⁷ Jupanacasti mä kokaruquiw: ‘Jumaw awquejjätajja’ sasa sapjje. Mä kalarusti: ‘Jumaw taycajjätajja’ sasaw sapjjaractajja, nayataquisti maysa uñtapjjtajja, janiw khana uñcatapquistati; ucampisa cunapachatejj jan walt'añan jicjjatasjjapjjta ucapachasti sapjjaraquistawa: ‘¡Jutam khespiyapjjeta!’ sasa.

Qullan Arunaca

²⁷ Jupanacasti mä kokaruquiw: ‘Jumaw awquejjätajja’ sasa sapjje. Mä kalarusti: ‘Jumaw taycajjätajja’ sasaw sapjjaractajja, nayataquisti maysa uñtapjjtajja, janiw khana uñcatapquistati; ucampisa cunapachatejj jan walt'añan jicjjatasjjapjjta ucapachasti sapjjaraquistawa: ‘¡Jutam khespiyapjjeta!’ sasa.

Jeremías 2:27 Jak'a apnaqawi uñst'ayäwi

2 Crónicas 29:6

Jiwasan nayra awkinakasax janiw chiqapar sarnaqapkänti, luratanakapas Dios Tatitusan nayraqatapan janiw askïkänti, ukatsti juparux apanukupxänwa. Jupanakasti Tatitun utjäwiparux jisk'achapxänwa, jan uñjiriw tukupxäna.

Isaías 26:16

Tatay, kunapachatix mutuyapkista ukkhaxa, usuchapkchista ukkhasa, jumarukiw makhatanipxsma.

Jeremías 10:8

Uka markanakan utjasirinakapax t'axmar jaqikamakïpxiwa, jupanakan yatichirinakapasti, mä k'ullut khitsut diosanakakiwa.

Jeremías 18:17

Nayasti, inti jalsu tuqit jutir thayjamaw Israelar ananukü; uñisirinakapan nayraqatapat jaltayä. Mutuyäwipax purinkani uka urusti, nayax jupanakatakix maysa uñtxä.”

Jeremías 2:24

montenkir qachu asnor uñtata, qullu tuqirukiw sarañ munasktaxa, taqi kun munasakiw wal samaqisktaxa. Kunapachatix urqu asnompi jikintasiñ munki ukkhax janiw khitis jarkt'kaspati. Mä urqu asnotix thaqhaspaxa, jank'akiw jan qarjasis jikxataspa.

Jeremías 22:23

Jichhax jumax utaman k'uchikïsktawa; Líbano tuqit apanit cedronak taypina; ¡ukampis niyaw t'aqhisiñ qalltäta, ayquñanakax purinkätam ukapacha, ukanakasti wawachasir warmin ayquñapjamäniwa!”

Jeremías 3:9

Jan axsartasaw yaqha diosanakar yupaychi, ukham sarnaqatapampisti aka uraqirux ñanqhachiwa. Nayar apanukusinsti qalanakaru, quqanakaruw killisiraki.

Jeremías 30:7

¡Mä axsarkañ uruw jak'achasini, uka urjamasti janiw yaqha urux utjkiti! Uka urusti Jacobun markapatakix mä llakiskañ urüniwa, ukampis nayaw jupanakarux qhispiyä.

Jeremías 32:33

Nayatakix maysa uñtapxäna, janiw uñkatañsa munapkitänti. Nayasti jupanakarux yatichaskapunirakïyätwa, ukampis janiw nayan yatichäwinakaxsa ist'añ munapkänti.

Jeremías 37:3

Sedequías reyisti, Selemiasan Jucal sat yuqapampiru, Maasías jaqin Sofonías sacerdote yuqapampiruw Jeremiasan ukar khithäna, akham siri: “Taqi nanakatak Tatitut mayirapipxita” sasa.

Jeremías 42:2

Jeremías profetaru jak'achasisin sapxarakïna: —May jumar mayiñ munapxsma, janikiy janiw sapxistati. Tatitu Diosamaruy nanak juk'a jaqinaka qhiparapkta ukanakatak mayirapipxita, nayrax waljanïpxäyätwa, uñjasktawa, jichhasti juk'anikïxapxtwa.

Ezequiel 23:35

Ukatpï naya, Tatitux sistxa: “Jichhax nayar apanukutam layku, qhip uñtatam layku, jan wali sarnaqatanakamat mutuyäwi katuqäta” sasa.

Ezequiel 8:16

Ukatsti jupax Tatitun utapan manqhäxa chiqaruw irparakitu, ukatsti Tatitun qullan utjäwipar mantañäki uka chiqa, altaräkis uka chiqa taypinsti, pä tunka phisqan jaqinak uñjta, jupanakax Qullan Chiqa satäkis ukatxa, qhipa tuqir uñtata, inti jalsu tuqir uñtasin alt'ataw intir yupaychasipkäna.

Daniel (hebreo) 9:7

Jumax Tatay, chiqapapunïtawa, jichhürusti nanak judionakax wali p'inqa tukupxta; Jerusalén markan jakirinaka, taqpach Israel markankirinaka, jak'ankirinaka, jayankirinaka; kawkha markanakarutix jumax, jumataki sayt'asipxatap layku ananukkta ukan jakirinaka.

Oseas 4:12

Markaxax k'ullut khitsut diosanakaparuw jiskt'asi, thujrunak tuqirakiw yatiñanaksa thaqhi. Wachuqa juchampi apnaqataxa, markaxax pantjat thakhinakan sarnaqaski; Diosap apanukusaw yaqhanakampi juchanakan sarnaqi.

Oseas 5:15

“Juchanakapat kutikipstañapkamasti, utjäwixaruw kuttä, kunapachatix juchanakap uñt'asxapxani ukkhasti, llakisiñanakampiw phuqhantasipxani, ukhamat nayar thaqhapxitani”.

Oseas 7:14

Ikiñanakapansa usuchjataw jachasipki, janchinakapsa mä amtañampiw chhuxrinuqasipxi, ukampis janiw taqi chuyma nayar mayisipkituti; suma achunak katuqañatakikiw ukham lurasipxi, ¡ukampis nayar saykatasipkakituwa!