Jeremías 19:4 - Qullan Arunaka DC

⁴ Israelitanakax nayarux apanukupxituwa, aka uraqsti yaqha uraqiruw tukuyapxaraki, aka chiqan yaqha diosanakar inciensonak luqtasipxaraki, uka diosanaksti janiw jupanakax uñt'apkänti; janirakiw nayra awkinakapasa, Judá uraqinkir reyinakas uñt'apkänti; aka chiqanarak jan juchan jaqinakarus jiwarayapxi.

Aymar Bibliia 1986

⁴ Israelitanacasti nayarojj apanucuwayapjjetuwa, aca oraksti yakha orakeruw tucuyapjjaraqui, aca chekanwa yakha diosanacaru inciensonac loktasipjjaraqui, uca diosanacsti janiw jupanacajj uñt'apcänti; ni nayra awquinacapasa, ni Judá orakenquir reyinacasa uñt'apcänti; aca orakerusti jan juchani jakenacan wilapampiw phokhantapjjaraqui.

Qullan Arunaca

⁴ Israelitanacasti nayarojj apanucuwayapjjetuwa, aca oraksti yakha orakeruw tucuyapjjaraqui, aca chekanwa yakha diosanacaru inciensonac loktasipjjaraqui, uca diosanacsti janiw jupanacajj uñt'apcänti; ni nayra awquinacapasa, ni Judá orakenquir reyinacasa uñt'apcänti; aca orakerusti jan juchani jakenacan wilapampiw phokhantapjjaraqui.

Jeremías 19:4 Jak'a apnaqawi uñst'ayäwi

2 Reyes 21:16

Judá markar juchanak lurayatapatsa, Tatitun nayraqatapan jan wali luratanakapatsa, Manasesax Jerusalén markan jan juchan walja jaqinakaruw jiwarayäna, uka wilampiw markar mä thiyata mä thiykam phuqhantäna.

2 Reyes 23:10

Josías reyix Ben-hinom sat qhirwan utjkatayna uka nakhayaña t'unjarakïna, jan khitis yuqall wawaparusa, imilla wawaparus Milcom diosatak wilañcha luqtasipkañapataki.

Salmos 106:38

Jan juchan jaqin wilap wartapxäna, wawanakapan wilap wartapxäna, Canaán uraqi diosanakaruw wila luqtapxäna. Uraqix wilampi q'añuchataw uñjasïna,

Isaías 59:7

kayunakapax ñanqha tuqirukiw jalañ munaski, jan juchan jaqinakar jiwayiriw jank'ak jalaski. Amtañanakapansti jaqi jiwayañanakak amtasipki, kawki chiqtix sarapki uka chiqanakansti t'unjatäñakiw utjaski.

Isaías 65:11

Ukampis jumanaka, khitinakatix Tatitut jayarst'apkta, qullana qulluxatsa armasipxta, Gad, Mení siski uka qamir yänak churiri diosanakaruw manq'sa, vinsa churapxarakta,

Jeremías 1:16

Ukham mutuyañatakiw nayax arsta, khitinakatix nayar apanukusina, jupanakpachan lurasita yaqha diosanakar inciensonaka luqtasipxi, killisipxaraki uka jucharar markatakixa.

Jeremías 11:13

Judá markax walja diosanakaniwa, qawqhäkitix markanakapax ukkha, Jerusalenankir jaqinakasti Baal diosatakix walja altaranak sayt'ayapxi, qawqhäkitix markan thakhinakapax ukkharaki.

Jeremías 15:6

Jumax nayar apanukuwayistawa, maysa uñtxaraktaxa. Naya, Tatituw arsta. Ukatpï nayax, llamp'uchasiñan qaritäxatax laykuw jumar mutuysma, q'al t'unjaraksma.

Jeremías 16:11

Jumasti jupanakarux sarakim: ‘Tatitux siwa: Jumanakan nayra awkinakaman nayar apanukusin yaqha diosanakar killt'asis yupaychapxatapat taqi akanakax juti; nayarusti apanukupxitänwa, janirakiw kuntix nayax jupanakar siskäyäta ukanak phuqhapkänti.

Jeremías 17:13

Tatay, jumaw Israelan suyt'añapätaxa. Taqi jumar apanukuristi p'inqachjatäniwa. Taqi jumat jayarst'iristi thayan apat laq'jamaw chhaqtxani, juma, suma jalir umjam Tatitur apanukutapata.

Jeremías 17:20

Jaqinakarusti sarakim: ‘Reyinaka, Judá uraqinkir taqi markanaka, Jerusalenankir taqi jaqinaka, aka punku chiqa mantirinaka, Tatitun arunakap ist'apxam.

Jeremías 18:15

Ukampis markaxax nayar armituwa, ukatsti k'ari diosanakaruw inciensonak luqtasipki. Nayra thakhipatsti yaqha thakhiruw saranukupxi, jan uñt'at thakhinjam sarapxaraki.

Jeremías 2:13

“Markaxax pä jach'a juchanak luri: Naya suma jakañ umarusti, apanukuwayapxituwa, ukatsti jupanakax pachpa phuch'unakap allisipxi, uka phuch'unakaparusti umax janiw sayt'karakiti.

Jeremías 2:17

Taqi akanakasti nayar apanukutam laykuw ukham t'aqhisiyapxaraktam, naya, Tatitu Diosamaru, jumar irpiriru apanukutamata.

Jeremías 2:19

Pachpa ñanqha luratamaw mutuyätam, jan taqi chuymampi sarnaqatamaw juchañchaskätam. Amuyt'asim, ukat uñjarakïta, kunja jan walïkataynatix nayar apanukuñaxa, kunja llakïkataynatix nayar jan yäqatamasa, naya, Tatitu Diosamar apanukutamata. Naya, taqi ch'aman Tatituw uk arsta.

Jeremías 2:30

Inamayaw wawanakamarux mutuytxa, jan wali luratanakapatxa janiw kuttaniñ munapkiti, jumanakasti qhuru leonanakar uñtataw profetanakamarux jiwarayapxtaxa.

Jeremías 2:34

Isimax q'añuchjatawa, t'aqhinakana, jan juchaninakan wilapampi, khitinakarutix jan kuna juchan jikxatkta ukanakan wilapampi q'añuchjatawa.

Jeremías 22:17

“Ukampis jumax jan wali lurañanakampi jikxatatanakamatak llakistaxa; jan juchanirux jiwaytawa, markamankirinakarus ch'ama lurañanakampiw t'aqhisiyaraktaxa.”

Jeremías 22:3

Aka chiqansti kunatix chiqapäki, askïkaraki uk lurapxam, t'aqhisiyatarusti t'aqhisiyiripat qhispiyapxam, yaqha markat jutirinakarusti jan jisk'achapxamti, wajchanakaru, ijma warminakarus janirak kuna jan walsa lurapxamti. Jan juchan jaqinakarusti jan jiwayapxamti.

Jeremías 26:15

Ukampis ak sum yatipxam: Jumanakatix nayar jiwayapxitätaxa, taqi aka markankir jaqinakasa, jumanakasa mä jan juchan jaqir jiwayapxatamatxa, juchañchatäpxätawa, chiqpachansa Tatituw nayarux khithanitu taqi akanak jumanakar yatiyiri.”

Jeremías 26:23

jupanakasti Urías profetar Egiptot irptanisinxa, Joacín reyin amparaparuw katuyapxäna, reyisti uka profetan jiwayatäñapatakiw arsüna, ukatsti janchipax mä jach'a p'iyar jaquntatäñapatakiw mayirakïna.

Jeremías 44:3

kunayman ñanqhanak lurapxatanakap layku. Yaqha diosanakar killt'asisa, ukanakar inciensonaka luqtasisaw nayarux ñanqhachapxitu; uka diosanakampisti jumanakasa, nayra awkinakamas janiw kuna lurañanakamas utjkänti.

Jeremías 5:6

Ukat jichhax leonanakax ch'umit mistunisin jiwarayapxani, wasarankir qamaqinakaw jisk'a jisk'a tukjapxani, markat mistusinkirinakarusti jisk'a jisk'a tukjarakini, walja jach'a juchanak lurapxatap layku, mayninakarus aljantapxatap layku.

Jeremías 7:6

yaqha markat jutirinakarusa, wajchanakarusa, ijmanakarus jan sinti irnaqayapxamti, jan juchan jaqinakarus aka chiqanxa jan jiwayapxamti, yaqha diosanakarutix yupaychasipkakïta ukkhax, jumanakpachaw aynacht'apxäta,

Jeremías 7:9

Lunthatapxta, jaqi jiwayapxta, wachuqa juchan sarnaqapxta, k'ari juramentonak lurapxta, Baal diosar inciensonak luqtasipxta, ukatsti yaqha diosanakaruw yupaychapxaraktaxa, ukanakampix janiw kuna lurañanakamas utjkiti,

Lamentaciones 4:13

¡Taqi ukanaksti profetanakapan juchapata, sacerdotenakapan ñanqha luratapata, pachpa marka manqhan jan juchan jaqiru jiwayapxatapat ukham lurasïna!

Ezequiel 20:26

Jupanakarusti, uka diosanakar jilïr yuqall wawanakap wilañcha luqtañampiw q'añuptayta. Taqi ukanaksti jupanakan axsartapxañapatakiw lurta, ukat nayan Tatitütax yatipxañapataki.’

Ezequiel 7:22

Nayasti aka markat jayaruw sarxä, nayan wali munat utaxsa takisiyarakïwa. Jan wali jaqinakaw jutasin q'añuchjapxani.

Ezequiel 8:11

Ukatsti uñjaraktwa israelitanakan paqallqu tunka jilïr jaqinakaparu uka idolonakar yupaychaskiri, uka jilïrinak taypinsti Safán sat jaqin Jaazanías yuqapaw ukankarakïna. Sapa maynis incienso q'aphichañ wayt'atkamänwa, incienso jiwq'ix qinayar uñtataw misturakïna.

Daniel (hebreo) 11:31

“ ‘Soldadonakapasti Tatitun utap ñanqhachapxaniwa, suma uyuchrantat markanaksa janiw yäqapkaniti. Sapüru wilañchanak luqtasiñanaksti jark'xaniwa, uka lantix axtaskañanak luqtapxani Tatitun yänakap takisisa.

Lucas 11:50

Ukhamax jumanakaw juchañchjasipxta aka uraq qalltatpach profetanakar jiwarayapxatamata,

Deuteronomio 13:13

13 (14) Diosar jan jaysir jaqinakan uñstatapa, markachirinakar Diosat jithiqtayaskatapa, yaqha jan uñt'at diosanakar yupaychayaskatapa ukkhasti,

Deuteronomio 13:6

6 (7) “Juman jilamatixa, pachpa jilamäkasina, jan ukax yuqall wawamasa, imill wawamasa, munat warmimasa, wali munat masimasa, jamasat jumar yaqha diosanakar yupaychayañ amtayätam, kawkïr diosanakarutix jumasa, awkinakamas jan uñt'kän ukaru,

Deuteronomio 28:20

“Taqi luräwinakamanxa, Tatitux ñanqhachäwinaka, pitusiñanaka, llakisiñanak apayanïtam, ukanakasti juk'a urunakan t'unjat uñjasiyätam, juman jan wali luräwinakamampi Tatitur apanukutam layku.

Deuteronomio 28:36

“Diosan munañapat jumasa, reyimasa katuntat uñjasini, ukatsti yaqha markar apataw uñjasipxäta, uka marksti janiw jumasa, awkinakamas uñt'apkänti. Ukatsti uka markan yaqha diosanakar yupaychapxäta, lawata, qalat lurat diosanakaru.

Deuteronomio 28:64

Diosax taqi markanakaruw mä thiyat mä thiykam ananukütam, ukansti yaqha diosanakaruw yupaychäta, lawata, qalat lurat diosanakaru, ukanaksti janiw jumasa, nayra awkinakamas uñt'känti.

Apocalipsis 16:6

Uka jaqinakax jumar katuyat jaqinakarusa, profetanakarus jiwarayapxänwa. Jichhasti jumax jupanakar wila umayaraktaxa. ¡Luratapatjam katuqasisipki!” sasa.

Jueces 5:8

“Taqinis yaqha diosanak ajllisipxäna, ukchañkamasti nuwasiñax niyaw marka punkur purinïna, pusi tunka waranqa israelitanak taypinsti, janiw mä jark'aqasiñasa, mä lanzas uñjaskänti.