Jeremías 19:13 - Qullan Arunaka DC

¹³ Jerusalenankir utanakasa, Judá uraqinkir reyinakan utanakapasa, kawkhantix yaqha diosanakar inciensonak luqtasipkäna, vino waxt'äwinak warapkäna uka uta patanakasa, q'añu chiqanakat uñt'atäniwa, kunjämäkitix Tófet chiqax ukhama’ ” sasa.

Aymar Bibliia 1986

¹³ Jerusalenanquir utanacasa, Judá orakenquir reyinacan palacionacapasa, uqhamaraqui uta terraza patanacan warawaranacaru inciensonaca loktasipcäna, yakha diosanacaru vino ofrendanaca warapcäna uca chekanacasti k'añu chekat uñt'atäniwa, cunjämäquitejj Tofet chekajj uqhama’ ” sasa.

Qullan Arunaca

¹³ Jerusalenanquir utanacasa, Judá orakenquir reyinacan palacionacapasa, uqhamaraqui uta terraza patanacan warawaranacaru inciensonaca loktasipcäna, yakha diosanacaru vino ofrendanaca warapcäna uca chekanacasti k'añu chekat uñt'atäniwa, cunjämäquitejj Tofet chekajj uqhama’ ” sasa.

Jeremías 19:13 Jak'a apnaqawi uñst'ayäwi

2 Reyes 17:16

Tatit Diosapan kamachi arunakap apanukusasti, broncet pä vaca qallu lursusipxäna, ukhamarus Astarté diosar uñtatanak lurapxäna, ukatsti Baal diosaru, intiru, phaxsiru, warawaranakaruw yupaychapxäna.

2 Reyes 23:10

Josías reyix Ben-hinom sat qhirwan utjkatayna uka nakhayaña t'unjarakïna, jan khitis yuqall wawaparusa, imilla wawaparus Milcom diosatak wilañcha luqtasipkañapataki.

2 Reyes 23:12

Ukhamarus kawkïr altaranaktix Judá marka apnaqir reyinakax Ahaz chachan utap patar lurapkatayna uka altaranak t'unjäna, ukhamaraki kawkïr altaranaktix Manasés chachax, Tatitun utap anqäxanakan lurkatayna ukanaksa; t'unjasasti t'unanakapxa Cedrón jawiraruw willtanïna.

2 Reyes 23:14

Ukatsti yupaychañ qalanakampi, lawanakamp jisk'a jisk'a tukjarakïna, uchatäkatayna uka chiqanakarusti, jaqi ch'akhanakampiw phuqhantäna.

Salmos 74:7

Qullan utamarux ninampiw irkatapxi; uraqitpach allinukusaw sutiman utjäwip ñanqhachapxi.

Salmos 79:1

¡Diosaxay, Tatitur jan uñt'ir jaqinakaw uraqimarux mantantanipxi! ¡Qullan utamaruw ñanqhachapxi, Jerusalenarusti t'unjat markaruw tukuyapxi!

Isaías 22:1

Unañchäwinak uñjañ qhirwataki profecía arunaka: ¿Kunas kamachi, taqinis uta patarkamakis mistupxixa?

Jeremías 19:12

Aka markampiru, jaqinakapampirux ukham lurä. Kunjämäkitix Tófet chiqax ukham jaytarakï. Naya, Tatituw uk arsta.

Jeremías 32:29

Babilonio soldadonakax Jerusalén markaruw nuwantapxani, ukatsti kawkïr utanakantix Baal diosar incienso luqtasipxirïkäna, vinonaksa yaqha jan uñt'at diosanakar luqtapxirïkän taqi uka utanak phichhantapxani; ukham yaqha diosanakar yupaychapxatapampisti nayaruw q'apisiyapxitäna.

Jeremías 44:18

ukampis Alaxpach Mama diosaru inciensompi, vinompi jan luqtaskxapxta ukat aksarux, taqi kunaw pist'xapxitu, jaqinakasti nuwasïwinakana, jan ukax manq'atjamaw jiwarxapxaraki —sasa.

Jeremías 52:13

ukatsti Tatitun utap ninampiw phichhantäna, reyin utapsa, markan utjir taqi utanaksa; nayraqatax jach'a jilïr jaqinakan utanakap q'al phichhantäna.

Jeremías 7:18

Wawanakax lawa apthapipxi, awkinakasti nina naktayapxi, warminakasti muxsa t'ant'anak lurañatakix t'ant'a masa wakichapxi, ukatsti uka t'ant'anakxa, Alaxpacha Mama sapki uka diosaruw luqtapxaraki. Yaqha diosanakar waxt'äwinak luqtasitanakapampix ñanqhachapxituwa.

Jeremías 8:2

Uka ch'akhanaksti uraqiruw willitatapxani, intinsa, phaxsinsa, taqi warawaranakansa uñjkat willinukutäniwa, jupanakax ukanakaruw yupaychapxatayna, arkapxatayna, jiskt'asipxarakitayna. Janirakiw khitis uka ch'akhanak imt'xañatakix apthapkaniti. Jan ukasti pachpa uraqiruw qhiparani, q'añu t'unar uñtata.

Ezequiel 20:28

Nayax jupanakar churañataki arsuta uraqiru puriyanxta ukkhasti, jupanakax mä jisk'a qullu patansa, jan ukax walja laphinakani quqanak k'uchunakansa, jank'akiw nayar q'apisiykitu uka wilañchanaka, waxt'anak luqtapxäna, suma q'apkir qullanakampi q'uphichasa, vinompi ch'allt'asa.

Sofonías 1:5

Uta patanakar mistusin warawaranakar yupaychirinakarux tukjäwa, Tatitun nayraqatapan killt'askasa, jaqin lurat Milcom sat diosan sutip layku juramento luririnakarux tukjarakïwa.

Hechos 10:9

Qhipürusti, soldadompi, uywatanakampix Jope markaruw jak'achasisipkäna, ukchañkamasti Pedrox uta pata qamañawjaruw Tatitut mayisir makhatäna. Ukasti niya chika urünwa.

Hechos 7:42

Ukham lurapxatapat Diosax jupanakat jithiqtxäna, jupanakarusti alaxpach warawaranakar yupaychañapatakiw katuyäna, kamisatix profetanakan qillqatapan yatiyaski ukarjama: “Israelit jaqinaka, ¿pusi tunka mara wasarankkasina, wilañchanakampi, waxt'äwinakamp luqtapxistati?

Deuteronomio 4:19

Ukatsti alaxpach uñtasina, intiru, phaxsiru, warawaranakaru, taqpach warawaranakar uñtapkät ukapachaxa, jan ukanakar yupaychapxamti, ukanaksti Tatit Dios awkisaw taqi akapach uraqinkir markanakatak luri.