Jeremías 19:11 - Qullan Arunaka DC

¹¹ ukatsti sarakim: ‘Taqi ch'aman Tatitux akham siwa: Aka markampiru, markachirinakapampirux jisk'a jisk'a tukjarakï, kunjämatix mä jaqix uma wayucha jisk'a jisk'a t'unjki ukhama, uka wayuchsti janiw khitis askichkxaspati. Jaqinakasti jiwatanakapxa Tófet sata chiqan imasipxani, jan juk'ampi yaqha chiqax imañatak utjkxatap layku.

Aymar Bibliia 1986

¹¹ Ucatsti saraquim: ‘Take ch'amani Tatitojj aqham siwa: Aca jakenacarusti aca marcanjja jisc'a jisc'a tucjaraquï, cunjämatejj mä jakejj mä uma wayuchjja jisc'a jisc'a t'unjejj uqhama, ucatsti uca wayuchjja janiw qhitisa juc'ampi asquichcjjaspati. Jakenacasti jiwatanacapjja Tofet sisqui uca chekanwa imasipjjani, jan juc'ampi yakha chekajj imañataqui utjcjjatap laycu.

Qullan Arunaca

¹¹ Ucatsti saraquim: ‘Take ch'amani Tatitojj aqham siwa: Aca jakenacarusti aca marcanjja jisc'a jisc'a tucjaraquï, cunjämatejj mä jakejj mä uma wayuchjja jisc'a jisc'a t'unjejj uqhama, ucatsti uca wayuchjja janiw qhitisa juc'ampi asquichcjjaspati. Jakenacasti jiwatanacapjja Tofet sisqui uca chekanwa imasipjjani, jan juc'ampi yakha chekajj imañataqui utjcjjatap laycu.

Jeremías 19:11 Jak'a apnaqawi uñst'ayäwi

Salmos 2:9

Hierro thujrumpiw jupanakarux apnaqäta, ¡ñiq'i phukhunakarjamaw t'unjarakïta!” sasa.

Proverbios 6:15

Ukat jupatak jan walt'añax akatjamat purinini; mä ch'ipxtanak q'ala tukjat uñjasini.

Isaías 30:14

ñiq'it lurat chatjam q'ala t'unjatäpxätawa, uka jik'illitanakax jan kunatak wakiskiriwa, qhirit nina sank'a apsuñatakisa, jan ukax phuch'ut uma qichsuñatakisa” sasa.

Jeremías 13:14

Ukatsti sañunakjam p'akirpayä, maynix maynimpi, awkix yuqapampi ukham jupanakkam tukjasipxani. Janiw jupanakat khuyapt'ayaskäti, jan ukasti, q'alpun t'unjä. Naya, Tatituw uk arsta’ ” sasa.

Jeremías 19:12

Aka markampiru, jaqinakapampirux ukham lurä. Kunjämäkitix Tófet chiqax ukham jaytarakï. Naya, Tatituw uk arsta.

Jeremías 19:6

Ukat jichhax aka chiqax jan juk'ampi Tófet satäkxaniti, janirakiw Ben-hinom satäkxanisa, jan ukasti, Jiwarayañ Qhirwa satäxaniwa. Naya, Tatituw uk arsta.

Jeremías 25:34

¡Awatirinaka, wararipxam, usuyasiñat wararipxam! ¡Jumanaka, tamar irpirinaka, uraqin qurumnaqapxam! Jumanakar khariraña pachax purinxiwa, jumanakarusti lik'i ovejanakarjamaw kharirapxätam.

Jeremías 48:38

“Moab markan taqi uta patanakansa, thakhinakapansa, jaqinakan wararitapakiw ist'asiski, nayaw Moab markarux jisk'a jisk'a t'unjta, jan kunatak inamay sañükaspas ukhama. Naya, Tatituw uk arsta.”

Jeremías 51:63

Ukat aka qillqata, mä qalampi chinuntasin Éufrates jawirar jaquntäta,

Lamentaciones 4:2

Jerusalén markan jakirinakasti, wali munatäpxänwa, qurïpkaspas ukham uñjatäpxänwa, jichhasti ñiq'i phukhükaspas ukham uñjatakïxiwa, jan yäqañ sañu luririn luratjama.

Hechos 21:11

Jupasti nanakaruw jak'achasini, ukatsti Pablon cinturonap katusin kayunakapampi, amparanakapamp ñach'antasi. Ukat saraki: —Qullan Ajayux akham siwa: “Jerusalenanxa, judionakax aka cinturonanirux akham ñach'antapxani, ukatsti Roma apnaqir jilïrinakaruw katuyapxani” —sasa.

Apocalipsis 2:27

kamisatix Awkixax nayar munañanïñ kankañ churkitu ukhama; markanakarusti hierro thujrumpiw apnaqapxani, ñiq'i phukhunakarjamaw t'unthapipxani. Jupanakarusti qhantati warawara churarakï.