Jeremías 18:23 - Qullan Arunaka DC

²³ Ukampis Tatay, jumaw taqi amtatanakap yatta, nayar jiwayañatak amtapki ukanaka. ¡Ñanqha luratanakapat jan pampachamti, jucha luratanakapsa janirak armamti! ¡Juma nayraqatar tinkurayam, jach'a phiñasiñampi mutuyarakim!

Aymar Bibliia 1986

²³ Ucampisa, jumajj Tata, take amtatanacapjja yattawa, cuntejj nayaru jiwayañatac amtapqui ucanacjja. ¡Ñankha luratanacapatjja jan perdonamti, jucha luratanacapsa janiraqui armamti! ¡Juma nayrakataru tincuyam, ucatsti wali colerasiñampi mutuyaraquim!

Qullan Arunaca

²³ Ucampisa, jumajj Tata, take amtatanacapjja yattawa, cuntejj nayaru jiwayañatac amtapqui ucanacjja. ¡Ñankha luratanacapatjja jan perdonamti, jucha luratanacapsa janiraqui armamti! ¡Juma nayrakataru tincuyam, ucatsti wali colerasiñampi mutuyaraquim!

Jeremías 18:23 Jak'a apnaqawi uñst'ayäwi

Salmos 119:126

Tatay, urux purinxiwa, wakisxiw kun lurañamasa, arunakamarux janiw ist'añ munapkiti;

Salmos 35:4

Nayar jiwayañ munirinakax, mä p'inqay atipjayasipxpan, nayatak ñanqha amtirinakasa, p'inqachat jaltxapxarakpan;

Salmos 56:8

8 (9) Diosaxay, jaltatanakaxax juman jakhutawa; jumaw jachatanakaxsa yattaxa. ¿Janit ukanakast qillqataman qhanäkisti?

Salmos 59:5

5 (6) Tatay, taqi ch'aman Diosay, Israelan Diosapa, sartasikimaya, khä ñanqha lurir markanakarux mutuyamaya; khä ch'uxña chuyman jaqinakat jan khuyapayasimti.

Isaías 10:3

Tatitux luratanakamat wayt'apkätam ukapachax kunak lurapkäta. Tatitux mutuyäwi apayanipkätam ukapachax kamachapkakïta. ¿Khitirus yanapt'a mayipxäta? ¿Kawkharus qamir yänakam imantapxäta?

Isaías 2:9

Uka luratanakapax mä p'inqawa, taqinitakis jan walipuniwa, ¡Tatitu, jupanakarux jan pampachamti!

Jeremías 11:23

Janirakiw jupanakat maynis qhiparkxaniti, Anatot chiqan utjir jaqinaka, jumanakar mutuyañ urux jutaskiwa, jumanakxarusti jach'a t'aqhisiñ apayanï.”

Jeremías 15:15

Tatay, jumax taqi kun yattaxa, juma laykuw jisk'achatas uñjasta. ¡Nayat amtasisax nayar yanapt'iriy jutam! ¡Janikiy ukhamak qhiparamti, khitinakatix nayar arknaqapkitu, ukanakar mutuyam janïr nayar jiwaykipana!

Jeremías 17:18

Uñisirinakaxar mä p'inqa uñjasiyam, nayarusti jan ukham tukuyistati; jupanakax axsarañatsa wal khathatipxpan, nayarusti jan axsarayistati. Jupanakxar t'aqhisiñanak apayanim, mäpit jupanakar q'al tukjam.

Jeremías 17:4

Jumar churksma uka uraqsti apanukuwayañamawa, ukatsti jumax jan uñt'ktas uka uraqinxa, uñisirinakaman t'aqhisiyatap tukuyäma, phiñasiñaxasti ninjamaw aqti, uka ninaw nakhantarakïtam.”

Jeremías 18:18

Jaqinakasti sapxarakïnwa: “Jichhax Jeremiasar jan walt'ayañatak mä amtäwir puriñäni. Jiwasar yatichir sacerdotenakax utjaskaniwa, amuyt'an jaqinakas iwxanakap churañatakix utjaskaniwa, Tatitun arunakap yatiyir profetanakas utjaskapuniniwa. Jeremías profetar jiwayapxañapatak k'arintapxañäni. Kuntix jupax siski uka arunakarus janirak yäqkañäniti” sasa.

Jeremías 26:11

Ukatsti sacerdotenakasa, profetanakasa, uka jach'a jilïrinakaru, ukhamaraki taqi jaqinakaruw sapxäna: “Aka jaqin aka markat jan wal parlatapatxa, jiwayatäñapawa. Jumanak pachpaw ukham parlatap ist'apxtaxa” sasa.

Jeremías 26:8

Ukatsti jupax taqi kuntix Tatitux parlañapatak churkatayna uka arunak parlañ tukuyxän ukkhasti, sacerdotenaka, profetanaka, uka markan jakirinakasa Jeremiasar katuntasin sapxäna “¡Jumax jiwätawa!

Jeremías 37:15

Uka jilïrinakasti Jeremiasar uñjasax walpun phiñasipxäna, Jeremiasar nuwjayasinsti, Jonatán, khititix reyin qillqiripäkän ukan utaparuw carcelt'ayapxäna, uka utsti carcelaruw tukuyapxarakitayna.

Jeremías 38:4

Ukatsti uka jilïrinakax reyir sapxarakïnwa: —Jeremiasarux jiwayañawa, ukham parlatapampix kawkïr soldadonakatix markar qhiparapki, kawkïr jaqinakatix aka markankapki ukanakaruw ch'ama thayjtayi. Aka jaqix janiw aka markan askipa munkiti, jan ukasti aka markan aynacht'añap muni —sasa.

Jeremías 6:15

¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Jeremías 6:21

Ukatpï Tatitux sixa: “Aka markarux ch'anqtasiyasaw liwisiyä. Awkinakasa, wawanakasa, uta jak'anakasa, jilat masinakasa, taqiniw mayak jiwarapxani” sasa.

Jeremías 7:20

Ukat naya, Tatitux taqi phiñasiñaxampi aka chiqar mutuyä, jaqinakxaru, animalanakxaru, quqanakxaru, yapunakxaru. Q'apisiñaxasti jan jiwarkir ninjamaw nakhani.”

Jeremías 8:12

Ñanqha axtaskañ juchanakpin lurapxtaxa, ukham luratanakamat janiw p'inqasipktati, janirakiw kunäkitix p'inqasiñax uksa yatkxapxtati. Ukatpï mutuyapxämaxa, ukatsti taqiniw t'unjatäpxäta. Naya, Tatituw uk arsta.’ ”

Lamentaciones 3:60

Jumaw nayar jan wal lurañ amtapki ukanak uñjtaxa, nayar ñanqhachañ amtapki ukanaksa uñjaraktaxa.

Lamentaciones 3:61

Tatay, nayar chuyma usuchjatanakap ist'amaya, nayataki jan wali amtatanakap uñjarakimaya;

Lucas 21:22

Uka urunakasti mutuyäwi urunakäniwa, kunjämtix Qillqatan siski ukanakaw phuqhasini.

Romanos 2:5

Ukampis jumax qala chuymanïtam layku, Diosar makhatañ jan munatam laykux, juma pachpaw mutuñ urutakix mutuyäwi katuqañatak wakichasisktaxa, kunapachatix Diosax chiqpach juchañchir uñstankani,